Dómkirkjan

Allir sálmarnir sem þú vildir syngja en þorðir ekki, kannski út af því að kórinn syngur sálmana fyrir þig en enginn annar í kirkjunni.
Þá er þetta tilvalið tækifæri fyrir þig að koma og syngja hástöfum, því kórinn verður í fríi og allir aðrir í kirkjunni syngja við þrumandi undirleik Kára Þormar og Margrét Bóasdóttir stýrir fjöldasöng.
Sungnir nýir og gamlir sálmar úr sálmabók íslensku Þjóðkirkjunnar.
Allir hjartanlega velkomnir
Aðgangur ókeypis

Fjölskyldumessa með bæn fyrir friði
Framtíðarvon um frið á jörð
í Dómkirkjunni, 23. október kl. 11. Lestrar úr Dagbók Hammarskjölds, ritum Móður Teresu og Biblíunni. Kór MR syngur undir stjórn Kára Þormar. Vera Knútsdóttir, fulltrúi Félags Sameinuðu þjóðanna á Íslandi flytur ávarp. Lesarar menntaskólanemarnir: Salvör Schram, Eva Rún Ólafsdóttur, Snæfríður Kjartansdóttir, Viktor Karl Sigurbjörnsson og Sigurbergur Hákonarson, og mæðgurnar Kristín Þorsteinsdóttir, sem mun fermast í vor, og María Ellingsen.
Berglind Pétursdóttir leikur á trompet og Magnús Már Björnsson syngur einsöng. Barnastarf á kirkjuloftinu undir stjórn Helgu Kolbeinsdóttur.
Prestar Karl Sigurbjörnsson og Sveinn Valgeirsson.

Mikið var gaman að hlusta á Guðrúnu Nordal, en hún var gestur okkar í Opna húsinu í liðinni viku. Við þökkum henni kærlega fyrir komuna og hlökkum til að koma í Árnastofnun, þegar nýja húsið verður tilbúið.
Á morgun kemur Helga Pálmadóttir, en séra Óskar Þorláksson, dómkirkjuprestur var uppeldisfaðir hennar.
Sjáumst í safnaðarheimilinu á morgun kl. 13.30, njótum frásagnar, samveru og góðra veitinga.

Kæru fermingarbörn. Við eigum von á heimsókn frá Hjálparstarfi Kirkjunnar. Þau Million Shiferaw og Ahmed Nurabib koma og segja frá aðstæðum í Eþíópíu og hvernig hjálparstarfið; þ.á m. þeir peningar sem þíð munuð safna þann 2. nóvember munu nýtast. Því miður komast þau ekki til okkar í dag, miðvikudag, á þeim tíma sem við erum vön að hittast og þess vegna bið ég ykkur um að fá að færa fermingartímann sem átti að vera í dag 19. okt. til fimmtudagsins 20. okt. kl. 16:00. Ef að þið komst ekki á þeim tíma þá biðst ég velvirðingar á þessari röskun en þau Million og Ahmed komast ekki á miðvikudaginn, eins og áður segir. Með góðri kveðju Sveinn Valgeirsson 862-5467