Dómkirkjan

Efnt verður til samtals um trú, kirkju og samfélag í Safnaðarheimili Dómkirkjunnar, Lækjargötu 14a nú á föstunni.

7. mars mun dr. Magnús Þorkell Bernharðsson fjalla um islam í samtímanum og tengdist það bók hans sem mun koma út um það leyti.
14. mars fjallar dr.  Skúli Sigurður Ólafsson um altarissakramentið og ber fyrirlesturinn yfirskriftina: „Að sættast við Guð, náungann og valdið. Altarisganga á Íslandi á lærdómsöld.”
21. mars fjallar sr. Kristján Valur Ingólfsson vígslubiskup emeritus um samband ríkis og kirkju í sögu og samtíð.

Á fimmtudaginn mun Hallfríður J. Ragnheiðardóttir, íslenskufræðingur og draumaþerapist, talar um drauma í Opna húsinu kl. 13.30.
Hallfríður er með M.A. próf í íslenskum bókmenntum. Í lokaritgerð sinni rýndi hún í þjóðsögur og ævintýri út frá sálarfræði Carls Jung og gerðist í kjölfarið meðlimur í C.G. Jung Foundation í New York þar sem hún sótti fjölda námskeiða í sálarfræði, goðsögum og túlkun ævintýra og drauma. Á síðasta ári kom út hjá Chiron Publications bók hennar “Quest for the Mead of Poetry” þar sem hún fjallaði um táknmál tíða í íslenskum þjóðsögum og ævintýrum. Áhugi Hallfríðar á draumum leiddi til þess að árið 2007 ákvað hún að verða sér úti um réttindi sem draumaþerapisti og útskrifaðist tveimur árum síðar frá Institude for Dream Studies (IDS) í Charleston í Suður-Karólínu. Hlökkum til að fræðast á fimmtudaginn og njóta veitinga og samveru.