Dómkirkjan

Næsta sunnudag 2. október er messa kl. 11. Sr. Anna Sigríður Pálsdóttir prédikar og þjónar fyrir altari. Kári Þormar leikur á orgelið og Dómkórinn syngur. Sunnudagaskólinn er á kirkjuloftinu í umsjón þeirra Árna Gunnars og Magnúsar Jóns. Að lokinni messu er kaffi í safnaðarheimilinu.

Sunnudaginn 18. september eru tvær messur í Dómkirkjunni. Kl. 11 messar sr. Hjálmar Jónsson. Barn verður borið til skírnar. Dómkórinn syngur, organisti er Kári Þormar. Sunnudagskólinn er á kirkjuloftinu á messutíma.

Kl. 20 er síðan æðruleysismessa. Sr. Karl V.Matthíasson prédikar en sr. Hjálmar Jónsson leiðir stundina. Bræðrabandið skipað þeim Herði og Birgi Bragasonum sér um tónlistina.

Næsta sunnudag ,11. september verður messa kl. 11.00. Sr. Hjálmar Jónsson prédikar og þjónar fyrir altari.

Fermingarbörn 2012 og fjölskyldur þeirra eru sérstaklega boðin til messunnar – og til altaris.

Dómkórinn syngur, organisti er Kári Þormar. Barnastarf fer fram á kirkjuloftinu meðan á messu stendur. Árni Gunnar Ragnarsson og Ólafur Jón Magnússon sjá um starfið í vetur og víst er að mikið fjör verður á kirkjuloftinu í vetur.

Sunnudaginn 3. september er messa kl. 11. Sr. Hjálmar Jónsson prédikar og þjónar fyrir altari. Dómkórinn syngur,organisti er Kári Þormar. Þennan sunnudag byrjar barnastarfið aftur með samveru á kirkjuloftinu.Við hvetjum foreldra til að koma með börnin og taka þátt í starfinu í vetur.

Sunnudagurinn 28. ágúst er 10. sd. eftir þrenningarhátíð. Kl. 11 er messa í Dómkirkjunni. Sr. Hjálmar Jónsson prédikar og þjónar fyrir altari. Dómkórinn syngur,organisti er Kári Þormar.

Að venju er messað kl. 11 í Dómkirkjunni sunnudaginn 21. ágúst. Sr. Anna Sigríður Pálsdóttir prédikar og þjónar fyrir altari. Dómkórinn syngur,organisti er Kári Þormar.

Næsta sunnudag þann 14. ágúst er messa kl. 11. sr. Anna Sigríður Pálsdóttir prédikar og sr. Hjálmar Jónsson þjónar fyrir altari. Kári Allansson organisti og Dómkórinn sjá um tónlistina. Til messunnar  er sérstaklega boðið fermingarbörnum næsta vors og forráðamönnum þeirra. Að lokinni messu er stuttur fundur um tilhögun fermingarfræðslunnar sem hefst strax á mánudagsmorgni 15. ágúst. Verið velkomin.

Sunnudaginn 7. ágúst er messað kl. 11 í Dómkirkjunni. Sr. Hjálmar Jónsson prédikar og þjónar fyrir altari. Sönghópur úr Dómkórnum syngur en organisti er Kári Allansson.

Sunnudagurinn 31. júlí er sjötti sunnudagur eftir þrenningarhátíð. Að venju er messa í Dómkirkjunni kl. 11. Sr. Anna Sigríður Pálsdóttir prédikar og þjónar fyrir altari. Sönghópur úr Dómkórnum syngur en organisti að þessu sinni er Gróa Hreinsdóttir.

Guðsþjónustan í Dómkirkjunni, sunnudaginn 24. júlí, verður helguð minningu þeirra sem fórust í voðaverkunum í Noregi. Hjálmar Jónsson dómkirkjuprestur messar. Silje Arnekleiv sendiráðsritari Norðmanna flytur ávarp og biskup Íslands, Karl Sigurbjörnsson flytur bæn og blessun. Dómkórinn syngur undir stjórn Kára Þormar dómorganista. Messan hefst kl. 11.00