Nú fer vonandi að sjá fyrir endann á glímunni við veiruna. Eftir því sem létt verður á takmörkunum á samkomum þá mun helgihald aukast í Dómkirkjunni. 5. maí verður fyrsta hádegisbænastundin kl. 12:10 og 17. maí verður fyrsta guðsþjónustan eftir samkomubann, kl. 11:00. Sr. Elínborg Sturludóttir þjónar og Dómkórin syngur undir stjórn domorganistans Kára Þormar. Allir eru hjartanlega velkomnir meðan húsrúm leyfir en vitaskuld virðum við regluna um 50 manna hámarksfjölda og tveggja metra regluna. Við minnum líka á helgistundir og sálmasöng á Facebook og heimasíðu Dómkirkjunnar.

Laufey Böðvarsdóttir, 30/4 2020 kl. 9.58