Dómkirkjan

 

Líf og fjör í Kolaportsmessum.

Séra Anna Sigríður, séra Sigrún Óskarsdóttir, séra Arnfríður Guðmundsdóttir og Margrét Scheving.

DSC_4054

 

Laufey Böðvarsdóttir, 1/4 2014

Guðjón Friðriksson sagnfræðingur verður gestur okkar í opna húsinu fimmtudaginn 3. apríl

Laufey Böðvarsdóttir, 1/4 2014

Kyrrðarbænahópur á miðvikudögum

Umsjónarkonur eru  Sr. Anna Sigríður Pálsdóttir, sími 861-7201, netfang: annasigridur@domkirkjan.is og Sigurbjörg Þorgrímsdóttir, sími 861-0361, netfang: sigurth@simnet.is. Öll þau sem áhuga hafa á kristilegri hugleiðslu eru hjartanlega

Laufey Böðvarsdóttir, 1/4 2014

Bæna-og kyrrðarstund í dag kl. 12.10 -12.30

Bæna-og kyrrðarstund í dag kl. 12.10 -12.30, Gómsæt súpa og kaffi í safnaðarheimilinu. Verið velkomin

Laufey Böðvarsdóttir, 1/4 2014

Ungdóm í kvöld, 31. mars kl. 19:30

Kæru foreldrar og forráðamenn fermingarbarna

Ef veður leyfir þá munum við að vera úti fyrri part Ungdóm-samverunnar í kvöld. Samveran hefst kl. 19:30 og ætlum við að byrja á því að fara skemmtilegan leik, kallaðan Pókó og svo fleiri leiki í framhaldið. Vonumst til að sjá sem flest fermingarbörn.

Kær kveðja,

Óli Jón og Siggi Jón

 

Laufey Böðvarsdóttir, 31/3 2014

Messa kl. 11 sunnudag og Kolaportsmessa kl. 14

Messa kl. 11 séra Anna Sigríður prédikar og þjónar fyrir altari. Skemmtilegt og fræðandi barnastarf á kirkjuloftinu sem æskulýðsleiðtogarnir Ólafur Jón og Sigurður Jón sjá um. Dómkórinn syngur og Kári Þormar stjórnar. Hjartanlega velkomin.

Kl. 14 er messa í Kolaportinu, séra Anna Sigríður Pálsdóttir, séra Sigrún Óskarsdóttir og séra Arnfríður Guðmundsdóttir þjóna. Þorvaldur Halldórsson og Margrét Scheving sjá um tónlistina.

 

Laufey Böðvarsdóttir, 28/3 2014

Hér má lesa um glæsilega frammistöðu Dómkórsins, kórs Menntaskólans í Reykjavík, drengja úr Skólakór Kársness undir stjórn Kára Þormar dómorganista, til hamingju.

Magnaður kveðskapur

GAGNRÝNI

KL 11:30, 19. MARS 2014

Carmina Burana:
Carmina Burana: “Kórsöngurinn var þéttur og fókuseraður, safaríkur og flottur.“
JÓNAS SEN SKRIFAR:

Tónlist:
Carmina Burana
Carl Orff
Dómkórinn í Reykjavík, Kór Menntaskólans í Reykjavík og drengir úr Skólakór Kársness í Langholtskirkju sunnudaginn 16. mars. Stjórnandi Kári Þormar.

Ég sá einhvers staðar á netinu að Carmina Burana eftir Carl Orff var efst á blaði yfir óhugnanlegustu tónlist allra tíma. Það er hálffurðulegt, því verkið er ósköp sakleysislegt, þótt það sé tilkomumikið. Væntanlega er þetta út af einhverri kvikmynd sem tónlistin hefur verið spiluð í. Frægasta atriðið er upphafskaflinn, Ó þú gæfa (O Fortuna) sem hefur sennilega oft verið notaður. Í svipinn man ég þó bara eftir einni mynd, Excalibur, um Artúr konung og riddara hringborðsins. Það var nóg af fordæðuskap þar. Mig minnir að O Fortuna hafi hljómað undir æsilegri senu þar sem riddarar hringborðsins þeystu út úr kastalanum í Camelot til að leita að kaleiknum helga.

Carmina Burana er eins konar kantata og er texti verksins hluti af handritum frá þrettándu öld sem uppgötvuðust fyrir um tvö hundruð árum í munkaklaustri í Benedikt-Beuren í Bæjaralandi. Textinn er samansafn ljóða fyrrverandi munka sem höfðu fengið nóg af klausturlífinu og fóru út í heim að njóta lífsins og klípa í afturendann á hinu kyninu. Andrúmsloftið í tónlistinni er yfirleitt hressilegt og þrungið lífsgleði. Gleðin komst fyllilega til skila í flutningnum í Langholtskirkju á sunnudaginn.

