Dómkirkjan

Líf og fjör í safnaðarheimilinu í dag! Hjördís Geirs, stuðgellurnar og séra Sveinn voru frábær. Hjartans þakkir fyrir okkur. Næsta fimmtudag er síðasta Opna húsið á þessu ári.

Guðfinna Ragnarsdóttir ritstjóri kynnir fyrir okkur nýútkomna bók sína Á vori lífsins og fær til þess með sér þrjá ömmustráka sem fara á kostum með ömmu sinni. Guðfinna fæddist í Tobbukoti við Skólavörðustíg og fluttist síðar í Laugarneshverfið. Hún lýsir með lifandi hætti æskuárum sínum á Hofteigi, fjörmiklum ungdómsárum í menntaskóla og bregður upp eftirminnilegum myndum af mannlífi á Íslandi upp úr miðri síðustu öld. Hlökkum til að heyra. Heitt súkkulaði með rjóma, vöfflur og smákökur og gott samfélag. Verið velkomin fimmtudaginn 24. nóvember klukkan 13.00 í safnaðarheimilið, Lækjargötu 14a.

 Séra Ragnar Gunnarsson framkvæmdastjóri Kristniboðssambands Íslands predikar. Séra Sveinn Valgeirsson sóknarprestur Dómkirkjunnar og biskup Íslands Agnes M. Sigurðardóttir þjóna fyrir altari. Ástbjörn Egilsson leiðir signingu og upphafsbæn. Fulltrúar sálmabókanefndar lesa ritningarlestra við sérstaka helgun nýrrar sálmabókar til lofgjörðarþjónustu safnaðanna og Edda Möller framkvæmdastjóri Kirkjuhússins afhendir Biskupi Íslands hina Nýju Sálmabók.

Þátttakendur í almennri kirkjubæn: Margrét Bóasdóttir söngmálastjóri Þjóðkirkjunnar, Elísabet Jónsdóttir kristniboði, Ástbjörn Egilsson , Sveinn Valgeirsson. sóknarprestur. Guðmundur Sigurðsson organisti leikur á orgelið og Dómkórinn syngur undir stjórn Guðmundar Sigurðssonar.

Biskup íslands frú Agnes M. Sigurðardóttir tekur á móti nýrri sálmabók Þjóðkirkjunnar. Séra Ragnar Gunnarsson prédikar. Séra Sveinn Valgeirsson sóknarprestur Dómkirkjunnar og biskup Íslands Agnes M. Sigurðardóttir þjóna fyrir altari. Guðmundur Sigurðsson organisti leikur á orgelið og Dómkórinn syngur undir stjórn Guðmundar Sigurðssonar. Messukaffi í safnaðarheimili Dómkirkjunnar, verið hjartanlega velkomin!