Dómkirkjan

Messuhald í Dómkirkjunni er hefðbundið og í föstum skorðum um jól sem endranær.  Á aðfangadag er dönsk messa kl. 15. Þar prédikar Þórhallur Heimisson eins og hann hefur gert í mörg undanfarin ár. Bergþór Pálsson syngur einsöng og Kári Þormar leikur á orgelið. Kl. 18 er síðan aftansöngur. Sr. Anna Sigríður Pálsdóttir prédikar og sr. Hjálmar Jónsson þjónar fyrir altari. Dómkórinn syngur,organisti er Kári Þormar. Einleik á trompetta leika þeir Ásgeir H. Steingrímsson og Jóhann Stefánsson. Útvarpað verður frá aftansöngnum að venju. Kl. 23.30 er Náttsöngur eða miðnæturmessa. Biskupinn yfir Íslandi hr. Karl Sigurbjörnsson prédikar. Nær eitt hundrað manna kór úr Hamrahlíð undir stjórn Þorgerðar Ingólfsdóttir syngur,organisti er Kári Þormar.

Á jóladag er hátíðarmessa kl. 11. Sr. Hjálmar Jónsson prédikar og sr. Anna Sigríður Pálsdóttir þjónar fyrir altari. Dómkórinn syngur,organisti er Kári Þormar. Annan dag jóla prédikar sr. Þorvaldur Víðisson í guðsþjónustu kl. 11. Kári Þormar leikur á orgelið,Kammerkór Dómkirkjunnar syngur.

Sunnudagskvöldið 19.12. kl. 21 mun nýstofnaður Kammerkór Dómkirkjunnar halda jólatónleika í Dómkirkjunni. Tilvalið að setjast niður eftir jólainnkaup dagsins í miðbænum og hlýða á hugljúfan kórsöng. Á efnisskrá eru m.a. verkin Jesu, meine Freude eftir Bach og O magnum mysterium eftir Morten Lauridsen ásamt öðrum jólalögum eftir íslensk og erlend tónskáld.

Stjórnandi kórsins er Kári Þormar.

Aðgangur ókeypis.

19. desember er fjórði sunnudagur í aðventu. Tvær messur verða í Dómkirkjunni. Kl. 11 er norsk messa og mun sr. Hjálmar Jónsson prédika. Dómkórinn syngur,organisti er Kári Þormar. Kl. 13.30 er síðan þýsk messa. Þar prédikar sr. Gunnar Kristjánsson prófastur Kjalnesinga, en sr. Jakob Roland prestur kaþólskra mun þjóna ásamt sr. Gunnari. Kári Þormar leikur á orgel en Vox populi undir stjórn Guðlaugs Viktorssonar syngur.

Kl. 21 eru síðan jólatónleikar Kammerkórs Dómkirkjunnar,en kórinn syngur undir stjórn Kára Þormars ýmis jólalög.

Orgeltónleikar í Dómkirkjunni í Reykjavík
Sunnudaginn 12.desember kl.17.00

Haukur Guðlaugsson fyrrum söngmálastjóri leikur orgelverk tengd aðventunni og eigin umritanir á verkum eftir Chopin og fleiri.
Haukur Guðlaugsson fæddist árið 1931. Hann lærði orgelleik í Þýskalandi hjá Försteman og á Ítalíu þar sem kennari hans var Fernando Germani. Haukur starfaði sem söngmálastjóri Þjóðkirkjunnar árin 1974-2001. Í tíð Hauks jókst námskeiðahald á vegum söngmálastjóra til muna. Hann lagið sig einnig mikið fram við að styrkja kórastarf á landsbyggðinni. Þá var útgáfustarfsemi mjög öflug í hans tíð.
Tónleikarnir eru hluti af 25 ára afmæli orgels Dómkirkjunnar.
Aðgangur er ókeypis.

Sunnudaginn 12. desember sem er þriðji sunnudagur í aðventu, eru tvær messur í Dómkirkjunni. Kl. 11 messar sr. Þorvaldur Víðisson, Dómkórinn syngur, organisti er Kári Þormar. Í messunni mun Haraldur Þrastarson nemandi í tónlistarskólanum leika einleik á básúnu. Að lokinni messu er messukaffi í safnaðarheimilinu.  Kl. 20 er síðan Æðruleysismessa en þar mun sr. Hjálmar Jónsson prédika en þau sr. Anna Sigríður Pálsdóttir og sr. Karl V. Matthíasson þjóna einnig.

