Dómkirkjan

Áhrifamikil og falleg messa í Dómkirkjunni í morgun. Samstöðumessa fyrir friði. Formaður félags Úkraínumanna á Íslandi , Lyubomyra Petruk ávarpaði kirkjugesti. Forseti Íslands Guðni Th. Jóhannesson flutti ávarp og séra Sveinn Valgeirsson þjónaði ásamt séra Önnu Sigríði Pálsdóttur. Thor Aspelund las ritningarlestur og Ástbjörn Egilsson las bæn. Douglas Brotchie lék á orgelið og Dómkórinn söng. Í messunni var flutt úkraínsk tónlist en sálmur 52 í sálmabókinni er eftir úkraínst tónskáld, Dimitri Bortnianskij; bænasvarið kyrie er frá úkraínsku rétttrúnaðarkirkjunni, Kórinn flutti úkraínska þjóðlagið Hljóðnar nú haustblær í útsetningu Magnúsar Ragnarssonar; ljóðið er eftir Sigríði I Þorgeirsdóttur; og eftirspilið var úkraínski þjóðsöngurinn.

Laufey Böðvarsdóttir, 13/3 2022

Samstöðumessa með Úkraníu sunnudaginn 13. mars klukkan 11.00. Formaður félags Úkraínumanna á Íslandi , Lyubomyra Petruk ávarpar kirkjugesti. Forseti Íslands Guðni Th. Jóhannesson flytur ávarp og séra Sveinn Valgeirsson þjónar. Erla Rut Káradóttir leikur á orgelið og Dómkórinn syngur. Í messunni verður flutt úkraínsk tónlist en sálmur 52 í sálmabókinni er eftir úkraínst tónskáld, Dimitri Bortnianskij; bænasvarið kyrie er frá úkraínsku rétttrúnaðarkirkjunni, Kórinn flytur úkraínska þjóðlagið Hljóðnar nú haustblær í útsetningu Magnúsar Ragnarssonar; ljóðið er eftir Sigríði I Þorgeirsdóttur; og eftirspilið verður úkraínski þjóðsöngurinn. Allir hjartanlega velkomnir.

Laufey Böðvarsdóttir, 10/3 2022

Gunnlaugur A. Jónsson verður gestur okkar í Opna húsinu , Lækjargötu 14a fimmtudaginn 10. mars klukkan 13.00. Hann mun flytja erindi um Jórsali. Gott með kaffinu og gefandi samfélag. Hlökkum til að hlusta og hlökkum til að sjá ykkur. Allir velkominir.

Laufey Böðvarsdóttir, 8/3 2022

Örpílagrímaganga verður frá Dómkirkjunni á morgun, miðvikudagkl.18.00. Gangan hefst með með stuttu helgihaldi í kirkjunni síðan verður lagt af stað í gönguferð um nágrenni miðborgarinnar þar sem stef pílagrímsins verða í brennidepli. Sr. Elínborg Sturludóttir dómkirkjuprestur mun leiða gönguna. Verið velkomin

Laufey Böðvarsdóttir, 8/3 2022

Velkomin í Opna húsið í dag Lækjargötu 14a. klukkan 13.00. Síðastliðinn fimmtudag las Sigurður Ingolfsson ljóð eftir föður sinn Ingólf Jónsson frá Prestbakka. Þökkum Sigurði kærlega fyrir. Glúmur organisti kemur ekki í dag eins og búið var að auglýsa, en hann kemur seinna. Auglýsum það betur síðar. Dómkirkjufólk tekur vel á móti ykkur í dag, eitthvað gott fyrir andann og gómsætt með kaffinu. Tíðasöngur klukkan 17.00 í dag með séra Sveini. 10. mars Gunnlaugur A. Jónsson Jórsalir í sögu og samtíð. Einnig kemur Gunnlaugur með skemmtilegar tréstyttur til sýnis. 17. mars Helga Þórarinsdóttir, víóluleikari. 24. mars Árni Árnason kennari. Fuglalíf við Tjörnina. 31. mars Karl Sigurbjörnsson biskup 7. apríl Eiríkur Jónsson yfirlæknir Gluggað í gamalli tíð; Sjúkrahús Reykjavíkur. 14. apríl skírdagur 21. apríl sumardagurinn fyrsti. Fjölskylduguðsþjónusta á sunnudag 6. mars klukkan 11.00. Séra Sveinn Valgeirsson, séra Elínborg Sturludóttir. Fermingarbörn og forráðamenn sérstaklega boðin velkomin. Messukaffi á kirkjuloftinu. Verið öll hjartanlega velkomin.

Laufey Böðvarsdóttir, 3/3 2022

Á morgun, miðvikudag er örpílagrímaganga með séra Elínborgu Sturludóttur klukkan 18.00 Opna húsið í safnaðarheimilinu, Lækjargötu 14a. Á fimmudaginn klukkan 13.00. Glúmur organisti kemur ekki 3. mars eins og búið var að auglýsa, en hann kemur seinna. Auglýsum það betur síðar. Dómkirkjufólk tekur vel á móti ykkur á fimmtudaginn, eitthvað gott fyrir andann og gómsætt með kaffinu. Tíðasöngur fimmtudaginn klukkan 17.00 með séra Sveini Valgeirssyni. Fjölskylduguðsþjónusta á sunnudag 6. mars klukkan 11.00. Séra Sveinn Valgeirsson, séra Elínborg Sturludóttir og Dómkórinn. Fermingarbörn og forráðamenn sérstaklega boðin velkomin. Messukaffi á kirkjuloftinu. Verið öll hjartanlega velkomin.

Laufey Böðvarsdóttir, 1/3 2022

Kæru vinir, bæna- og kyrrðarstundin verður í safnaðarheimilinu á morgun klukkan 12.00.Kirkjan verður lokuð a.m.k. á morgun og miðvikudag vegna viðhaldsvinnu.

Laufey Böðvarsdóttir, 28/2 2022

Velkomin til messu á morgun 27. febrúar klukkan 11.00.

Laufey Böðvarsdóttir, 26/2 2022

Kæru vinir, á þriðjudaginn er bæna-og kyrrðarstund í hádeginu. Léttur hádegisverður í safnaðarheimilinu. Á miðvikudaginn er örpílagrímaganga klukkan 18.00. Á fimmtudaginn er opna húsið klukkan 13.00-14.30. Gestur okkar er Sigurður Ingólfsson framkvæmdastjóri sem fer með ljóð eftir föður sinn. Gott með kaffinu. Klukkan 17.00 rt tíðasöngur. Á sunnudaginn er messa klukkan 11.00. Séra Sveinn Valgeirsson, Kári Þormar og Dómkórinn. Verið velkomin!

Laufey Böðvarsdóttir, 21/2 2022

Sjáumst í Dómkirkjunni í kvöld

Kvöldkirkjan í Dómkirkjunni, föstudaginn 18. febrúar klukkan 20.00-22.00. Kvöldkirkjan er óhefðbundin stund að formi og innihaldi. Andrúmsloftið er óformlegt og afslappað. Kirkjan er lýst með kertaljósum og stuttar íhuganir og tónlist er í bland við alltumliggjandi þögn rýmisins. Við bjóðum þér að hugleiða, biðja, kveikja á kertum, skrifa niður hugsanir þínar eða bænir. Eða bara njóta og hvíla í andartakinu. Kvöldkirkjan er samstarfsverkefni Dómkirkjunnar og Hallgrímskirkju. Verið velkomin!

Laufey Böðvarsdóttir, 18/2 2022

Þriðjudagur