Á morgun, sunnudaginn 16. febrúar, sem er fyrsti sunnudagur í níuviknaföstu, er messa og barnastarf kl. 11:00. Séra Karl Sigurbjörnsson, biskup prédikar og þjónar fyrir altari. Mæðgurnar Agnes Guðrún Magnúsdóttir og Ragna Árnadóttir lesa ritningarlestrana. Sönghópurinn Boudoir syngur undir stjórn Julian Hewlett, organista. Skemmtilegt og fræðandi barnastarf á kirkjuloftinu á sama tíma í umsjón Ólafs Jóns og Sigurðar Jóns. Hjartanlega velkomin.
Æðruleysismessa kl. 20:00 sr. Anna Sigríður Pálsdóttir og sr. Karl V. Matthíasson þjóna. Falleg tónlist, prédikun, og bæn. Þórir leikur á flygilinn. Hjartanlega velkomin.
Laufey Böðvarsdóttir, 15/2 2014
Æðruleysismessa sunnudagskvöld kl 20:00. Falleg tónlist, predikun, og bæn.
Sr. Anna Sigríður og sr. Karl Matthíasson þjóna.
Hjartanlega velkomin.
Laufey Böðvarsdóttir, 14/2 2014
Velkomin til okkar í Opna húsið í safnaðarheimilinu í dag, frá 13:30-15:30. Sr. Karl Sigurbjörnsson, biskup ætlar að fræða okkar um Hallgrím Pétursson, þann merka mann.
Gómsætar veitingar að hætti Dagbjartar og góður félagsskapur.
Hlökkum til að sjá ykkur.
Laufey Böðvarsdóttir, 13/2 2014
Sunnudaginn 16. febrúar er messa kl. 11 sr. Karl Sigurbjörnsson prédikar og þjónar fyrir altari. Sönghópurinn Boudoir syngur undir stjórn Julian Hewlett, organista. Skemmtilegt og fræðandi barnastarf á kirkjuloftinu á sama tíma í umsjón Ólafs Jóns og Sigurðar Jóns.
Laufey Böðvarsdóttir, 12/2 2014
Í dag kom sr. Þórir Stephensen og sagði sögu Dómkirkjunnar, sem er mikil og merkileg.
Laufey Böðvarsdóttir, 11/2 2014
Bæna-og kyrrðarstund í hádeginu í dag kl. 12:10-12:30. Léttur hádegisverður í safnaðarheimlinu, Lækjargötu 14a að bænastund lokinni. Hjartanlega velkomin.
Laufey Böðvarsdóttir, 11/2 2014
Frá jólafundi KKD
Kirkjunefnd kvenna Dómkirkjunnar er með fund í safnaðarheimilinu í dag kl. 17. Sr. Karl Sigurbjörnsson, biskup er gestur fundarins og það er tilhlökkun að heyra hann segja frá.
Kl. 19:30 er Ungdóm með samveru, það verður spurningakeppni. 1-3 verða saman í liði og keppt verður til verðlauna. Óli og Siggi taka vel á móti fermingarbörnum og öðrum ungmennum.
Laufey Böðvarsdóttir, 10/2 2014
Það er gaman að fara með afa í messu. Hér er Marinó , formaður sóknarnefndar Dómkirkjunnar með afabörnum sínum.
Sr. Anna Sigríður ásamt Sigurði Jóni og Kristínu Sveinsdóttur sem sáu um skemmtilegt og fræðandi barnastarf í messunni í dag.
Laufey Böðvarsdóttir, 9/2 2014
Messa sunnudaginn 9. febrúar kl 11, sr. Anna Sigríður Pálsdóttir prédikar og þjónar fyrir altari. Skemmtilegt og fræðandi barnastarf á kirkjuloftinu á sama tíma í umsjón Sigurðar Jóns og Kristínar Sveinsdóttur. Dómkórinn og organisti er Kári Þormar. Hjartanlega velkomin.
Laufey Böðvarsdóttir, 7/2 2014
Fengum góða gesti úr Stafholtssókn í gær. Sr. Elínborg Sturludóttir kom ásamt fermingarbörnum sínum í menningarferð til Reykjavíkur. Sr. Karl, biskup tók á móti þeim í Dómkirkjunni og fræddi þau um trú og sögu kirkjunnar. Gott og skemmtilegt framtak hjá þeim í Stafholtssókn og fermingarbörnin til fyrirmyndar.
Laufey Böðvarsdóttir, 4/2 2014
