Dómkirkjan

Aftansöngur á morgun gamlársdag kl. 18:00. Séra Hjálmar Jónsson prédikar og séra Sveinn Valgeirsson þjónar fyrir altari. Dómkórinn og organisti er Kári Þormar, Pétur Björnsson leikur einleik á fiðlu. Nýársdagur 1. janúar. Hátíðarmessa kl. 11:00. Biskup Íslands Agnes M. Sigurðardóttir prédikar, séra Hjálmar Jónsson og séra Sveinn Valgeirsson þjóna fyrir altari. Dómkórinn syngur undir stjórn Kára Þormar dómorganista.

Laufey Böðvarsdóttir, 30/12 2014

Messa kl. 11:00 sunnudaginn 28. desember.

Messa á morgun, sunnudag kl. 11.00 séra Sveinn Valgeirsson prédikar og þjónar fyrir altari ásamt séra Hjálmari Jónssyni. Tvö börn verða færð til skírnar. Dómkórinn og organisti er Kári Þormar. Verið velkomin

Laufey Böðvarsdóttir, 27/12 2014

Hugheilar óskir um gleðileg jól og farsæld á nýju ári. Dómkirkjan óskar sóknarbörnum sínum og landsmönnum öllum gleðilegra jóla og farsældar á nýju ári, með þakklæti fyrir samstarfið á árinu sem er að líða. Megi blessun Guðs fylgja ykkur og umvefja.

Laufey Böðvarsdóttir, 26/12 2014

Messuhald um jól og áramót

Aðfangadagur jóla, 24. desember

Dönsk messa kl. 15, séra María Ágústsdóttir prédikar og Bergþór Pálsson syngur.

Aftansöngur kl. 18, séra Sveinn Valgeirsson prédikar og séra Hjálmar Jónsson þjónar fyrir altari.

Dómkórinn syngur undir stjórn Kára Þormar.

Miðnæturmessa kl. 23:30 sr. Karl Sigurbjörnsson, biskup prédikar og þjónar fyrir altari.

Kór Menntaskólans við Hamrahlíð og Hamrahlíðarkórinn syngja undir stjórn Þorgerðar Ingólfsdóttur.

Jóladagur 25.des.

Hátíðarmessa kl. 11 biskup Íslands, frú Agnes M. Sigurðardóttir prédikar. Séra Hjálmar Jónsson þjónar.

Annar dagur jóla 26. desember

Messa kl. 11:00 sr. Sveinn Valgeirsson, prédikar, Dómkórinn og organisti er Kári Þormar.

Sunnudagur milli jóla og nýárs, 28. desember

Messa kl. 11.00 sr. Sveinn Valgeirsson predikar

Gamlársdagur 31. des.

Aftansöngur kl. 18 sr. Hjálmar Jónsson prédikar

Nýársdagur 1. janúar

Hátíðarmessa kl. 11 Biskup Íslands Agnes M. Sigurðardóttir prédikar

séra Hjálmar Jónsson og séra Sveinn Valgeirsson þjóna fyrir altari

Laufey Böðvarsdóttir, 24/12 2014

Mánudagskvöldið 22. desember kl. 21:00. Mozart við kertaljós Camerarctica heldur sína árlegu kertaljósatónleika.

Hópurinn hefur leikið ljúfa tónlist eftir Mozart í tuttugu og tvö ár og þykir mörgum ómissandi að koma úr miðri jólaösinni inn í kyrrðina og kertaljósin í rökkrinu. Hópinn skipa að þessu sinni þau Ármann Helgason, klarinettuleikari, Hildigunnur Halldórsdóttir og Bryndís Pálsdóttir fiðluleikarar, Svava Bernharðsdóttir víóluleikari og Sigurður Haldórsson, sellóleikari. Á dagskránni eru tvær af perlum Mozarts “Eine kleine Nachtmusik” Kv. 525 og Klarinettukvintettinn K. 581.
Að venju lýkur tónleikunum á því að Camerarctica leikur jólasálminn góða,” Í dag er glatt í döprum hjörtum”.

