Dómkirkjan

Prjónakaffi í kvöld, þriðjudagskvöld 28. janúar kl. 19:00 Lækjargötu 14a.
Súpa, brauð og kaffi á góðu verði.
Listakonan Arndís Sigurbjörnsdóttir sýnir okkur margt fallegt sem hún hefur gert.
Allir velkomnir, karlar, konur, ungir sem aldnir. Það þarf ekki að hafa neitt á prjónunum, bara mæta, því maður er manns gaman
Hjartanlega velkomin.

Sr. Karl Sigurbjörnsson leiðir bænastundina í dag. Léttur hádegisverður í safnaðarheimilinu eftir bænastundina. Verið velkomin.

Í kvöld verður spilakvöld á efstu hæð safnaðarheimilisins. Allir eru hvattir til að koma með 1 spil sem gaman væri að spila með öðrum. Fjörið byrjar kl. 19:30 og er búið kl. 21:00 að venju.
Hægt er að skrá sig á Febrúarmótið (14.-16. feb) með því að skila leyfisbréfi.
SÍÐASTI SKRÁNINGARDAGUR ER 5. FEBRÚAR.
Nánari Upplýsingar um fjáröflun koma í vikunni.
Sjáumst hress
Ólafur Jón og Sigurður Jón

Messa kl. 11 sr.Karl Sigurbjörnsson, biskup prédikar og þjónar fyrir altari. Kór Átthagafélags Standamanna syngur stjórnandi Ágota. Organisti Kári Þormar. Barnastarf á kirkjuloftinu á sama tíma í umsjón Ólafs Jóns og Sigurðar Jóns.

Kolaportsmessa kl. 14 sr. Karl Sigurbjörnsson og sr. Steinunn Arnþrúður Björnsdóttir þjóna. Margrét og Þorvaldur Halldórsson sjá um tónlistina.

Það verður líf og fjör á morgun í opna húsinu, þá ætla sr. Karl og Kári organisti að kæta geð okkar með orðum og söng. Fjöldasöngur og ljúffengar veitingar hjá Dagbjörtu.

Sr. Hjálmar Jónsson, sóknarprestur er í veikindaleyfi til 1. mars. Hann er á góðum batavegi og biður fyrir góðar kveðjur. Hjálmar kemur tvíefldur til leiks með hækkandi sól og sendum við honum bestu óskir um áframhaldandi góðan bata.

Sr. Karl Sigurbjörnsson, biskup leiðir bænastundina á morgun 21. janúar.
Að bænastund lokinni er boðið upp á léttan hádegisverð í safnaðarheimilinu, Lækjargötu 14a.
Stundin er öllum opin og er góður vettvangur til samfélags og fyrirbæna. Fyrirbænir má senda á netfangið domkirkjan@domkirkjan.is eða í síma 520-9700.
Góð samvera með góðu fólki, verið velkomin.