Dómkirkjan

Hrafnhildur Schram, listfræðingur er gestur okkar í Opna húsinu á morgun fimmtudag kl. 13.30
Hrafnhildur mun segja okkur frá stórmerkri ævi Nínu Sæmundsson.
Nína var fyrsti íslenski kvenmyndhöggvarinn og njótum við þess hér í safnaðarheimilinu að horfa á höggmyndina Móðurást sem er í Mæðragarðinum.
Um 1930 var Nína Sæmundsson þekktasti myndlistarmaður Íslendinga á alþjóðavettvangi. Hún hafði numið og starfað í Kaupmannahöfn, Róm, París og New York. Verk hennar höfðu verið sýnd og hlotið viðurkenningar í Danmörku, Frakklandi og Bandaríkjunum og heima á Íslandi var styttan Móðurást fyrsta höggmynd konu sem sett var upp á almannafæri.
Nína fæddist á bænum Nikulásarhúsum Fljótshlíð, næsta bæ við Hlíðarenda árið 1892 og ólst þar upp. Hún var barn fátækra foreldra og naut lítillar skólamenntunar en hafði fyrir augum öll sín bernskuár eina stórbrotnustu náttúrusýn Íslands. Lífsstefna hennar var óráðin fram undir tvítugt þegar hún fór til Kaupmannahafnar. Hún stundaði nám í höggmyndagerð við Listaakamíuna þar og var afburðanemandi.
Hún var hluti af einni merkustu kynslóð danskrar höggmyndasögu og verk hennar vöktu strax athygli. Líf hennar tók hins vegar nýja stefnu þegar hún veiktist af berklum og varð að draga sig í hlé á heilsuhæli í svissnesku Ölpunum.
Sjáumst á morgun, veislukaffi að hætti Ástu.

Kæru foreldrar og forráðamenn,

Á morgun þriðjudag verður Ungdóm-samveran með öðru sniði en venjulega. Við munum fara í bíó á Hunger Games: Mockingjay Part 2 í Háskólabíó kl. 20:00. Við munum þó hittast aðeins fyrr eða kl. 19:45 í afgreiðslunni og fara saman í salinn og finna góð sæti. Ef þið viljið að við tökum frá miða fyrir unglingana þá getið þið sent Óla Jóni sms í síma 616 6152 fyrir kl. 15:00 á þriðjudaginn. Miðinn kostar 950 kr. og myndin klárast um 22:30

Kær kveðja,
Óli Jón og Siggi Jón

Messa kl.11 sunnudaginn 22. nóvember. Þess verður fagnað að lokið er viðgerð og málun kórs kirkjunnar sem Kirkjunefnd kvenna Dómkirkjunnar kostaði. Í þakklætisskyni býður sóknarnefndin í tertu í Safnaðarheimilinu eftir messu. Kirkjunefndarkonur munu lesa ritningarlestra. Karl Sigurbjörnsson biskup messar. Dómkórinn syngur undir stjórn Kára Þormar. Fræðandi og skemmtilegur sunnudagaskóli á kirkjuloftinu hjá Óla Jóni og Sigga Jóni. Verið hjartanlega velkomin.