Tónleikarnir eru klukkustundarlangir og hefjast klukkan 21.00. Aðgangseyrir er kr.2500 og kr.1500 fyrir nemendur og eldri borgara og frítt inn fyrir börn. Miðasala við innganginn.

Laufey Böðvarsdóttir, 21/12 2014

Dómkórinn með sína árlegu jólatónleika í kvöld kl. 22.00. Frítt inn, verið velkomin

Laufey Böðvarsdóttir, 21/12 2014

Opna húsið á fimmtudögum er komið í jólafrí, byrjum aftur 15. janúar. Það var sérlega gaman síðastliðinn fimmtudag, en þá fengum við Matthías Johannessen skáld til að lesa úr nýútkominni bók sinni ” Sögur úr vesturbænum”. Einnig fengum við trió í heimsókn, þau Hlín Pétursdóttir Behrens, sópran, Hólmfríður Jóhannesdóttir, messósópran og Jón Sigurðsson píanóleikari.

Hér eru þeir frændur Matthías og Jóhannes Bergsveinsson.

Laufey Böðvarsdóttir, 17/12 2014

Líflegur sunnudagur framundan í Dómkirkjunni

Messa kl. 11:00 sunnudaginn 21. desember, séra Hjálmar Jónsson prédikar og þjónar fyrir altari. Dómkórinn syngur undir stjórn Kára Þormar. Barnastarfið á kirkjuloftinu í umsjón Ólafs Jóns og Sigurðar Jóns. Sunnudagaskólinn fer síðan í jólafrí og byrjar aftur 11. janúar. Klukkan 20 er æðruleysismessa, séra Sveinn Valgeirsson, séra Karl V. Matthíasson og Fritz Már Jörgensson. Eyþór Bjarni, Anna Sigríður Helgadóttir og Ástvaldur Traustason sjá um ljúfa tónlist.
Klukkan 22:00 er Dómkórinn með sína árlegu jólatónleika. Óhætt er að fullyrða að það verða dásamlegir tónleikar. Í huga margra eru jólatónleikar Dómkórsins í dimmasta skammdeginu ómissandi sem hluti aðventu og jólaundirbúningsins.
Verið hjartanlega velkomin í Dómkirkjuna.

Laufey Böðvarsdóttir, 17/12 2014

Það er oft kátt á fundum hjá Dómkirkjufólki, þeir Geir, Einar og Hjálmar skemmtu sér vel á síðasta fundi . Á morgun, þriðjudag er síðasta bæna-og kyrrðarstundin fyrir jól. Hún byrjar kl. 12:10 og að henni lokinni er létt máltíð í safnaðarheimilinu við Vonarstræti. Hjartanlega velkomin og munið að fyrirbænir má hringja inn í síma 520-9700.

Laufey Böðvarsdóttir, 15/12 2014

Óskum þeim Eysteini Orra og Salvari Geir hjartanlega til hamingju og megi Guðs blessun fylgja þeim í lífi og starfi.

Hátíðardagur í Dómkirkjunni í dag er Agnes M. Sigurðardóttir, biskup Íslands, vígði tvo kandídata til prestsþjónustu:
Cand.theol. Salvar Geir Guðgeirsson til þjónustu í Hamar biskupsdæmi í Noregi.
Cand.theol. Eystein Orra Gunnarsson til þjónustu á Landspítala Háskólasjúkrahúsi.
Vígsluvottar voru séra Kjartan Sigurbjörnsson, sem lýsti vígslu, séra Sigfinnur Þorleifsson, séra Guðbjörg Jóhannesdóttir og séra Guðni Már Harðarson. Séra Hjálmar Jónsson, sóknarprestur Dómkirkjunnar, þjónaði fyrir altari.

Laufey Böðvarsdóttir, 14/12 2014