Dómkirkjan

Kammerkór Dómkirkjunnar er með tónleika klukkan 18 í dag, 19. desember. Tíðasöngur kl. 16.45-17.00 með séra Sveini.

Laufey Böðvarsdóttir, 19/12 2019

Bach tónleikar falla niður í kvöld vegna veikinda.

Laufey Böðvarsdóttir, 17/12 2019

Jólatónleikar Dómkórsins verða haldnir í Dómkirkjunni í Reykjavík miðvikudaginn 18. desember kl. 22. Flutt verða hefðbundin jólalög í bland við ný, erlend sem innlend. Aðgangur að tónleikunum er ókeypis. The Cahtedral Choir gives it´s annual Christmas concert Wednesday 18th December at 10 p.m. in the Reykjavik Cathedral. Free entrance.

Laufey Böðvarsdóttir, 17/12 2019

Messa sunnudaginn 22. desember klukkan 11.00 sr. Kristján Valur Ingólfsson vígslubiskup prédikar, séra Sveinn Valgeirsson þjónar. Dómkórinn syngur undir stjórn Kára Þormar dómorganista.

Laufey Böðvarsdóttir, 17/12 2019

Hollvinur Dómkirkjunnar? Dómkirkjan er eitt elsta hús Reykjavíkur og hefur verið helgidómur Reykvíkinga í á þriðju öld. Auk helgihalds í hinu aldna húsi heldur söfnuðurinn uppi fjölbreyttu safnaðarstarfi fyrir fólk á öllum aldri, óháð trúfélagsaðild. Guðsþjónustur eru alla sunnudaga og á hátíðum ársins, fyrirbænaguðsþjónustur alla þriðjudaga í hádeginu, tíðasöngur á fimmtudögum kl. 17 .00, tónleikar kl.18.00 og örpílagrímagöngur á miðvikudögum kl. 18. Sálmastund alla föstudaga kl.17.00. Í hverri viku eru jarðarfarir, iðulega hjónavígslur og skírnir við hinn fagra skírnarfont sem listamaðurinn, Thorvaldsen, gaf föðurlandi sínu. Á sunnudögum yfir vetrarmánuðina er barnastarf á kirkjuloftinu. Auk þess er haldið uppi æskulýðsstarfi, fermingarfræðslu, og þróttmiklu kórstarfi og tónlistarlífi, auk sálgæslu, fræðslu í trú og sið og andlegrar umhyggju. Í Safnaðarheimili Dómkirkjunnar að Lækjargötu 14b, gamla Iðnskólahúsinu, eru skrifstofur prestanna, þar fer fram fræðslustarf, opið hús á fimmtudögum, hádegisverður á þriðjudögum að lokinni bænastund og eins er safnaðarheimilið leigt út fyrir skírnarveislur og aðrar samverur. Dómkirkjusöfnuðurinn ber ábyrgð á rekstri og viðhaldi Dómkirkjunnar og Safnaðarheimilisins sem eru friðuð hús og með merkustu byggingum borgarinnar. Sóknargjöld sem greidd eru sem hlutfall af tekjuskatti eru nú tæpar 1.000 kr. á mánuði. Sú upphæð hefur hvergi nærri fylgt verðlagsþróun og eins hefur gjaldendum fækkað. Því viljum við gefa fólki kost á því að gerast Hollvinir Dómkirkjunnar og styðja við starf hennar með reglubundnum framlögum á reikning sóknarinnar: Banki: 513-26-3565, kennitala: 500169-5839. Margt smátt gerir eitt stórt og þitt framlag skiptir máli.

Laufey Böðvarsdóttir, 16/12 2019

Í stað hefðbundinna jólatónleika boðar Hljómeyki til SAMLÆTISSÖNGS Á AÐVENTU í Dómkirkjunni 16. desember kl. 21. Tónleikarnir hefjast á því að Hljómeyki flytur nokkur vel valin jólalög en síðan mun kórinn leiða jólalegan samsöng með tónleikagestum. Sungin verða lög sem flestir kannast við sem einhvern tíma hafa sungið í kór. Við bjóðum alla áhugasama (kór)söngvara sérlega velkomna og vonumst til að þeir syngi okkur til samlætis. Stjórnandi Hljómeykis (og ykkar allra þetta kvöld) er Þorvaldur Örn Davíðsson. Aðgangseyrir er 1.000 krónur en tónleikarnir eru liður í fjáröflun kórsins fyrir tónleikaferð til Hvíta-Rússlands í apríl 2020.

