Dómkirkjan

Skemmtilegt prjónakvöld, frú Agnes biskup Íslands var gestur okkar. Gaman að hlusta á hennar frásögn. Við þökkum henni og ykkur öllum sem komuð fyrir góða samveru.

file

Laufey Böðvarsdóttir, 24/11 2014

Frú Agnes M. Sigurðardóttir, biskup Íslands, gestur okkar á prjónakvöldi Dómkirkjunnar.

Nú styttist í síðasta prjónakvöld okkar á þessu ári, en það verður í kvöld
24. nóvember kl. 19. Frú Agnes M. Sigurðardóttir, biskup Íslands verður gestur okkar. Súpa, kaffi og sætt með kaffinu. Sjáumst í safnaðarheimilinu við Vonarstræti;-)

Laufey Böðvarsdóttir, 24/11 2014

Það verður fróðlegt að hlusta á Heimi Björn Janusarson segja frá Hólavallakirkjugarði í Opna húsinu á morgun. Heimir er skruðgarðyrkjufræðingur og nemur safnafræði við Háskóla Íslands. Kaffi og gómsætt með kaffinu að hætti Ólafar. Opna húsið er frá 13:30-15:30. Á sunnudaginn er messa kl 11, séra Sveinn Valgeirsson prédikar og þjónar fyrir altari. Eftir messu er fræðsla fyrir fermingarbörnin í safnaðarheimilinu. Æðruleysismessa er kl. 20. á sunnudagskvöldið. Á mánudagskvöldið kl. 19 er prjónakvöld í safnaðarheimilnu, þar verður gestur okkar frú Agnes M. Sigurðardóttir, biskup Íslands. Verið velkomin.

Laufey Böðvarsdóttir, 19/11 2014

Heimir Björn Janusarson verður gestur okkar í Opna húsinu á fimmtudaginn. Hann ætlar að segja frá Hólavallakirkjugarði.

Laufey Böðvarsdóttir, 18/11 2014

Bæna-og kyrrðarstund í dag kl. 12:10. Léttur hádegisverður í safnaðarheimilinu að bænastund lokinni. Verið velkomin

Laufey Böðvarsdóttir, 18/11 2014

Æðruleysismessa verður nk. sunnudag þann 23. nóvember kl. 20

Laufey Böðvarsdóttir, 16/11 2014

Messa sunnudaginn 16. nóvember 2014 kl. 11 séra Sveinn Valgeirsson prédikar og þjónar fyrir altari. Dómkórinn syngur undir stjórn Kára Þormar dómorganista. Barnastarfið á kirkjuloftinu á sama tíma í umsjón Ólafs Jóns og Sigurðar Jóns. Ritningarlestrana lesa mæðgurnar Steinunn Lárusdóttir og Edda Jónsdóttir, en Steinunn fermist í vor í Dómkirkjunni. Verið hjartanlega velkomin.

Laufey Böðvarsdóttir, 13/11 2014

Á morgun, fimmtudag fáum við góðan gest í Opna húsið. Það er Margrét Pálmadóttir, tónlistarkona. Margrét verður með skemmtilegt innlegg um kærleika og trú. Gott kaffi og kökur, góð samvera. Hlökkum til að sjá ykkur hér við Tjörnina. Opna húsið er frá 13:30-15.30.

Laufey Böðvarsdóttir, 12/11 2014

Glæsilegir tónleikar miðvikudagskvöld kl. 20

Frumflutningur á nýjum kórverkum eftir nýútskrifuð tónskald:
Ásbjörg Jónsdóttir: Sálmur 100
Georg K. Hilmarsson: Sálmur 121
Bergrún Snæbjörnsdóttir: Ímynd Guðs
Örn Ýmir Arason: Davíðssálmur 42
Árni Bergur Zoëga: Passíusálmur 50
Soffía Björg Óðinsdóttir: Treystu drottni
Dómkórinn í Reykjavík
Kári Þormar, stjórnandi

Frumflutningur á Via Crucis / Stabat Mater eftir Jónas Tómasson
Hanna Dóra Sturludóttir, messósópran
Chalumeaux-tríóið
Ármann Helgason, klarinett
Kjartan Óskarsson, klarinett
Sigurður Snorrason, klarinett

Miðaverð: 2000. kr. / 1.500 kr. í forsölu hjá flytjendum

Laufey Böðvarsdóttir, 11/11 2014

Það var þétt dagskrá í Dómkirkjunni í gær, góð messa, messukaffi, Brass tónleikar og loks var Unglist með tónleika um kvöldið.
Allt var þetta ljúft og gott.
Í dag er hattafundur hjá Kirkjunefnd kvenna Dómkirkjunnar, séra Karl biskup ætlar að vera með okkur og segja frá. Það verður bæði fróðlegt og skemmtilegt. Konurnar eru að koma í hús milli 17 og 17.30.
Á morgun, þriðjudag er bænastund kl. 12:10 í kirkjunni. Þar er gott að vera í góðum hóp og að bænastund lokinni er haldið í safnaðarheimilið í léttan hádegisverð. Á morgun verða “gestakokkar” þær Hanna og Helga. Verið hjartanlega velkomin.
Minni líka á tónleikana á miðvikudagskvöldið kl. 20. Þá verða frumflutt verk eftir ung íslensk tónskáld. Tónlistardögum Dómkirjunnar lýkur með þessum glæsilegum tónleikum.

Laufey Böðvarsdóttir, 10/11 2014

Mánudagur