Dómkirkjan

Sunnudagurinn 9. desember er annar sunnudagur í aðventu. Messað er kl. 11 og það er sr. Sveinn Valgeirsson sem prédikar og þjónar fyrir altari. Dómkórinn syngur og Kári Þormar leikur á orgelið. Sunnudagaskólinn er á sínum stað  á kirkjuloftinu. Að lokinni messu er kaffi í safnaðarheimilinu

Annan desember, fyrsta sunnudag í aðventu er messa kl. 11. Sr. Hjálmar Jónsson leiðir messuna og þjónar fyrir altari. Stoppleikhópurinn flytur leikritið “Ósýnilegi vinurinn” Dómkórinn syngur, organisti er Kári Þormar. Barn verður borið til skírnar. Kveikt verður á fyrsta kertinu í aðventukransinum og aðstoða börnin við það.

Kl. 20 er aðventukvöld Dómkirkjunnar. Þorsteinn Pálsson flytur hugleiðingu og KK syngur og leikur á gítarinn. Dómkórinn syngur undir stjórn Kára Þormar sem einnig leikur á orgelið. Að lokinni stundinni  býður kirkjunefnd kvenna Dómkirkjunar, gestum í kaffi í safnaðarheimilinu

Fræðslukvöld í safnaðarheimili Dómkirkjunnar

Starfs- og leikmannaskóli þjóðkirkjunnar býður til fræðslukvölds um helgidaga og hátíðir. Dr. Einar Sigurbjörnsson kennir um efnið, en nýlega var rit hans Embættisgjörð endurútgefið. Við sækjum kirkju á helgum dögum og hátíðum og gerum okkur dagamun heima, en hvaðan eru hefðir okkar sprottnar? Um þetta fjallar dr. Einar á námskeiðinu sem verður haldið í Safnaðarheimili Dómkirkjunnar við Lækjargötu 14a miðvikudagskvöldið 28. nóvember 2012 kl. 18-21. Þátttaka er án endurgjalds og boðið er upp á léttar veitingar í hléi. Vinsamlegast skráið ykkur í netfangið kristin.arnardottir@kirkjan.is eða í síma 528 4000.

Næsta sunnudag 25. nóvember er messað kl. 11. Sr. Sveinn Valgeirsson prédikar og þjónar fyrir altari. Dómkórinn syngur,organisti er Hilmar Agnarsson. Sunnudagaskólinn er á kirkjuloftinu á messutíma

Á sunnudaginn 18. nóvember kl. 11 verður Guðmundur Sveinbjörn Brynjólfsson vígður til djákna með viðhöfn í Dómkirkjunni, en Guðmundur var nýlega ráðinn til að sinna barnastarfi, æskulýðsstarfi og félagsstarfi fullorðinna í Guðríðarkirkju.  Séra Kristján Valur Ingólfsson biskup í Skálholti sér um vígsluna og sr. Sigríður Guðmarsdóttir lýsir vígslu. Vígsluvottar Guðmundar verða  séra Sigríður, séra Karl Valgarður Matthíasson, séra Guðmundur Karl Brynjarsson og Ragnheiður Ásgeirsdóttir djákni. Sr. Sveinn Valgeirsson dómkirkjuprestur þjónar fyrir altari. Dómkórinn syngur, organisti er Kári Þormar. Sunnudagaskólinn er á sínum stað á kirkjuloftinu.Æðruleysismessa er síðan kl. 20.00

Þann 6. nóvember nk. mun Dómkórinn í Reykjavík, Kammerkór Dómkirkjunnar, ásamt einsöngvurunum Sigrúnu Hjálmtýsdóttur, Sesselju Kristjánsdóttur, Snorra Wium og Viðari Gunnarssyni auk kammersveitar flytja Requiem eftir W.A. Mozart í Eldborgarsal Hörpu. Stjórnandi er Kári Þormar. Tónleikarnir eru hluti Tónlistardaga Dómkirkjunnar sem í ár eru haldnir í þrítusgasta sinn. Tónleikarnir eru tileinkaðir minningu Marteins H. Friðrikssonar dómorganista (1939-2010), sem var helsti frumkvöðull Tónlistardaganna. Einnig mun Skólakór Kársness flytja Stabat mater eftir G.B. Pergolesi undir stjórn Þórunnar Björnsdóttur, ásamt einsöngvurunum Sigrúnu Hjálmtýsdóttur, Sesselju Kristjánsdóttur og kammersveit.
Tónleikarnir hefjast kl. 20:00 og fer miðasala fram á vef Hörpu: www.harpa.is.

