Senn kemur út Dómkirkjan í Reykjavík III, Á aldahvörfum eftir sr. Jakob Ágúst Hjálmarsson. I Byggingasagan og II Í iðu þjóðlífs eftir sr. Þóri Stephensen fyrrum dómkirkjuprest komu út í einu bindi á 200 ára afmæli kirkjunnar 1996. Tíminn sem síðan er liðinn hefur verið mjög viðburðarríkur, framkvæmdir og breytingar hafa orðið sem nauðsynlegt var talið að gera skil.
Í væntanlegri bók verður þó áherslan fyrst og fremst á starfinu í Dómkirkjunni og á vegum safnaðar hennar. Margt fólk hefur komið að þar við sögu og er sjálfsagt að hlut þess séu gerð skil, svo mjög sem allt það sem fram hefur farið hefur byggst á framlagi þess.
Dómkirkjan í Reykjavík III, Á aldahvörfum er 154 blaðsíður í pappírskilju, ríkulega prýdd myndum og kemur út í áskrift í júní byrjun og verða eintök númeruð eftir því sem áskriftarbeiðnir berast. Pantanir skulu berast í tölvupósti til domkirkjan@domkirkjan.is eða í síma hjá kirkjuverði 520-9700. Eintakið mun kosta 5.000 krónur og greiðist fyrir 1. júní og verður svo sent heim.
Laufey Böðvarsdóttir, 16/5 2014
Norsk messa laugardaginn 17 maí kl.13:45 á þjóðhátíðardegi Norðmanna. Séra Hjálmar Jónsson prédikar og þjónar fyrir altari. organisti er Kári Þormar, norskur kór syngur. Verið hjartanlega velkomin.
Laufey Böðvarsdóttir, 16/5 2014
Á sunnudaginn er messa kl. 11 séra Anna Sigríður prédikar og þjónar fyrir altari. Organisti er Kári Þormar og Dómkórinn syngur. Sunnudagaskólinn er kominn í sumarfrí. Verið velkomin.
Laufey Böðvarsdóttir, 16/5 2014
Á morgun, fimmtudag er Opna húsið í safnaðarheimilinu frá kl. 13:30-15:30. Gott með kaffinu og góð samvera. Við ætlum að ljúka vetrarstarfinu með dagsferð miðvikudaginn 21. maí. Séra Karl Sigurbjörnsson verður fararstjóri, nánar auglýst síðar.
Laufey Böðvarsdóttir, 14/5 2014
Bæna-og kyrrðarstund í hádeginu í dag, þriðjudag kl. 12 :10. Léttur hádegisverður í safnaðarheimilinu á eftir. Velkomin
Laufey Böðvarsdóttir, 12/5 2014
Laufey Böðvarsdóttir, 10/5 2014
Messa kl.11 á mæðradaginn 11 maí. Séra Hjálmar prédikar og þjónar fyrir altari. Dómkórinn syngur undir stjórn Kára Þormar organista. Síðasta samveran í barnastarfinu á þessu vori. Það er líf og fjör í barnastarfinu hjá þeim Óla Jóni og Sigga Jóni. Hjartanlega velkomin
Laufey Böðvarsdóttir, 9/5 2014
Loksins, loksins er komið að samveru á fimmtudegi, eftir alla fimmtudagsfrídagana. Hlökkum til að sjá ykkur í dag í Lækjargötunni. Opna húsið er frá 13:30-15:30. Gott með kaffinu eins og alltaf.
Laufey Böðvarsdóttir, 8/5 2014
Það iðar allt af lífi hér í miðbænum á þessum sólríka degi, garðyrkjumenn borgarinnar keppast við að snyrta og fegra Mæðragarðinn, því mæðradagurinn er á sunnudaginn. Mæðragarðurinn er austan við safnaðarheimili Dómkirkjunnar. Hann var gerður árið 1925 og styttan Móðurást eftir Nínu Sæmundsson var sett upp í garðinum árið 1928. Séra Hjálmar prédikar í Dómkirkjunni á mæðradaginn og lokasamveran í barnastarfinu á þessu vori verður þá. Tilvalið að mæta í messu með börn/barnabörn og koma síðan við í Mæðragarðinum og skoða styttuna Móðurást.
Laufey Böðvarsdóttir, 7/5 2014
