Dómkirkjan

Að venju er messað kl. 11 á sjómannadag og er messunni útvarpað. Biskup Íslands prédikar en sr. Anna Sígríður Pálsdóttir þjónar fyrir altari. Dómkórinn syngur,organisti er Kári Þormar. Gissur Páll Gissurarson syngur einsöng. Sjómenn frá Landhelgisgæslunni lesa ritningartexta.

Uppstigningardagur er dagur  eldri borgara í kirkjunni. Við messum kl. 14.00 og mun fyrrv. sóknarprestur Dómkirkjunnar sr. Jakob Ágúst Hjálmarsson prédika. Sr. Anna Sigríður Pálsdóttir þjónar fyrir altari. Dómkórinn syngur,organisti er Kári Þormar. Að lokinni messu er gestum boðið í kaffi í safnaðarheimilinu. Þar mun Hörður Bragason leika fyrir okkur á harmoniku og eldri borgarar úr Kópavogi lesa ljóð. Allir hjartanlega velkomnir

Næsta sunnudag sem er 29. maí er messað kl. 11 í Dómkirkjunni að venju. Sr. Hjálmar Jónsson prédikar og þjónar fyrir altari. Dómkórinn syngur,organisti er Kári Þormar. Í messunni verður fermd Anna Sóley Jensdóttir Framnesvegi 28, 101 Reykjavík.

Brasilíski gítarleikarinn Fabricio Mattos heldur tónleikana í Dómkirkjunni föstudagskvöldið 27.maí kl. 20:00

Gítarleikarinn ungi hefur unnið til fjölda alþjóðlegra verðlauna fyrir gítarleik sinn og eftir hann liggur fjöldi hljóðritana. Hann stundaði nám í Royal Academy of Music í London en býr nú í Tórínó á Ítalíu.

Nánari upplýsingar er að finna á heimasíðu hans:

http://www.fabriciomattos.com/

Næsti sunnudagur er fjórði sunnudagur eftir páska. Kl. 11 messar sr. Anna Sigríður Pálsdóttir. Kammerkór Dómkirkjunnar syngur,organisti er Kári Allansson.

Norski organistinn Stig Wernø Holter heldur tónleika í Dómkirkjunni í Reykjavík mánudaginn 16. maí kl. 20.00. Stig fæddist í Osló árið 1953 og lærði við Tónlistarháskóla Noregs og Guðfræðiháskólann í Osló og í Kaupmannahöfn og Stuttgart. Hann er í dag 1. amanuensis við Griegakademíuna við Háskólann í Björgvin.

Dagskrá tónleikanna verður sem hér segir:

Johann Sebastian Bach (1685-1750): Preludium og fuge i h-moll (BWV 544)

Egil Hovland (*1924): Koralpartita over “Herre Gud, ditt dyre navn og ære.”

Ludvig Nielsen (1906-2001): Nidarosdomens klokker

Jón Þórarinsson (f. 1917): Preludium, Choral und Fuge über ein altes Thema

Fjórir prestar og tveir djáknar verða vígðir til þjónustu í Dómkirkjunni í Reykjavík kl. 11 á sunnudaginn. Þrír prestanna vígjast til þjónustu í norsku kirkjunni. Karl Sigurbjörnsson, biskup Íslands, vígir og Ingeborg Midttømme, biskup í Møre, prédikar.

Lesa áfram …

Dómkórinn  býður sumarið velkomið  á laugardaginn 7.maí  með flutningi á Gloriu Vivaldis.

Dómkórinn ásamt kammersveitinni Aldavinum flytja Gloriu Rv 589 eftir Antonio Vivaldi og Missa brevis Sancti Joannis de Deo eftir Joseph Haydn.Einsöngvarar eru þær Hallveig Rúnarsdóttir sópran og Sigurlaug Knudsen messósópran. Stjórnandi er Kári Þormar

Miðaverð við inngang kr.2000 eða kr.1500 hjá kórfélögum. Ekki er tekið við kortum. Tónleikarnir  hefjast kl.16.00

Lesa áfram …

Sunnudaginn 8. maí höldum við fjölskyldumessu. Messan er í umsjá sr. Önnu Sigríðar Pálsdóttur og markar lok barna og æskulýðsstarfsins í vetur. Við fáum í heimsókn kór sem settur er saman af stúlkum frá Vesturbæjar og Grandaskóla auka stúlkna frá stúlknakór Reykjavíkur. Stjórnanadi er þórdís Guðmundsdóttir. Undirleikari og organisti er Kári Þormar. Við fáum einnig í heimsókn Stoppleikhópinn sem sýnir leikþáttinn “Ósýnilegi vinurinn”

Næsta sunnudag þann 1. maí er messað kl. 11 í Dómkirkjunni. Sr. Hjálmar Jónson prédikar og þjónar fyrir altari. Að þessu sinni fáum við gestakór en það er Húnakórin sem er undir stjórn Jóns Bjarnasonar sem einnig leikur á orgelið í messunni. Við bjóðum þau og alla aðra gesti hjartanlega velkomna