Að venju sér Bræðrabandið um tónlistina en Helga Möller syngur. Kl. 17 heldur Haukur Guðlaugsson orgeltónleika í kirkjunni.

Hugvekja,flutt af Geir Tómassyni  á aðventukvöldi sunnudaginn 28.nóvember 2010

Hugvekja

Þín náðin,Drottinn nóg mér er

Því nýja veröld gafstu mér,

Í þinni birtu hún brosir öll

Í bláma sé ég lífsins fjöll.

Ágætu kirkjugestir – kæru vinir!

Þetta sem helst nú varast vann, varð þó að koma yfir hann. Mér varð hugsað til þessa orðtaks þegar það óvænta skeði sem kom mér, fjörgömlum sóknarnefndarmanni Dómkirkjunnar mjög á óvart að ég var beðinn að flytja hugvekju í kirkjunni, í tilefni 1 Sunnudagsins í Aðventu. Mér varð svarafátt og sagðist skyldu hugsa málið, enda allsennis óvanur til slíkra verka. En hér stend ég nú og bið ykkur að virða viljann fyrir verkið og hafa biðlund með mér, og því sem ég segi eða kann að láta ósagt í þessari hugvekju minni. Lesa áfram …

-Dómkirkjuorgelið 25 ára 170 ára orgelsaga.

Miðvikudaginn 1. September kl.20.00 heldurKári þormar dómorganisti orgeltónleika í tilefni af 25 ára afmæli Schuke orgels Dómkirkjunnar í Reykjavík. Á efnisskránni er m.a. Tokkata og fúga í d-moll eftir J.S.Bach, Tokkata eftir Jón Nordal sem samin var í tilefni af vígslu orgelsins árið 1985 og skrifuð í minningu Páls Ísólfsonar. Þá á Páll Ísólfsson síðasta verkið á efnisskránni , Introduktion og passakaglia í f-moll. Á tónleikunum verður einnig frumflutt orgelverk eftir 25 ára gamalt tónskáld, Högna Egilsson.

Lesa áfram …

Sunnudagurinn 28. nóvember  er fyrsti sunnudagur í aðventu. Við byrjum með fjölskylduguðsþjónustu kl. 11 þar sem sr. Hjálmar Jónsson þjónar. Kl. 14 er sænsk guðsþjónusta. Dr. Pétur Pétursson flytur hugvekju, en sr. Anna Sigríður Pálsdóttir þjónar fyrir altari. Kl. 20 er svo Aðventukvöld Dómkirkjunnar. Geir Tómasson tannlæknir flytur hugvekju.

Sr. Anna Sigríður flytur ávarp og sr. Hjálmar lokabæn. Dómkórinn og dómorganisti Kári Þormar sjá um tónlistina. Einnig syngur skólakór Vesturbæjarskóla,stjórnandi er Hilmar Örn Agnarsson. Að loknu aðventukvöldinu er kaffi í safnaðarheimilinu í boði kirkjunefndar kvenna.

Sunnudaginn 21. nóvember sem er síðast sd. kirkjuársins  eru tvær messur í Dómkirkjunni. Kl.11 prédikar sr. Anna Sigríður Pálsdóttir, organisti er Kári Þormar. Sönghópur úr Dómkórnum syngur. Einsöng syngur nemandi í Söngskólanum í Reykjavík Elfa Dröfn Stefánsdóttir. Að venju er barnastarfið á kirkjuloftinu meðan á messu stendur. Kl. 20 er æðruleysismessa og mun sr. Anna Sigríður einnig prédika þar. Sr. Hjálmar Jónsson og sr. Karl V. Matthíasson þjóna einnig. Um tónlistina sjá þeir bræður Hörður og Birgir Bragasynir.

Sunnudaginn 14. nóvember verða tvær messur í Dómkirkjunni. Kl. 11 prédikar sr. Þorvaldur Víðisson.

Kl. 14 fáum við heimsókn úr Húnaþingi. Sr. Sveinbjörn Einarsson messar. Kór Þingeyraklaustursprestakalls syngur kórstjóri er Sigrún Grímsdóttir Organisti er Sólveig S. Einarsdóttir. Við bjóðum þau öll hjartanlega velkomin.