Dómkirkjan

Prjónakvöld, mánudagskvöldið 23. mars kl. 19:00 í Safnaðarheimilinu við Vonarstræti. Létt máltíð, kaffi, sætt með kaffinu og skemmtilegur félagsskapur.

Messa kl 11 sunnudaginn 22. mars, Karl Sigurbjörnsson prédikar og þjónar fyrir altari Ólöf Sesselja Óskarsdóttir og Árni Árnason lesa ritningarlestrana. Dómkórinn syngur undir stjórn Kára Þormar dómorganista. Skemmtilegi Sunnudagaskólinn á kirkjuloftinu í umsjón Ólafs Jóns og Sigga Jóns. Verið hjartanlega velkomin.

Í kvöld, miðvikudag er námskeiðið Samtal um trú. Að þessu sinni er það Gunnlaugur A. Jónsson sem fjallar um áhrifasögu Saltarans. Byrjum kl. 18 í Safnaðarheimilinu við Vonarstræti, áætlum að vera til 20:30. Létt máltíð og kaffi. Uppbyggjandi og líflegar umræður í góðum hóp. Verið velkomin.

Í kvöld klukkan 19:30 verður Ungdóm ekki upp í safnaðarheimili Dómkirkjunnar heldur í Laser Tag að Salavegi 2 kópavogi (beint á móti Lindakirkju). Verð er 1500 krónur (2 leikir) og gott er ef krakkarnir mættu um 19:20. Mæting er upp í Kópavog og hittumst við hress þar.Kær kveðja, Sigurður Jón (s:7745435) og Ólafur Jón (s:6166152)

Séra Þórir með Dagbjörtu dótturdóttur sinni sem söng einsöng

Sunnudaginn 15. mars er messa kl. 11 séra Sveinn Valgeirsson prédikar og þjónar fyrir altari. Félagar úr Gídeon félaginu koma og kynna starfið og lesa ritningarlestrana. Dómkórinn og organisti er Judith Thorbergsson Tobin. Sunnudagaskólinn á kirkjuloftinu í umsjón Ólafs Jóns og Sigurðar Jóns.
Æðruleysismessa kl. 20:00
Verið velkomin