Dómkirkjan

Síðasta prjónakvöld vetrarins í kvöld kl. 19:00 í Safnaðarheimilinu, Lækjargötu 14a. Séra Þórir Stephensen fyrrverandi dómkirkjuprestur ætlar að segja nokkrar gamansögur.
Nokkrar konur standa að prjónakvöldunum mánaðarlega yfir vetrarmánuðina í safnaðarheimilinu. Þetta eru notalegar og skemmtilegar samverustundir, sem styrkja vináttubönd og samfélagið í söfnuðinum. Á þessi kvöld koma ungir sem aldnir, karlar og konur. Konurnar selja súpu, kaffi og sætmeti og gefa það sem safnast til fegrunar Dómkirkjunnar

Nú styttist í vorferð Dómkirkjunnar. Stefnan er sett á Vestmannaeyjar fimmtudaginn 7. maí.
Fararstjóri verður Karl Sigurbjörnsson, biskup. Farið verður frá Reykjavík klukkan 10 stundvíslega svo við náum í Landeyjarhöfn á réttum tíma. Margt áhugavert og skemmtilegt að sjá i Eyjum, endum síðan á kvöldverði í Fákaseli í Ölfusi. Nánari upplýsingar og skráning hjá Laufeyju i síma 898-9703 eða á laufey@domkirkjan.is
Hér eru myndir frá Opna húsinu í liðinni viku, þegar hjónin i Annriki komu og fræddu okkur um þjóðbúninga og fleira skemmtilegt. Næsta Opna hús er fimmtudaginn 30. apríl, en þá er gestur okkar séra Auður Eir Vilhjálmsdóttir. Hjartanlega velkomin

Messa kl.11 sunnudaginn 26. apríl séra Hjálmar Jónsson prédikar og séra Sveinn Valgeirsson þjónar. Barn verður borið til skírnar. Dómkórinn syngur undir stjórn Kára Þormar dómorganista. Vetrarstarfi Sunnudagsskólans lýkur á sunnudaginn, þannig að nú er um að gera að mæta börnin á kirkjuloftið til Óla Jóns og Sigga Jóns. Aðalfundur safnaðarins er haldinn að lokinni messu í Safnaðarheimilinu, Lækjarg0tu 14a.

Síðasta prjónakvöld vetrarins mánudagskvöldið 27. apríl kl. 19:00.
Gestur okkar að þessu sinni verður séra Þórir Stephensen fyrrverandi dómkirkjuprestur, Þórir ætlar að segja okkur gamansögur.
Nokkrar konur standa að prjónakvöldunum mánaðarlega yfir vetrarmánuðina í safnaðarheimilinu. Þetta eru notalegar og skemmtilegar samverustundir, sem styrkja vináttubönd og samfélagið í söfnuðinum. Á þessi kvöld koma ungir sem aldnir, karlar og konur. Konurnar selja súpu, kaffi og sætmeti og gefa það sem safnast til fegrunar Dómkirkjunnar

Í kvöld verður síðasta samvera vetrarins og ætlum við að fara í skemmtilega útileiki saman. Við ætlum að hittast í safnaðarheimilinu og stefnum á að fara þaðan saman í hljómskálagarðinn kl. 19:50. Sjáumst!

Mbkv.
Óli Jón og Siggi Jón

Gaman að fá gesti frá Eyrarbakka, Stokkseyri og Gaulverjabæ í messuheimsókn í dag. Kristín las bæn í messubyrjun og Margrét og Þórarinn lásu ritningarlestrana. Frábær söngur og tónlistarfutningur undir stjórn Hauks A Gíslasonar organista, góð predikun sr. Jóns Dalbú Hróbjartsson og skemmtileg samvera í safnaðarheimilinu.

Nýtt lag við bæn Gísla á Uppsölum „Gef mér kærleik“ verður flutt af Ásbjörgu Jónsdóttur höfundi þess í æðruleysismessu í Dómkirkjunni sunnudaginn 19. apríl kl. 20.00. Fritz Már Jörgenson predikar, Karl V, Matthíasson leiðir messun og Sveinn Valgeirsson fer með bænina. Ástvaldur Traustason spilar undir söng. Þá syngur Ásbjörg einnig önnur lög.

Að venju mun svo einn úr hópii kirkjugest deila með okkur reynslu sinni. Æðruleysismessurnar eru fullar af gleði, von og bjartsýni. Reynslan sýnir að þessar messur eru mjög uppörvandi og gefandi. Allir eru hjartanlega velkomnir.

Messa kl. 11. Heimsókn frá Eyarabakkaprestakalli.
Séra Jón Dalbú Hróbjartsson settur sóknarprestur í Eyrarbakkaprestakalli prédikar, séra Sveinn Valgeirsson og séra Anna Sigríður Pálsdóttir þjóna fyrir altari. Kórar Stokkseyrar- og Eyrarbakkasókna syngja undir stjórn Hauks A. Gíslasonar organista. Barnastarfið í umsjón Ólafs Jóns og Sigurðar. kaffi og kleinur í Safnaðarheimilinu að messu lokinni. Æðruleysismessa kl. 20. Fritz Már Jörgensson prédikar. Ástvaldur Traustason leikur á flygilinn.