Dómkirkjan

Ragna Árnadóttir skrifstofustjóri Alþingis verður ræðumaður á aðventukvöldi Dómkirkjunnar 8. desember klukkan 20.00. Dómkórinn, dómorganisti og dómkirkjuprestar gleðja og auðga andann með söng og orðum.Guðbjörg Hilmarsdóttir syngur einsöng. Heitt súkkulaði og smákökur í safnaðarheimilinu. Hlökkum til að sjá ykkur! Messa sunnudaginn 8. desember kl. 11:00. Prestur sr. Sveinn Valgeirsson. Dómkórinn syngur, organisti er Kári Þormar dómorganisti. Ása Ólafsdóttir leikur forspil og eftirspil. Munið barnastarfið á kirkjuloftinu. Allir hjartanlega velkomnir.

Laufey Böðvarsdóttir, 7/12 2019

Laufey Böðvarsdóttir, 7/12 2019

Aðventukvöld í Dómkirkjunni Ræðumaður Ragna Árnadóttir Samkomuhald á aðventunni á sér ekki langa sögu hér á landi. Kirkjunefnd kvenna Dómkirkjunnar mun hafa brotið ísinn í þeim efnum með tónleikahaldi á fyrsta sunnudegi í aðventu 1953. Þetta varð að föstum lið í kirkjustarfinu og 1961 fór þetta að þróast í þá hefð sem við þekkjum í dag, N.k. sunnudag verður því haldið 67. aðventukvöld Dómkirkjunnar. Það hefst kl. 20. Ragna Árnadóttir skrifstofustjóri Alþingis flytur ræðu. Dómkórinn og Kári Þormar dómorganisti flytja falleg tónverk, Dómkirkjuprestarnir halda svo utan um þetta að kirkjulegum hætti. Að samkomunni lokinni verður boðið upp á heitt súkkulaði og smákökur í Safnaðarheimilinu. Aðgengi fyrir hreyfihamlaða er við skrúðhússdyr og hjólastólalyfta er við Safnaðarheimilið.

Laufey Böðvarsdóttir, 2/12 2019

Ragna Árnadóttir skrifstofustjóri Alþingis verður ræðumaður á aðventukvöldi Dómkirkjunnar 8. desember klukkan 20.00. Dómkórinn, dómorganisti og dómkirkjuprestar gleðja og auðga andann með söng og orðum. Heitt súkkulaði og smákökur í safnaðarheimilinu. Hlökkum til að sjá ykkur!

Laufey Böðvarsdóttir, 1/12 2019

Á sunnudaginn er messa og sunnudagaskóli klukkan 11.00. Séra Elínborg Sturludóttir prédikar og þjónar fyrir altari. Kammerkór Dómkirkjunnar syngur og organisti er Erla Rut Káradóttir. Barnastarfið á kirkjuloftinu með Jóel, Benna og Sturlu. Messukaffi í safnaðarheimilinu. Sænsk messa klukkan 14.00. Verið velkomin!

Laufey Böðvarsdóttir, 29/11 2019

Sálmastund í dag föstudag kl. 17.00, Guðbjörg og Friðrik Vignir

Laufey Böðvarsdóttir, 29/11 2019

Tíðasöngur með séra Sveini fimmtudag klukkan 16.45-17.00. Orgeltónleikar Kára klukkan 18.00-18.30.

Laufey Böðvarsdóttir, 27/11 2019

Síðasta Opna húsið á þessu ári verður á fimmtudaginn klukkan 13-14.30. Þar sem fyrsti í aðventu er á sunnudaginn ætlum við að hafa jólasmákökur, heitt súkkulaði með rjóma og fleira góðgæti. Sveinn og Elínborg ætla að næra andann með góðum orðum. Hlökkum til að sjá ykkur og takið með ykkur gesti!

Laufey Böðvarsdóttir, 27/11 2019

Örpílagrímagangan fellur niður á morgun, 27. nóvember en sjáumst í göngunni 4. desember

Laufey Böðvarsdóttir, 26/11 2019

Séra Sveinn Valgeirsson prédikar, Kári Þormar leikur á orgelið og Þorsteinn Hannes Guðrúnarson spilar á gítar. Hljómeyki syngur við messu klukkan 11.00 á morgun sunnudag. Barnastarfið á kirkjuloftinu! Tónleikar Dómkórsins kl. 17 á morgun í Hallgrímskirkju.

Laufey Böðvarsdóttir, 23/11 2019