Á morgun, þriðjudag er fyrirbænastund í hádeginu. Að henni lokinni er létt máltíð í safnaðarheimilinu við Vonarstræti. Stundin er öllum opin og er góður vettvangur til samfélags og fyrirbæna. Fyrirbænir má senda á netfangið domkirkjan@domkirkjan.is eða í síma 520-9700.
Um kvöldið, kl. 19:30 – 21:00 verður Mafíukvöld í Ungdóm, æskulýðsleiðtogarnir okkar taka vel á móti fermingarbörnunum. Farið verður í ráðgátuleikinn Mafíu og ítalskar flatbökur verða á boðstólnum í boði kirkjunnar. Vonumst til að sjá ykkur sem flest!
Laufey Böðvarsdóttir, 22/9 2014
Fyrsta prjónakvöld vetrarins verður mánudaginn 29. september kl. 19. Við fáum góðan gest til okkar og súpa og kaffi á góðu verði. Nánar auglýst síðar.
Laufey Böðvarsdóttir, 20/9 2014
Séra Sveinn Valgeirsson verður settur inn í embærri dómkirkjuprests af séra Birgi Ásgeirssyni prófasti. Dómkórinn syngur undir stjórn Kára Þormar organista. Skemmtilega barnastarfið á kirkjuloftinu hjá æskulýðsleiðtogunum Óla Jóni og Sigga Jóni. Messukaffi í safnaðarheimilinu. Óskum séra Sveini enn og aftur til hamingju með enbættið og óskum honum til hamingju sem og blessunar í starfi dómkirkjuprests. Verið hjartanlega velkomin.
Laufey Böðvarsdóttir, 20/9 2014
Nýr dómkirkjuprestur, sr. Sveinn Valgeirsson verður settur inn í embætti af prófastinum sr. Birgi Ásgeirssyni. Eftir messuna verður boðið upp á veitingar í safnaðarheimilinu. Organisti er Kári Þormar, Dómkórinn syngur. Barnastarfið á kirkjuloftinu á sama tíma í umsjón Óla Jóns og Sigga Jóns. Um kvöldið verður æðruleysismessa kl. 20
sr. Sveinn Valgeirsson og sr. Karl V. Matthíasson þjóna.
Hjartanlega velkomin.
Laufey Böðvarsdóttir, 18/9 2014
Það verður vinafundur í safnaðarheimili Dómkirkjunnar á morgun, fimmtudag þegar opna húið hefst aftur eftir sumarfrí. Haustferðin okkar verður síðan viku seinna eða fimmtudaginn 25. september.
Góð samvera og gott með kaffinu með séra Sveini, við bjóðum hann velkominn í okkar góða hóp.
Hlökkum til að sjá ykkur, allir velkomnir.
Laufey Böðvarsdóttir, 17/9 2014
Á morgun, þriðjudag er bænastund í hádeginu og góður hádegisverður að hætti Hrafnhildar í safnaðarheimilinu að henni lokinni. Ungdóm er með samveru um kvöldið í safnaðarheimilinu.
Á fimmtudaginn byrjar “Opna húsið” eftir gott sumarfrí, séra Sveinn Valgeirsson nýr dómkirkjuprestur verður með okkur. Það verður gaman að hitta hópinn eftir sumarið, allir velkomnir, alltaf gaman þegar nýtt fólk bætist í hópinn. Á sunnudaginn verður innsetning séra Sveins Valgeirssonar og verður messukaffi við Vonarstræti eftir messu
Laufey Böðvarsdóttir, 15/9 2014
Þrír guðfræðingar og þrír djáknakandídatar verða vígðir til prests- og djáknaþjónustu á sunnudaginn kemur. Vígslan fer fram í Dómkirkjunni í Reykjavík kl. 14.
Vígð verða:
- Davíð Þór Jónsson til þjónustu sem héraðsprestur í Austurlandsprófastsdæmi
- Ólöf Margrét Snorradóttir til prestsþjónustu í Egilsstaðaprestakalli
- Sveinn Alfreðsson til prestsþjónustu í Lindaprestakalli
- Dóra Sólrún Kristinsdóttir til djáknaþjónustu í Langholtsprestakalli
- Linda Jóhannsdóttir til djáknaþjónustu í Ásprestakalli
- Sunna Kristrún Gunnlaugsdóttir til djáknaþjónustu í Glerárprestakalli
Vígsluvottar verða sr. Sigurður Jónsson, sr. Davíð Baldursson, sr. Lára G. Oddsdóttir, sr. Þorgeir Arason, sr. Gunnlaugur Garðarsson, sr. María Guðrún Gunnlaugsdóttir, sr. Guðmundur Karl Brynjarsson, sr. Guðbjörg Jóhannesdóttir og Rut G. Magnúsdóttir, djákni. Sr. Hjálmar Jónsson, sóknarprestur í Dómkirkjunni, þjónar fyrir altari. Frú Agnes M. Sigurðardóttir, biskup Íslands, vígir.
Laufey Böðvarsdóttir, 12/9 2014
Séra Hjálmar Jónsson prédikar og þjónar fyrir altari sunnudaginn 14. september. Dómkórinn og organisti er Kári Þormar. Barnastarfið á kirkjuloftinu á sama tíma í umsjón Ólafs Jóns og Sigurðar Jóns.
Laufey Böðvarsdóttir, 11/9 2014
Samkoma í Dómkirkjunni er á þessa leið: Aðstandandi eftir sjálfsvíg segir frá reynslu sinni. Sr. Halldór Reynisson flytur hugvekju. Tónlist: Högni EgSíðuilsson. Óttar Guðmundsson geðlæknir leiðir kyrrðarstundina
Kveikt á kertum til minningar um þau sem fallið hafa fyrir eigin hendi.
Orgelleikur: Helga Guðmundsdóttir Samkoman er á vegum þjóðkirkjunnar, landlæknis , geðsviðs LSH, Nýrrar dögunar, Lifa, Hugarafls, Rauða krossins og Geðhjálpar.
Laufey Böðvarsdóttir, 10/9 2014
