Dómkirkjan

Messa kl.11 Karl Sigurbjörnsson, biskup prédikar og þjónar fyrir altari. Dómkórinn syngur undir stjórn Kára Þormar organista. Sunnudagaskóli á kirkjuloftinu á sama tíma í umsjón Ólafs Jóns og Sigurðar Jóns.
Marinó Þorsteinsson les bæn og ritningarlestrana lesa þeir Arnfinnur U. Jónsson og Steini Þorvaldsson.
Efir messuna verða 30 organistar með tónleika í Dómkirkjunni fram á kvöld.

Allir sálmarnir sem þú vildir syngja en þorðir ekki, kannski út af því að kórinn syngur sálmana fyrir þig eða enginn annar syngur í kirkjunni.
Þá er þetta tilvalið tækifæri fyrir þig að koma og syngja hástöfum, því kórinn verður í fríi og allir aðrir í kirkjunni syngja við þrumandi undirleik Kára Þormar og Margrét Bóasdóttir stýrir fjöldasöng.
Sungnir nýjir og gamlir sálmar úr sálmabók íslensku Þjóðkirkjunnar.
Allir hjartanlega velkomnir
Aðgangur ókeypis

Á allra heilagra messu þann 1. nóvember kl. 11:00 prédikar og þjónar fyrir altari Karl Sigurbjörnsson, biskup. Bráðskemmtilegur og fræðandi sunnudagaskóli á kirkjuloftinu með þeim Óla Jóni og Sigga Jóni.

Séra Guðjón Skarphéðinsson fermir Vigdísi Freyju Gísladóttur. Harmóníukórinn syngur undir stjórn Krisztinu K. Szklenár. Organisti Kári Þormar. Verið hjartanlega velkomin.

Opna húsið byrjar kl. 13.30, gott með kaffinu hjá Ástu okkar. Allir velkomnir.

Ágústa Þóra Jónsdóttir kemur og kynnir nýja ullarblöndu.
“Gústa” er nafnið á nýju handprjónafyrirtæki sem hefur þróað nýja ullarblöndu, “mjúkull”, sem gerir íslensku ullina mýkri og slitsterkari. Á sama tíma býður Gústa nýja íslenska prjónahönnun á karla, konur og börn ókeypis á netinu. Ágústa Þóra Jónsdóttir stendur fyrir Gústa en fyrirtækið heitir samt ekki í höfuðið á henni. Ágústa segir: “Gústa amma mín, sem ég er skýrð í eftir, kenndi mér að prjóna og var alltaf að prjóna, mest vettlinga og hosur. Hún var dásamleg kona og yndisleg amma og ég hitti hana á hverjum degi enda stutt úr skólanum og heim til hennar á Ísafirði. Gústa hefur verið mér fyrirmynd og veitt mér innblástur í gegnum tíðina. Núna þegar ég stofna prjónafyrirtæki, fannst mér það liggja beinast við að nefna það eftir henni.”
Sjá nánar á gusta.is,
Sjáumst á manudagskvöldið.

Eyrún Ingadóttir kom í Opna húsið og sagði okkur magnaða sögu Þórdísar ljósmóður. Eyrún skrifar og segir skemmtilega frá, þannig að við hlökkum til að lesa næstu bók Eyrúnar.
Í liðinni viku var spilað bingó og fóru margir sáttir heim með vinninga.
Á morgun fáum við kæran gest í heimsókn, sr. Önnu Sigríði fyrrverandi dómkirkjuprest. Opna húsið er frá 13:30-15:30. Hjartanlega velkomin.

Sigurbjörn Þorkelsson prédikaði í messunni sl. sunnudag, séra Hjálmar Jónsson þjónaði og Birgir Jóhannes var fermdur.
Falleg og áhrifamikil prédikun hjá Sigurbirni.
Birgi Jóhannesi óskum til hamingju með ferminguna og framtíð alla.
Þökkum ykkur fyrir samveruna á þessarri góðu stund í Dómkirkjunni.
Í dag, þriðjudag er bæna-og kyrrðarstund í hádeginu, að henni lokinni er gómsætur hádegisverður að hætti Ástu.
Unglingastarfið hjá Ungdóm frá 19:30-21:00 í safnaðarheimilinu.
Minni líka á Bach tónleikana í kirkjunni frá 20:30-21:00 í kvöld. Hjartanlega velkomin.