Dómkirkjan

Messa klukkan 11.00 Dómkórinn, Kári Þormar og séra Elínborg Sturludóttir.Æðruleysismessa klukkan 20.00, Kristján Hrannar leikur á flygilinn, séra Fritz Már og séra Elínborg. Verið velkomin!

Laufey Böðvarsdóttir, 20/3 2022

Aðstoð til að hjálpa íbúum Úkraínu sem eru á flótta!

Frá Hjálparstofnun kirkjunnar.
Öll fylgjumst við skelfingu lostin með úkraínskum fjölskyldum flýja sprengjuregnið sem nú steypist yfir borgir og bæi í heimalandi þeirra. Milljónir eru á flótta og neyðin er sár.
Systurstofnanir Hjálparstarfs kirkjunnar eru á vettvangi í Úkraínu og nágrannalöndum og aðstoða fólk sem hefur neyðst til að yfirgefa heimili sín. Aðstoðin flest meðal annars í að útvega mat, drykk og hreinlætisvörur, auk þess að gera börnum kleift að gleyma sér í leik í fjöldahjálparstöðvum
Í upplýsingum frá Hjálparstarfinu kemur fram að fjárframlög verða send til systurstofnana
Hjálparstarfsins á vettvangi sem hafa nú þegar hafið störf. Alþjóðlegt hjálparstarf kirkna -
ACT Alliance samræmir áframhaldandi aðstoð við fólk sem hefur neyðst til að yfirgefa
heimili sín og leitar skjóls í nágrannaríkjum. Hjálparstarf kirkjunnar tekur undir með ACT
Alliance og kallar eftir því að tafarlaust verði látið af stríðsrekstri í Úkraínu, að borin sé
virðing fyrir alþjóðalögum og landamærum fullvalda ríkja.
Leggja má starfinu lið með eftirfarandi hætti:
• Senda sms-ið HJALPARSTARF í síma 1900 (2500 krónur)
• Millifæra á söfnunarreikning númer 0334-26-886 kennitala: 450670-0499
• Gefa stakt framlag á vefsíðunni: https://www.styrkja.is/ney%C3%B0arsofnunhjalparstarfs…
• Gefa framlag með Aur í númer 123-5284400
• Hringja í söfnunarsíma 907 2003 (2500)
STYRKJA.IS
Takk

Laufey Böðvarsdóttir, 18/3 2022

Kvöldkirkjan í kvöld 18. mars klukkan 20.00-22.00. Finnur þú fyrir óróleika, áhyggjum eða kvíða? Viltu dýpka trúarupplifun þína eða upplifa eitthvað nýtt í helgu rými? Þá gæti KVÖLDKIRKJAN verið eitthvað fyrir þig. Föstudagskvöldið 18. mars verður KVÖLDKIRKJAN í Dómkirkjunni kl. 20-22. Undursamlega heilandi tónheimur, dýnur og koddar og grjónapúðar sem hægt er að leggjast á og slaka á. Kl. 20 og 21 verða hugleiðingar og svo er hægt að hvíla í rýminu og hugleiða, biðja eða slaka bara á og njóta þess að vera. Kvöldkirkjan er samstarfsverkefni Dómkirkjunnar og Hallgrimskirkju. Á sunnudaginn er messa klukkan 11.00 og æðruleysismessa klukkan 20.00 Vertu velkomin/n í Dómkirkjun

Laufey Böðvarsdóttir, 18/3 2022

Síðdegistónleikar í Dómkirkjunni 17. mars klukkan 18.00

Flytjendur:
Katrin Heymann, flautuleikari
Össur Ingi Jónsson, óbóleikari
Kári Þormar, organisti Dómkirkjunnar
Victoria Tarevskaia, sellóleikari
Efnisskrá:
Willy Burkhard – Canzona fyrir flautu, óbó og orgel (1945)
Alessandro Marcello – Adagio úr óbókonsert (~1715)
Atli Heimir Sveinsson – Intermezzo úr Dimmalimm, fyrir flautu og orgel (1970)
J. S. Bach – Tríósónata í g-moll BWV1029 (~1735)
Aðgangur ókeypis

