Séra Skírnir Garðarsson prédikar og þjónar fyrir altari sunnudaginn 24. ágúst kl. 11:00.

Kammerkór Dómkirkjunar syngur og organisti er Kári Þormar.

Laufey Böðvarsdóttir, 18/8 2014

Fermingarfræðslan er byrjuð og hingað mættu í morgunsárið góður hópur fermingarbarna sem ætlar að fermast í vor. Á morgun þriðjudag er bænastund í hádeginu kl. 12:10, léttur hádegisverður í safnaðarheimilinu á eftir. Kveðjumessa séra Önnu Sigríðar er 31. ágúst kl. 11 og er messukaffi henni til heiðurs í safnaðarheimilinu að messu lokinni.

Hér má sjá hluta af gömlu altaristöflu sem kom upphaflega í kirkjuna 1818. Í bókinni Kirkjur Íslands 18, bls. 95 stendur m.a. um hana: Í skoðunargerð á Dómkirkjunni frá 1818 er taflan sögð ný og ,,meget ziirlig” þ.e. mjög falleg. Altaristaflan er að öllum líkindum dönsk en málarinn er óþekktur.Taflan sýnir bæn Jesú í Getsemane sem sagt er frá í 22. kafla Lúkasarguðspjalls.

Laufey Böðvarsdóttir, 18/8 2014

Fermingarstarfið hefst með guðþjónustu 17. ágúst kl. 11:00

Messa sunnudaginn 17. ágúst kl. 11. Séra Hjálmar Jónsson prédikar og séra Sveinn Valgeirsson þjónar fyrir altari. Barn borið til skírnar og fermingarfræðslan hefst með þessarri guðsþjónustu. Eftir messu verður kynningarfundur með fermingarbörnum og foreldrum þeirra. Kammerkór Dómkirkjunnar og organisti er Kári Þormar. Hjartanlega velkomin til messu.

Laufey Böðvarsdóttir, 12/8 2014

Í sól og sumaryl

Blessuð sólin farin að skína á okkur hérna við Tjörnina og miðbærinn iðar af lífi. Minni á tónleika strengjasveitarinnar Spiccato í kvöld kl. 20:00. Á morgun kl. 12.10 er bæna-og kyrrðarstund, þar mætir trúfastur og góður hópur í viku hverri. Allir eru velkomnir, það er vel tekið á móti nýju fólki. Að bænastund lokinni er haldið í safnaðarheimilið við Vonarstræti í léttan hádegisverð. Á morgun þriðjudag fáum við tvo “gestakokka” en það er kærleiksríkir sjálfboðaliðar sem ætla að töfra fram eitthvað gómsætt. Hlökkum til að sjá ykkur.

Laufey Böðvarsdóttir, 11/8 2014

Spiccato í kvöld, mánudag 11. ágúst kl. 20:00

Strengjasveitin Spiccato leikur sína eftirlætisbarokktónlist í Dómkirkjunni í kvöld kl. 20. Strengjasveitina skipa þau:
Ágústa María Jónsdóttir, Dóra Björgvinsdóttir Hlíf Sigurjónsdóttir Maria Weiss Martin Frewer, Sigurlaug Eðvaldsdóttir, Sarah Buckley,Sesselja Halldórsdóttir, Arnþór Jónsson Lovísa Fjeldsted og Páll Hanneson. Miðaverð 2000. Verið velkomin að njóta.