Dómkirkjan

Sunnudagaskólinn hefst sunnudaginn 7. september.

Næstkomandi sunnudag, 7. september hefst sunnudagaskólinn kl. 11 í Dómkirkjunni. Æskulýðsleiðtogarnir okkar þeir Óli Jón og Siggi Jón sjá um fræðslu og skemmtun fyrir börnin á kirkjuloftinu.

Laufey Böðvarsdóttir, 3/9 2014

Kveðjumessan hennar séra Önnu Sigríðar var síðastliðinn sunnudag. Að lokinni messu var haldið í safnaðarheimilið þar sem boðið var upp á messukaffi og kræsingar. Guðrún Gísladóttir varaformaður sóknarnefndar flutti ávarp, þar sem hún þakkaði Önnu Sigríði fyrir sitt góða starf og færði henni gjöf. Séra Hjálmar, séra Vigfús Þór og Geir R. Tómasson tóku einnig til máls. Þetta var yndislegur dagur og þökkum við öllu því góða fólki sem gerði sitt til að hann tækist svona vel. Séra Anna Sigríður, Dómkórinn, Kári, Hjálmar, Hrafnhildur og Signý, fínu ræðumennirnir, kökumeistarar og þið sem komu. Kæra Anna okkar við þökkum þér fyrir allt og allt, njóttu lífsins í Svíðþjóð og við hlökkum til að sjá þig

Laufey Böðvarsdóttir, 2/9 2014

Bæna-og kyrrðarstund í dag, þriðjudag.

Bæna-og kyrrðarstund í dag, þriðjudag. Léttur hádegisverður í safnaðarheimilinu að bænastund lokinni. Við höfum í nokkur skipti fengið góða sjálfboðaliða til að matreiða. Þær Ásta, Katrín og Jóna Matthildur hafa komið og í dag er það Ólöf Sesselja sem eldar eitthvað gott handa þessum trúfasta bænahóp. Allir eru velkomnir og fyrirbænir má hringja inn í síma 520-9700. Þökkum sjálfboðaliðunum okkar fyrir þeirra góðu hjálp.

Laufey Böðvarsdóttir, 2/9 2014

Kveðjumessa séra Önnu Sigríðar sunnudaginn 31. ágúst

Kveðjumessa séra Önnu Sigríðar verður nk.sunnudag 31. ágúst kl 11. Dómkórinn og organisti er Kári Þormar. Messukaffi í safnaðarheimili Dómkirkjunnar við Vonarstræti. Verið hjartanlega velkomin.

Laufey Böðvarsdóttir, 26/8 2014

Bænastund í hádeginu á morgun, þriðjudag kl 12:10. Léttur hádegisverður í safnaðarheimilinu við Vonarstræti að bænastund lokinni. Við fáum “gestakokk” sem ætlar að elda eitthvað gómsætt handa hópnum. Verið hjartanlega velkomin.

Laufey Böðvarsdóttir, 25/8 2014

Séra Skírnir Garðarsson prédikaði og þjónaði við guðþjónustu í Dómkirkjunni. Hér er hann ásamt konu sinni Sigrúnu Davíðs, séra Hjálmari og Hrafnhildi kirkjuverði, öll ánægð að lokinni góðri guðþjónustu.

Laufey Böðvarsdóttir, 25/8 2014

Það var létt yfir þeim séra Skírni og Hrafnhildi kirkjuverði í skrúðhúsi Dómkirkjunnar.

Laufey Böðvarsdóttir, 25/8 2014

Góður dagur að kvöldi komin, það var mikil tónlistarveisla í Dómkirkjunni í dag. Fyrst var Guðrún Árný ásamt hljómsveit, Jógvan Hanssen söngvari var leynigestur, full kirkja og skemmtilegt. Seinna um kvöldið var Hallveig Rúnarsdóttir sópran söngkona, Hrönn Þráinsdóttir og leynigestirnir Maríus Sverrisson og Diljá Sigursveinsdóttir. Fjörið hélt áfram, frábærir tónleikar, það voru ánægðir tónleikagestir sem fóru út í náttmyrkrið til þess að njóta flugeldasýningarinnar. Þökkum öllu þessu góða tónlistarfólki fyrir fagra tóna.

Laufey Böðvarsdóttir, 25/8 2014

Séra Skírnir Garðarsson prédikar og þjónar fyrir altari á morgun sunnudag 24. ágúst kl. 11:00. Kammerkór Dómkirkjunar syngur og organisti er Kári Þormar.

Laufey Böðvarsdóttir, 23/8 2014

Töfrandi tónleikar á menningarnótt: Guðrún Árný ásamt Kristjáni Grétarssyni, Birgi Steini og Árna Friðbers kl. 19. Hallveig Rúnarsdóttir og Hrönn Þráinsdóttir kl. 21.

Tónleikar kl. 19 á menningarnótt

Guðrún Árný syngur og leikur á píanó eigin lög og lög eftir bróður sinn Hilmar Karlsson í bland við þekkt dægurlög. Með henni eru Kristján Grétarsson á gítar, Birgir Steinn Theodorsson á bassa og Árni Friðberg Helgason á slagverk. Hugljúfir og notalegir tónleikar.

Tónleikar kl. 21 á menningarnótt.
Hallveig Rúnarsdóttir sópransöngkona og Hrönn Þráinsdóttir píanóleikari kanna víðilendur kabarettsins og óperunnar á einu og sama kvöldinu. Á fyrri hluta tónleikanna verður dreypt á gylltum veigum óperubókmenntanna en á síðari hlutanum dembum við okkur með höfuðið á undan í söngleikja og kabarettheiminn. Flutt verða verk eftir Mozart, Puccini, Dvorak, Schönberg, Bolcom og Sondheim. Búast má við leynigestum!

Laufey Böðvarsdóttir, 19/8 2014

Miðvikudagur