Íslendingar kærir!
Ögmundur Þór Jóhannesson heldur kvöldtónleika í Dómkirkjunni í Reykjavík, þriðjudaginn 22. maí, klukkan 21:15 til 22:00. Á tónleikunum mun Ögmundur Þór leika verk fyrir klassískan gítar frá ýmsum tímabilum, íslensk og erlend. Ögmundur Þór hefur hlotið margvíslega viðurkenningu á ferli sínum og hefur á undanförnum árum haldið tónleika víða um heim, á síðustu árum mest í Kína og Suð-austur Asíu. Til Íslands kemur Ögmundur eftir tónleikahald í New York. Ögmundur Þór Jóhannesson hefur verið búsettur erlendis um nokkurt skeið en reglulega komið til Íslands, meðal annars til tónleikahalds. Ögmundur Þór er nú búsettur í Guangzhou í Kína.
Aðgangur að tónleikunum er ókeypis og eru allir boðnir velkomnir.
Laufey Böðvarsdóttir, 20/5 2018
Laufey Böðvarsdóttir, 19/5 2018
Prestsvígsla í Dómkirkjunni
Annan dag hvítasunnu, mánudaginn 21. maí nk. kl. 11 mun biskup Íslands, frú Agnes M. Sigurðardóttir, vígja tvo guðfræðinga til þjónustu.
Cand. theol. Arnaldur Máni Finnsson, verður vígður til sóknarprestsþjónustu í Staðastaðarprestakalli, Vesturlandsprófastsdæmi.
Mag. theol. Kristján Arason, verður vígður til sóknarprestsþjónustu í Patreksfjarðarprestakalli, Vestfjarðarprófastsdæmi.
Vígsluvottar verða sr. Auður Eir Vilhjálmsdóttir, sr. Oddur Bjarni Þorkelsson, sr. Ólafur Jóhann Borgþórsson, sr. Sigurður Jónsson, sr. Sveinn Valgeirsson Dómkirkjuprestur og sr. Þorbjörn Hlynur Árnason prófastur sem lýsir vígslu.
Laufey Böðvarsdóttir, 17/5 2018
Hvítasunnudag kl.11 er fermingarmessa í Dómkirkjunni.
Séra Sveinn Valgeirsson þjónar þar og einnig þjónar hann kl.14 í Viðey. Gaman að taka bátinn út Viðey og njóta guðþjónustu þar, nú í sumarbyrjun.
Æðruleysismessa kl. 20 í Dómkirkjunni á hvítasunnudag.
Æðruleysismessan er svar kirkjunnar við sívaxandi þörf tólfsporafólks fyrir andlegt- og trúarlegt líf. Tólf sporin og inntak Æðruleysisbænarinnar eru allt um kring ásamt kyrrð og ró. Messan er klukkustund og er allt fólk velkomið, börn, ungt fólk, miðaldra og aldrað ;)
Við munum taka okkur frá amstri dagsins og amstri helgarinnar, dvelja saman í kyrrð og ró, biðja saman, meðal annars fyrir þeim sem eru enn úti að þjást, hugleiða, hlusta á félaga deila reynslu sinni, hlusta á ljúfa tóna og endurnærast eða endurnýjast.
Laufey Böðvarsdóttir, 15/5 2018