Nú er komið að síðasta prjónakvöldi Dómkirkjunnar á þessu ári, en það verður mánudagskvöldið 23. nóvember kl. 19:00 í safnaðarheimilini Lækjargötu 14a. Súpa, kaffi og eitthvað sætt með kaffinu. Gestur okkar að þessu sinni verður Páll Benediktsson, fyrrverandi fréttamaður. Páll les upp úr bók sinni Loftklukkunni, einnigverður hann með bækur og áritar fyrir þá sem það kjósa. Hlökkum til að eiga skemmtilegt kvöld með ykkur.
Loftklukkan er skáldsaga eftir Pál Benediktsson fyrrverandi fréttamann á RUV, byggð á sönnum atburðum þar sem aðalsögusviðið er Reykjavík á síðustu öld. Í sögunni er flétt saman örlögum fjölskyldu í þrjár kynslóðir þar sem morð, mannshvarf, alvarleg lögreglumál, raunir Íslendinga í klóm nasista í síðari heimstyrjöld og fleira og fleira er rifjað upp. Í forgrunni frásagnarinnar er líf sögumannsins á uppvaxtarárunum í Norðurmýri á sjötta og sjöunda áratug síðustu aldar. Meðal persóna er afi höfundar, Árni Benediktsson, fátækur bóndasonur úr Selárdal sem gerður var að stórkaupmanni í Reykjavík eftir að hann giftist föðurömmunni Kristrúnu Hallgrímsson, sem var hefðardama af ríkasta kaupmannsfólki landsins á Eyrarbakka. Árni stakk síðar af og hvarf sporlaust einn góðan veðurdag frá Kristrúnu og fimm ungum börnum án þess að til hans spyrðist um árabil. (Skáldsaga Ólafs Jóhanns Ólafssonar, Höll Minninganna, er byggð á æviferli Árna og Kristrúnar, en í henni er vikið í mjög veigamiklum atriðum frá raunveruleikanum, enda um hreina skáldsögu að ræða.)Móðurafi höfundar, Páll Árnason, var þekkt og áberandi persóna í Reykjavík á fyrstu áratugum 20. aldar, bóndasonur austan úr Holtum sem flutti ungur á mölina og varð lögreglumaður númer tvö í Reykjavík. Hann var alltaf kallaður Palli pólití og er fjallað um hans embættistíð, bæði skondin og alvarleg atvik.Foreldrar höfundar mótuðust af hinum sérstöku aðstæðum í uppvextinum og rötuðu í ýmis ævintýri, til að mynda er þau urðu innlyksa í Kaupmannahöfn eftir að nasistar hertóku Danmörku í síðari heimsstyrjöld og komu síðar heim í miðju stríðinu í hinni frægu Petsamo ferð.

Bæna-og kyrrðarstundin í hádeginu á þríðjúdag verður i Safnaðarheimilinu.

Séra Sveinn Valgeirsson prédikar og þjónar fyrir altari í messunni sunnudaginn 15. nóvember kl. 11. Sunnudagaskólinn á kirkjuloftinu í umsjón Ólafs Jóns og Sigurðar Jóns. Dómkórinn syngur og organisti er Douglas Brotchie.
Kl.14 er færeysk messa sr.Uni Næs dómkirkjuprestur í Þórshöfn prédikar og Steingrímur Þórhallsson er organisti, Æðruleysismessan verður að þessu sinni í Guðríðarkirkju og hefst hún kl. 20:00. Sr. Karl V. Matthíasson, Fritz Már, sr. Sveinn Valgeirsson þjóna og Ástvaldur Traustason leikur á flygilinn.

„Jól í skókassa“ felst í því að fá börn jafnt sem fullorðna
til þess að gleðja börn sem lifa við fátækt, sjúkdóma og
erfiðleika með því að gefa þeim jólagjafir. Með slíkum gjöfum
er þeim sýndur kærleikur Guðs í verki. Gjafirnar eru settar
í skókassa og til þess að tryggja að öll börnin fái svipaða
jólagjöf er mælst til þess að ákveðnir hlutir séu í hverjum
kassa.

Í kassann skal setja a.m.k. einn hlut úr hverjum
eftirtalinna flokka:
• Leikföng, t.d. litla bíla, bolta, dúkku, bangsa eða
jó-jó. Athugið að láta auka rafhlöður fylgja rafknúnum
leikföngum.
• Skóladót, t.d. penna, blýanta, yddara, strokleður,
skrifbækur, liti, litabækur eða vasareikni.
• Hreinlætisvörur. Óskað er eftir því að allir láti
sápustykki, tannbursta og tannkrem í kassann sinn.
Einnig má setja greiðu, þvottapoka eða hárskraut.
• Sælgæti, t.d. sleikjó, brjóstsykur, pez, tyggjó eða
karamellur.
• Föt, t.d. húfu, vettlinga, sokka, trefil, bol eða peysu.

Karl Sigurbjörnsson segir frá einhverju skemmtilegu og Ásta verður með gómsætar veitingar. Sjáumst heil.