Laufey Böðvarsdóttir, 16/12 2019

Norsk messa kl.14.00 sunnudaginn 15. desember, séra Þorvaldur Víðisson prédikar. Æðruleysismessa klukkan 20.00.

Laufey Böðvarsdóttir, 15/12 2019

Kammerhópurinn Camerarctica heldur sína árlegu kertaljósatónleika í kirkjum nú rétt fyrir jólin. Hópurinn hefur leikið ljúfa tónlist eftir Mozart við kertaljós í tuttugu og sjö ár og þykir mörgum ómissandi að koma úr miðri jólaösinni inn í kyrrðina og kertaljósin í rökkrinu. Hópinn skipa að þessu sinni þau Ármann Helgason, klarinettuleikari, Hildigunnur Halldórsdóttir fiðluleikari, Bryndís Pálsdóttir fiðluleikari, Svava Bernharðsdóttir, víóluleikari og Sigurður Halldórsson, sellóleikari. Á efnisskránni er m.a strengjakvartett kv. 160 eftir hinn unga Mozart sem er fullur af gleði og lífskrafti og hinn þekkti og dáði Klarinettukvintett kv 581 sem hefur oftsinnis heyrst á kertaljósatónleikum Camerarctica. Að venju lýkur tónleikunum á því að Camerarctica leikur jólasálminn góða, ” Í dag er glatt í döprum hjörtum”, sem er úr Töfraflautunni eftir Mozart. Tónleikarnir verða sem hér segir: Í Hafnarfjarðarkirkju, fimmtudagskvöldið 19. desember, Kópavogskirkju, föstudagskvöldið 20. desember, Garðakirkju, laugardagskvöldið 21. desember og loks í Dómkirkjunni í Reykjavík, sunnudagskvöldið 22. desember. Tónleikarnir eru klukkustundarlangir og hefjast þeir allir klukkan 21.00. Aðgangseyrir er kr. 3500, og kr. 2500 fyrir nemendur og eldri borgara.. Frítt er inn fyrir börn. Miðasala við innganginn og á Tix.is

Laufey Böðvarsdóttir, 15/12 2019

Á morgun verður kveikt á þriðja aðventukertinu. Messa klukkan 11.00 þar sem séra Elínborg Sturludóttir prédikar, Douglas leikur á orgelið og Dómkórinn syngur. Síðasti sunnudagaskólinn á þessu ári á kirkjuloftinu á sama tíma. Klukkan 14.00 er norsk messa, séra Þorvaldur Víðisson prédikar. Æðruleysismessa kl. 20.00 séra Elínborg og séra Fritz Már og Kristján Hrannar leikur á flygilinn. Verið velkomin!Aðventukransinn byggist á norður-evrópskri hefð. Hið sígræna greni táknar lífið sem er í Kristi og hringurinn táknar eilífðina. Fyrsta kertið nefnist spádómakertið og minnir á fyrirheit spámanna Gamla testamentisins er höfðu sagt fyrir um komu frelsarans. Annað kertið nefnist Betlehemskertið. Þar er athyglinni beint að þorpinu sem Jesús fæddist í, og þar sem ekkert rúm var fyrir hann. Þriðja kertið nefnist hirðakertið en snauðum og ómenntuðum fjárhirðum voru sögð tíðindin góðu á undan öllum öðrum. Fjórða kertið nefnist síðan englakertið og minnir okkur á þá sem báru mannheimi fregnirnar.

Laufey Böðvarsdóttir, 14/12 2019

Sálmastundin fellur niður í dag vegna veikinda

Laufey Böðvarsdóttir, 13/12 2019

Kirkjan er opin alla virka daga frá 10-14

Viðtalstímar presta eru í safnaðarheimilnu
Lækjargötu 14a,
þri-fös 11-12 og eftir samkomulagi.
Sími: 520-9700.

Skráning í fermingarfræðslu

Kirkjustræti, 101 Reykjavík.. Sími 5209700 , fax 5209701 · Kerfi