Kári Þormar stjórnaði. Flytjendur voru Dómkórinn í Reykjavík, Kór Menntaskólans í Reykjavík og drengir úr Skólakór Kársness (undir stjórn Þórunnar Björnsdóttur). Einnig komu fram píanóleikararnir Helga Bryndís Magnúsdóttir og Kristinn Örn Kristinsson ásamt slagverkssveit. Túlkunin var lífleg, barsmíðarnar voru háværar en ekki um of. Prýðilegt jafnvægi var á milli kóranna, flyglanna og slagverksins. Flæðið í túlkuninni var óheft og sannfærandi. Kveðskapurinn um vorið, ástina, örlögin og dansinn varð ljóslifandi. Kórsöngurinn var þéttur og fókuseraður, safaríkur og flottur.

Einsöngvararnir stóðu sig með prýði. Það voru þau Hallveig Rúnarsdóttir, Þorbjörn Rúnarsson og Jón Svavar Jósefsson. Mest mæddi á þeim síðastnefnda, sem söng af gríðarlegri ástríðu. Ég hef oft heyrt Carmina Burana hér á Íslandi, stundum hefur kaflinn Tempus est iocundum gersamlega misheppnast því einsöngvarinn hefur ekki náð að galdra fram réttu stemninguna. Það þarf að vera svo mikill kraftur í tónlistinni. Sem betur fer var Jón Svavar með sitt á hreinu, röddin var stöðug, túlkunin einbeitt og gædd alveg réttu áfergjunni.

Hallveig söng líka af fítonskrafti en samt innan þess ramma sem verkið setur henni. Og Þorbjörn var frábær í hlutverki svansins sem verið er að steikja á teini. Hann var skrækur og ámátlegur, en samt ekki þannig að það væri fáránlegt.
Ég verð sérstaklega að minnast á drengjakórinn. Frammistaða hans var til fyrirmyndar, söngurinn var tær og litríkur, glitrandi og fullur af hamingju. Þetta er án efa með betri uppfærslum á þessu sívinsæla verki sem ég hef heyrt.

Niðurstaða: Skemmtilegur flutningur á Carmina Burana.

Laufey Böðvarsdóttir, 28/3 2014

Séra Anna Sigríður prédikar og þjónar fyrir altari sunnudaginn 30 mars.

Messa kl. 11 séra Anna Sigríður prédikar og þjónar fyrir altari. Skemmtilegt og fræðandi barnastarf á kirkjuloftinu sem æskulýðsleiðtogarnir Ólafur Jón og Sigurður Jón sjá um. Dómkórinn syngur og Kári Þormar stjórnar. Hjartanlega velkomin.

Laufey Böðvarsdóttir, 28/3 2014

Séra Jakob Ágúst með hökulinn sem Gunilla Möller gaf Dómkirkjunni til minningar um mann sinn Birgi Möller.

Jakob mars 2014 130

 

Gunnilla Möller gaf Dómkirkjunni þennan fallega hökul. Hökulinn fundu þau hjónin á markaði á fyrstu hjúskaparárum þeirra er Birgir var sendiráðunautur í París, dýrmætum árum í lífi þeirra. Gunillu var raun að sjá helgigripinn standa i rigningu á útimarkaði og keypti. Þegar séra Ágúst Sigurðsson fermdi son þeirra í Kaupmannahöfn á búsetuárum þeirra þar, bar hann hökulinn.

 

 

Laufey Böðvarsdóttir, 27/3 2014

Sr. Jakob Ágúst segir frá vinum okkar í Makutano í Kenya og sýnir myndir.

Í opna húsið á morgun fimmtudag fáum við góðan gest, sr. Jakob Ágúst og hann m un segja okkur frá vinum okkar í Makutano í Kenya og sýna myndir þaðan.  Veislukaffi að hætti Dagbjartar, verið velkomin.

Laufey Böðvarsdóttir, 26/3 2014

Kirkjan er opin alla virka daga frá 10-15

Viðtalstímar presta eru í safnaðarheimilnu
Lækjargötu 14a,
þri-fös 11-12 og eftir samkomulagi.
Sími: 520-9700.

Trú.is

Fimmtudagur

- 13.00- 14.30 Opna húsið í safnaðarheimilinu, samvera, fræðsla og gott með kaffinu. Byrjar aftur um miðjan september.
Tíðasöngur kl. 16.45-17.00 yfir vetrarmánuðina. Tónleikar kl. 18.30, ýmist Kammerkór Dómkirkjunnar eða orgeltónleikar Kára Þormar.

- 21.00 AA fundur

Dagskrá ...