Dómkirkjan

Í dag, þriðjudag er bæna- og kyrrðarstund í hádeginu í Dómkirkjunni. Góð stund til að hvíla hugann frá amstri hverdagsins og njóta fagrar tónlistar, biðja og þakka.

Guðmundur Einarsson dómkirkjuvinur lætur sig ekki vanta. Trúfastur og skemmtilegur maður. Guðmundur man vel, þegar hann 6 ára gamall hlustaði á Sigfús Einarsson organista leika á orgelið í Dómkirkjunni. Síðan er liðin um 92 ár. Gaman að eldast svona vel og vera virkur í safnaðarstarfinu í marga áratugi! 314965463_10160426784770396_7914835531023755051_n

Laufey Böðvarsdóttir, 8/11 2022

Sunnudaginn 6. nóvember er messa klukkan 11.00 séra Solveig Lára Guðmundsdóttir fyrrverandi vígslubiskup þjónar fyrir altari og prédikar. Guðmundur Sigurðsson organisti og Dómkórinn. Verið hjartanlega velkomin!

Laufey Böðvarsdóttir, 5/11 2022

Kæru vinir! í dag 2. nóvember munu væntanleg fermingarbörn í Dómkirkjunni ganga í hús með söfnunarbauka. Þau eru að safna fyrir vatnsbrunnum í Afríku, en verkefnið er á vegum Hjálparstarfs kirkjunnar. Það er gott að finna að þau geti lagt sitt að mörkum til hjálpar náunganum. Margt smátt gerir eitt stórt. Hjartans þakkir.

Laufey Böðvarsdóttir, 2/11 2022

Verið velkomin til okkar í safnaðarstarf Dómkirkjunnar.

Góð vika framundan í safnaðarstarfinu.

Á morgun, þriðjudag er bæna-og kyrrðarstund í hádeginu. Bach tónleikar Ólafs Ólafur Elíasson klukkan 20.00-20.30. Á miðvikudaginn er örpílagrímaganga með séra Solveigu Láru Guðmundsdóttur klukkan 18.00.

Tíðasöngur mið-og fimmtudag kl. 9. 15 og klukkan 17.00 á fimmtudaginn.

Hólmfríður Jóhannesdóttir söngkona og Sveinn Hauksson gítarleikari flytja nokkur þekkt íslensk dægurlög sem tengjast ástinni. Lögin eru af nýrri plötu sem kemur út á næstu dögum.

Í opna húsinu á fimmtudaginn er söngur og gleði,kaffi og kræsingar.

Opna húsið í safnaðarheimilinu, Lækjargötu 14a 3. nóvember klukkan 13.00- 14.30.

Á sunnudaginn er messa klukkan 11.00, séra Solveig Lára Guðmundsdóttir fyrrverandi vígslubiskup þjónar fyrir altari og prédikar. Guðmundur Sigurðsson organisti og Dómkórinn. Verið velkomin!

Laufey Böðvarsdóttir, 31/10 2022

Dagbjört Andrésdóttir syngur einsöng við messuna á sunnudaginn sem er klukkan 11.00. Séra Elínborg Sturludóttir þjónar fyrir altari og prédikar, Pétur Nói Stefánsson leikur á orgelið og Dómkórinn syngur. Verið velkomin!

Laufey Böðvarsdóttir, 26/10 2022

Hjálmar Jónsson er gestur okkar í opna húsinu fimmtudaginn 27. október klukkan 13.00-14.30. Verið velkomin!

Þökkum Guðrúnu Hafsteinsdóttur alþingismanni og verðandi dómsmálaráðherra kærlega fyrir skemmtilegt og gott erindi. Næsta fimmtudag verður Hjálmar okkar Jónsson gestur í Opna húsinu klukkan 13.00. Jónsson er gestur okkar í safnaðarheimili Dómkirkjunnnar Lækjargötu 14a fimmtudaginn 27. október klukkan 13.00.

Hann mun fara með stökur og segja sögur eins og honum er einum lagið. Kaffi, kræsingar og gott samfélag.

Á morgun, þriðjudag er tíðasöngur kl. 9.15 með séra Sveini , bæna-og kyrrðarstund í hádeginu og Bach tónleikar Ólafs Ólafur Elíasson kl. 20.00-20.30. Á miðvikudaginn er örganga með séra Elínborgu klukkan 18.00 Hefst með stuttri hugleiðingu í Dómkirkjunni. Á fimmtudaginn er tíðasöngur bæði kl. 9.15 og kl. 17.00 með séra Sveini. Verið velkomin og takið með ykkur gesti.

Laufey Böðvarsdóttir, 24/10 2022

Tíðasöngur og örganga á miðvikudegi.

Tíðasöngur kl. 9. 15 og örganga klukkan 18.00 sem hefst með stuttri hugleiðingu í Dómkirkjunni.

Laufey Böðvarsdóttir, 19/10 2022

Á morgun, þriðjudag er tíðasöngur klukkan 9.15 með séra Sveini. Bæna-og kyrrðarstund í hádeginu og Bach tónleikar Ólafs Elíassonar klukkan 20.00-20.30. Verið velkomin!

Laufey Böðvarsdóttir, 17/10 2022

Næsti gestur okkar í Opna húsinu er Guðrún Hafsteinsdóttir fyrsti þingmaður Suðurkjördæmis og verðandi dómsmálaráðherra.

Mikið var nú gaman að fara nokkra áratugi aftur í tímann og hlusta á Karl Sigurbjörnsson rifja upp margt bráðfyndið frá bernskudögunum af Skólavörðuholtinu. Næsti gestur okkar í Opna húsinu er Guðrún Hafsteinsdóttir fyrsti þingmaður Suðurkjördæmis og verðandi dómsmálaráðherra. Sjáumst á fimmtudaginn klukkan 13.00 í safnaðarheimilinu, Lækjargötu 14a. Fræðsla, kaffi, kræsingar og gott samfélag. Verið velkomin og takið með ykkur gesti.

312070120_10160350518935396_1300333720830830429_n

Laufey Böðvarsdóttir, 17/10 2022

Dásamlega fallegir tónleikar hjá Dómkórnum, Kára Þormar, einsöngvurum og kammersveit. Til hamingju öll með Bach H-moll messuna, undurfagurt verk og glæsilegur flutningur!

Nú lætur Kári Þormar dómorganisti af störfum hjá Dómkirkjunni. Guðmundur Sigurðsson organisti í Hafnarfjarðarkirkju mun koma í afleysingu fram á sumar. Við þökkum Kára fyrir hans góða tónlistarstarf á liðnum árum í Dómkirkjunni og óskum honum velfarnaðar. Guðmund bjóðum við velkominn og hlökkum til samstarfsins í vetur.

Laufey Böðvarsdóttir, 17/10 2022

Þriðjudagur