Dómkirkjan

Á morgun, 13. janúar, hefst Ungdóm (Unglingastarf Dómkirkjunnar) að nýju eftir stutt jólafrí. Ungdóm-samverur eru einu sinni í viku í safnaðarheimilinu, Lækjargötu 14a kl. 19:30-21:00 og eru skemmtileg blanda af leikjum og hressri dagskrá sem endar með stuttri helgistund. Allir krakkar í 8.-10. bekk eru velkomnir en á morgun verður actionarykvöld Dagskrá vorsins er að finna hér: http://ungdomkirkjan.wordpress.com/dagskra/
Óli Jón og Siggi Jón

Kannski er maður kominn aðeins úr æfingu svo þetta er ágæt upprifjun,« segir Karl Sigurbjörnsson, nú prestur við Dómkirkjuna.
»Fyrirvarinn að þessu var skammur en ég ákvað að slá til. Það er gaman að sinna almennri þjónustu að nýju og þeim fjölbreyttu verkefnum sem því fylgja,« segir sr. Karl Sigurbjörnsson biskup. Hann er nú prestur við Dómkirkjuna í Reykjavík og verður út febrúar. Með þessu fyllir hann skarð sr. Hjálmars Jónssonar sem er í veikindaleyfi.
»Þetta er allur pakkinn og maður hreinlega yngist upp í störfum með þessu góða fólki hér,« segir Karl sem ásamt sr. Önnu Sigríði Pálsdóttur sinnir messuhaldi, jarðarförum og öðrum prestsverkum. Einnig fermingarfræðslu, en rúmlega tuttugu börn ganga til spurninga hjá dómkirkjuprestunum í vetur.
Hálft annað ár er síðan Karl lét af embætti biskups Íslands, sem hann gegndi í fjórtán ár. Á þeim árum kveðst hann alltaf hafa sinnt prestsverkum í einhverjum mæli, svo sem fyrir vini og fjölskyldu. »Kannski er maður kominn aðeins úr æfingu svo þetta er ágæt upprifjun,« segir Karl. sbs@mbl.is

Guð gefi ykkur gleðilegt ár og bestu þakkir fyrir ánægjulegt samstarf á liðnu ári.
Hér með er boðað til fundar með fermingarbörnum og forráðamönnum þeirra sunnudaginn, 19. janúar n.k. kl 11. Að lokinni messu í Dómkirkjunni verður gengið út í safnaðarheimilið við Vonarstræti þar sem boðið verður upp á samlokur og samtal um væntanlegar fermingar. Séra Anna Sigríður Pálsdóttir mun fjalla um meðvirkni og áhrif hennar á samskipti foreldra og barna.

Hinn 23. febrúar verður aftur samvera með ámóta hætti. Að lokinni messu kl. 11 verður samtal í safnaðarheimilinu þar sem séra Karl Sigurbjörnsson fjallar um bæn og trú.
Síðasta samvera fermingarbarna og forráðamanna er áformuð í lok mars. Verður það auglýst nánar þegar séra Hjálmar kemur aftur til starfa.
Við væntum þess að sjá ykkur öll í þessum samverum og biðjum um að þið sendið staðfestingu á móttöku þessa bréfs á netfangið domkirkjan@domkirkjan.is
Eins fram hefur komið verða fermingarnar á pálmasunnudag, 13. apríl, skírdag, 17. apríl, og hvítasunnudag, 8. júní. Þau sem ekki hafa nú þegar ákveðið dag og látið okkur vita eru beðin að gera það sem allra fyrst.

Nokkur barnanna sóttu ekki fermingarnámskeiðið sem haldið var í ágúst. Við þurfum nauðsynlega að hitta þau, því óðum styttist í ferminguna. Eru þau boðuð miðvikudaginn 15. jan. kl. 17.30 í safnaðarheimilið, Lækjargötu 14a. Mikilvægt að þau börn, sem ekki geta mætt þá, láti vita svo við getum fundið annan tíma.

Svo viljum við að lokum segja frá því að Ungdóm, æskulýðsstarf Dómkirkjunnar, hittist á mánudögum kl 19.30 – 21.00 í Safnaðarheimilinu.
Helgina 14- 16. febrúar verður æskulýðsmót í Vatnaskógi. Börnin, sem sækja fundi í Ungdóm, hafa fengið upplýsingar um það, en öll fermingarbörnin munu verða upplýst um þetta þegar nær dregur.
Með bestu kveðjum og góðum óskum.

Anna Sigríður Pálsdóttir
Karl Sigurbjörnsson

Sunnudaginn 12. janúar prédikar sr. Anna Sigríður Pálsdóttir, barnastarf á kirkjuloftinu á sama tíma í umsjón Ólafs Jóns og Sigurðar Jóns. Dómkórinn syngur og organisti er Kári Þormar.

Mánudaginn, 13. janúar, hefjast Ungdóm-samverurnar að nýju í safnaðarheimilinu kl. 19:30. Nánari upplýsingar koma í vikunni ásamt dagskrá fyrir vorið.

Alla þriðjudaga ársins eru bænastundir í Dómkirkjunni kl. 12:10-12:30. Að bænastund lokinni er boðið upp á léttan hádegisverð í safnaðarheimilinu. Stundin er öllum opin og er góður vettvangur til samfélags og fyrirbæna. Fyrirbænir má senda á netfangið domkirkjan@domkirkjan.is eða í síma 520-9700.

Fyrsta samveran eftir jólafrí verður fimmtudaginn 16. janúar.

Sr. Karl Sigurbjörnsson, biskup, prédikar og þjónar fyrir altari sunnudaginn 5. janúar kl.11 Dómkórinn syngur og organsti er Kári Þormar.
Sunnudagaskólinn á kirkjuloftinu á sama tíma í umsjón Sigurðar Jóns og Boga Benediktssonar.
Sr. Hjálmar Jónsson verður í veikindaleyfi til 1. mars 2014, í leyfi hans þjónar sr. Karl Sigurbjörnsson, biskup með sr. Önnu Sigríði Pálsdóttur, Dómkirkjupresti.
Sr. Karl biskup er boðinn hjartanlega velkominn.

Guð gefi ykkur öllum gleði og gæfu á nýju ári.

Aftansöngur á gamlársdag kl. 18.00. Sr. Anna Sigríður Pálsdóttir prédikar og sr. Sveinn Valgeirsson þjónar fyrir altari. Dómkórinn og organisti er Bjarni Jónatansson. Að morgni nýársdags kl. 11 er hátíðarguðþjónusta þar sem biskup Íslands, frú Agnes M. Sigurðardóttir predikar og sr. Anna Sigríður Pálsdóttir og sr. Sveinn Valgeirsson þjóna fyrir altari. Dómkórinn og organisti er Steingrímur Þórhallsson. Verið hjartanlega velkomin.

Messa kl. 11 sr. Sveinn Valgeirsson prédikar og þjónar fyrir altari. Ronja Rafnsdóttir verður fermd. Sunnudagaskólinn er í fríi á milli jóla-og nýárs. Dómkórinn og Magnús Ragnarsson. Hjartanlega velkomin.