Næsti sunnudagur 4. nóvember er samkvæmt kirkjuárinu  22. sd. eftir þrenningarhátíð en jafnframt allra heilagra messa en þann dag minnist kirkjan sérstaklega þeirra sem fallnir eru frá . Sr. Hjálmar Jónsson prédikar og þjónar fyrir altari. Dómkórinn syngur og organisti er Kári Þormar. Í lok athafnar gefst kirkjugestum kostur á að tendra ljós  til minningar um látna ástvini. Sunnudagskólinn er á kirkjuloftinu að venju

Á þessu ári eru liðin 200 ár frá því að Pétur Guðjohnsen  fæddist. Pétur var fyrsti organisti Dómkirkjunnar, og sinnti starfinu frá árinu 1840 þegar hann kom úr námi í Danmörku og allt til dauðadags. Jafnframt sinnti hann tónlistarkennslu og ýmsum öðrum störfum. Hann var frumkvöðull í íslensku tónlistarlífi. Kirkjusöngurinn var honum einkar hugleikinn og hann samdi m.a. tvær sálmasöngsbækur.

Í tilefni af þessum tímamótum verður haldin dagskrá í Dómkirkjunni Mánudaginn 29.október kl 20.00.

Þar koma fram Dómkórinn í Reykjavík,Kór Menntaskólans í Reykjavík, Hallveig Rúnarsdóttir, Svanur Vilbergsson, Steingrímur Þórhallsson, Björn Steinar Sólbergsson, Þröstur Eiríksson og Hjálmar Jónsson. Flutt verður tónlist eftir Pétur og tónlist sem tengist honum og starfi hans. Þröstur Eiríksson flytur erindi um Pétur og störf hans. Þá verður verkið ‘Davíðssálmur 141´ fyrir kór og orgel, eftir Pál Ragnar Pálsson frumflutt, en tónskáldið er langa-langafabarn Péturs.

Þá verður einnig frumflutt lagið Andvakan eftir Pétur sem hann skrifar fyrir einsöng og gítar. Lagið er vafalaust elsta íslenska tónsmíð fyrir gítar sem varðveist hefur og hugsanlega elsta íslenska einsöngslagið.

Dagskráin er samstarf Tónlistardaga Dómkirkjunnar og Tónskóla Þjóðkirkjunnar

Aðgangur er ókeypis og öllum heimill.

Dagskráin er samstarf Tónlistardaga Dómkirkjunnar og Tónskóla Þjóðkirkjunnar

Á sunnudaginn höldum við hátíðlegan kirkjudag Dómkirkjunnar með hátíðarmessu kl. 11. Biskup Íslands sr. Agnes Sigurðardóttir prédikar en, sr. Hjálmar Jónsson sóknarprestur þjónar fyrir altari. Dómkórinn syngur og organisti er Kári Þormar. í messunni verður frumflutt verk eftir Pál Ragnar Pálsson. Tónlistardagar Dómkirkjunnar standa nú yfir og er verkið samið af því tilefni en nú eru 30 ár síðan Marteinn Friðriksson hleypti af stokkunum þessari tónlistarhátíð. Í messunni verða skírð tvö börn. Að messu lokinni býður sóknarnefnd kirkjugestum í kaffi í safnaðarheimilinu.

Sunnudaginn 21. Október prédikar sr. Sveinn Valgeirsson og þjónar fyrir altari í messunni kl. 11. Dómkórinn syngur,organisti er Kári Þormar. Sunnudagaskólinn er á kirkjuloftinu á messutíma. Kl. 20 er æðruleysismessa og þar þjóna sr. Sveinn Valgeirsson  sr. Karl V. Matthíasson og sr. Bryndís Valbjarnardóttir. Bræðrabandið sér um tónlistina.