Laufey Böðvarsdóttir, 17/3 2022

Finnur þú fyrir óróleika, áhyggjum eða kvíða? Viltu dýpka trúarupplifun þína eða upplifa eitthvað nýtt í helgu rými? Þá gæti KVÖLDKIRKJAN verið eitthvað fyrir þig. Föstudagskvöldið 18. mars verður KVÖLDKIRKJAN í Dómkirkjunni kl. 20-22. Undursamlega heilandi tónheimur, dýnur og koddar og grjónapúðar sem hægt er að leggjast á og slaka á. Kl. 20 og 21 verða hugleiðingar og svo er hægt að hvíla í rýminu og hugleiða, biðja eða slaka bara á og njóta þess að vera. Kvöldkirkjan er samstarfsverkefni Dómkirkjunnar og Hallgrimskirkju. Vertu velkomin/n í Dómkirkjuna

Laufey Böðvarsdóttir, 16/3 2022

Opna húsið fimmtudaginn 17. mars. Helga Þórarinsdóttir kemur ekki að þessu sinni, eins og búið var að auglýsa. En verið velkomin, ljóðlestur gott kaffi og skemmtileg samvera. Klukkan 17.00 er tíðasöngur. Á sunnudaginn er messa klukkan 11.00 og æðruleysismessa kluikkan 20.00.

Laufey Böðvarsdóttir, 16/3 2022

Bæna-og kyrrðarstund í hádeginu, þriðjudag klukkan 12.00. Súpa og kaffi í safnaðarheimilinu. Örpílagrímaganga verður frá Dómkirkjunni á morgun, miðvikudagkl.18.00. Gangan hefst með með stuttu helgihaldi í kirkjunni síðan verður lagt af stað í gönguferð um nágrenni miðborgarinnar þar sem stef pílagrímsins verða í brennidepli. Sr. Elínborg Sturludóttir dómkirkjuprestur mun leiða gönguna. Verið velkomin

Laufey Böðvarsdóttir, 15/3 2022

Áhrifamikil og falleg messa í Dómkirkjunni í morgun. Samstöðumessa fyrir friði. Formaður félags Úkraínumanna á Íslandi , Lyubomyra Petruk ávarpaði kirkjugesti. Forseti Íslands Guðni Th. Jóhannesson flutti ávarp og séra Sveinn Valgeirsson þjónaði ásamt séra Önnu Sigríði Pálsdóttur. Thor Aspelund las ritningarlestur og Ástbjörn Egilsson las bæn. Douglas Brotchie lék á orgelið og Dómkórinn söng. Í messunni var flutt úkraínsk tónlist en sálmur 52 í sálmabókinni er eftir úkraínst tónskáld, Dimitri Bortnianskij; bænasvarið kyrie er frá úkraínsku rétttrúnaðarkirkjunni, Kórinn flutti úkraínska þjóðlagið Hljóðnar nú haustblær í útsetningu Magnúsar Ragnarssonar; ljóðið er eftir Sigríði I Þorgeirsdóttur; og eftirspilið var úkraínski þjóðsöngurinn.

Laufey Böðvarsdóttir, 13/3 2022

Samstöðumessa með Úkraníu sunnudaginn 13. mars klukkan 11.00. Formaður félags Úkraínumanna á Íslandi , Lyubomyra Petruk ávarpar kirkjugesti. Forseti Íslands Guðni Th. Jóhannesson flytur ávarp og séra Sveinn Valgeirsson þjónar. Erla Rut Káradóttir leikur á orgelið og Dómkórinn syngur. Í messunni verður flutt úkraínsk tónlist en sálmur 52 í sálmabókinni er eftir úkraínst tónskáld, Dimitri Bortnianskij; bænasvarið kyrie er frá úkraínsku rétttrúnaðarkirkjunni, Kórinn flytur úkraínska þjóðlagið Hljóðnar nú haustblær í útsetningu Magnúsar Ragnarssonar; ljóðið er eftir Sigríði I Þorgeirsdóttur; og eftirspilið verður úkraínski þjóðsöngurinn. Allir hjartanlega velkomnir.

Laufey Böðvarsdóttir, 10/3 2022

Gunnlaugur A. Jónsson verður gestur okkar í Opna húsinu , Lækjargötu 14a fimmtudaginn 10. mars klukkan 13.00. Hann mun flytja erindi um Jórsali. Gott með kaffinu og gefandi samfélag. Hlökkum til að hlusta og hlökkum til að sjá ykkur. Allir velkominir.

Laufey Böðvarsdóttir, 8/3 2022

Sunnudagur