Dómkirkjan

1. sunnudagur í níuviknaföstu (septuagesimae) þann 24. janúar er messa kl. 11 þar sem Karl Sigurbjörnsson, biskup prédikar og þjónar fyrir altari. Skemmtilegt og fræðandi barna starf á kirkjuloftinu á sama tíma. Dómkórinn og organisti er Kári Þormar. Verið hjartanlega velkomin.

Laufey Böðvarsdóttir, 20/1 2016

Kæru foreldrar og forráðamenn! Í kvöld, þriðjudag munum við m.a. bjóða upp á kvikmyndagetraun og kynna Febrúarmót í Vatnaskógi. Samveran endar á helgistund. Vonumst til að sjá sem flest fermingarbörn sem og þau sem hafa þegar fermst. Minni á heimasíðuna okkar ungdom.me fyrir þau sem hafa áhuga. Kær kveðja, Ólafur Jón Magnússon

Laufey Böðvarsdóttir, 19/1 2016

Skemmtileg vika framundan í Dómkirkjunni. Á þriðjudaginn er bæna-og kyrrðarstund í hádeginu. Alltaf gott að koma saman og njóta orða og tónlistar. Að stundinni lokinni er léttur hádegisverður í safnaðarheimilinu. Unglingastarfið Ungdóm er með skemmtilega samveru frá 19.30-21.00 í safnaðarheimilinu. Bach tónleikar Ólafs Elíassonar eru í kirkjunni kl. 20.30.-21.00. Komið og njótið. Á fimmtudaginn fáum við góðan gest í Opna húsið kl. 13.30 en það er Árni Bergmann. Veislukaffi að hætti Ástu.
Karl Sigurbjörnsson, biskup prédikar við messuna sunnudaginn 24. janúar.
Hlökkum til að sjá ykkur

Laufey Böðvarsdóttir, 17/1 2016

Minni á að mánudaginn 25. janúar er fyrsta prjónakvöld ársins hjá okkur í Dómkirkjunni. Það byrjar kl. 19 í Safnaðarheimilinu með súpu og kaffisopa. Nánar auglýst síðar.

Laufey Böðvarsdóttir, 17/1 2016

Við upphaf Alþjóðlegrar, samkirkjulegrar bænaviku fyrir einingu kristninnar verður útvarpað guðsþjónustu frá Dómkirkjunni sunnudaginn 17. janúar kl. 11 Guðsþjónustan, sem er á vegum Samstarfsnefndar kristinna trúfélag á Íslandi, leiða fulltrúar þjóðkirkjunnar í nefndinni, prestarnir Sveinn Valgeirsson og María Ágústsdóttir. Ræðumaður er Ólafur Knútsson, prestur Íslensku Kristskirkjunnar. Fulltrúar kristinna trúfélaga lesa lestra og bænir. Kári Þormar leikur á orgelið og félagar úr Dómkórnum leiða sönginn. Skemmtilegt barnastarf á kirkjuloftinu í umsjón Óla og Sigga. Allir hjartanlega velkomnir.

Laufey Böðvarsdóttir, 14/1 2016

Það verða fagnaðarfundir á morgun, fimmtudag þegar Opna húsið byrjar aftur í Safnaðarheimilinu eftir jólafrí. Karl Sigurbjörnsson, biskup rabbar um kerlingabækur og hindurvitni. Veislukaffi að hætti Ástu okkar. Sjáumst kl. 13:30. Verið hjartanlega velkomin.

Laufey Böðvarsdóttir, 13/1 2016

Verið velkomin á bæna-og kyrrðarstund í hádeginu í dag, þriðjudag

Laufey Böðvarsdóttir, 12/1 2016

Hvernig væri að skella sér með ungana í sunnudagaskólann á sunnudag og eiga fallega og skemmtilega gæðastund saman. Sumir eru fjölmennir og fjörugir aðrir litlir og persónulegir. Hvenær er sunnudagaskóli/barnastarf í þinni sóknarkirkju? Í sunnudagaskólanum erum við í sjöunda himni! Komdu með! Sjáumst í Dómkirkjunni kl. 11 á sunnudag, Óli og Siggi á kirkjuloftinu með barnastarfið. Séra Hjálmar Jónsson prédikar, organisti er Bjarni Jónatansson og Dómkórinn syngur.

Laufey Böðvarsdóttir, 9/1 2016

Laufey Böðvarsdóttir, 6/1 2016

Opna húsið byrjar fimmtudaginn14. janúar kl. 13.30

Messa sunnudaginn 10. janúar kl. 11 séra Hjálmar Jónsson prédikar og þjónar fyrir altari. Bjarni Jónatansson er organisti Dómkórinn syngur. Barn borið til skírnar og barnastarfið á kirkjuloftinu með Óla og Sigga. Verið hjartanlega velkomin.

Laufey Böðvarsdóttir, 6/1 2016

Þriðjudagur