Dómkirkjan

 

Fjölskyldumessa kl. 11, sunnudaginn 5. mars. Fermingarbörnin taka þátt, sunnudagaskóli, söngur og séra Sveinn og séra Ólafur Jón slá undir á gítara. Fundur með fermingarbörnum og foreldrum eftir messu með séra Sveini og Karli biskup. Messukaffi, minni á bílastæðin gengt Þórshamri.

Laufey Böðvarsdóttir, 2/3 2017

Á miðvikudagskvöldum alla föstuna eru námskeið í Safnaðarheimilinu kl. 18 – 21, sem nefnist Samtal um trú. Að þessu sinni verður rætt um Lúther og siðbótina. Fyrsta samveran er á öskudag, 1. mars. Boðið verður upp á léttan málsverð við vægu verði. Fyrirlesarar verða Karl biskup, sr Sveinn, Kristján Valur Ingólfsson, vígslubiskup og dr. Sigurjón Árni Eyjólfsson.

IMG_1756 IMG_1759

Laufey Böðvarsdóttir, 1/3 2017

Útgáfutónleikar Gyðu Valtýsdóttur

Gyða útgáfutónleikar gyda-selloAta

Í nóvember í fyrra kom út platan Epicycle með Gyðu Valtýsdóttur. Útgáfutónleikar hennar verða föstudaginn 3. mars nk. í Dómkirkjunni kl. 21:00.

Flytjendur á tónleikum:

Gyða Valtýsdóttir, selló – söngur

Shahzad Ismaily, gítar

Julian Sartorius, trommur

Júlía Mogensen: kristalsglös

Frank Aarnink: kristalsglös, zithar, slagverk o.fl.

Óli Björn Ólafsson: kristalsglös, slagverk

Kristín Anna og Ásthildur Valtýsdætur, söngur

Kórus

 

Á plötunni Epicycle má m.a. finna elsta skráða tónverk sögunnar, Grafskrift Seikilosar, en einnig nýrri verk eftir þekkt tónskáld á borð við Messiaen, Prokofiev, Crumb og Schumann. Gyða tekur fyrir hin ýmsu verk sem hafa sérstakt gildi fyrir hana og flytur þau eftir sinni eigin persónulegu túlkun.

Laufey Böðvarsdóttir, 28/2 2017

Prjónakvöld Dómkirkjunnar fellur niður í kvöld 27. febrúar. Margir af okkar fastagestum hafa verið í sambandi og komast ekkert vegna ófærðar í íbúðagötum.

Laufey Böðvarsdóttir, 27/2 2017

GYÐA VALTÝSDÓTTIR – EPICYCLE
ÚTGÁFUTÓNLEIKAR 3. MARS 2017

Í nóvember í fyrra kom út platan Epicycle með Gyðu Valtýsdóttur. Útgáfutónleikar hennar verða föstudaginn 3. mars nk. í Dómkirkjunni kl. 21:00.

Flytjendur á tónleikum:
Gyða Valtýsdóttir, selló – söngur
Shahzad Ismaily, gítar
Julian Sartorius, trommur
Júlía Mogensen: kristalsglös
Frank Aarnink: kristalsglös, zithar, slagverk o.fl.
Óli Björn Ólafsson: kristalsglös, slagverk
Kristín Anna og Ásthildur Valtýsdætur, söngur
Kórus

Á plötunni Epicycle má m.a. finna elsta skráða tónverk sögunnar, Grafskrift Seikilosar, en einnig nýrri verk eftir þekkt tónskáld á borð við Messiaen, Prokofiev, Crumb og Schumann. Gyða tekur fyrir hin ýmsu verk sem hafa sérstakt gildi fyrir hana og flytur þau eftir sinni eigin persónulegu túlkun.

Platan hefur vakið töluverða athygli og fengið frábæra dóma. Jónas Sen segir t.a.m. frá verkinu Grafskrift Seikilosar í dómi sínum um plötuna sem birtist á visir.is „…sköpuð er tímalaus stemning sem er svo lokkandi að maður hreinlega hverfur inn í aðra veröld.“

Á plötunni fær Gyða til liðs við sig frábæra listamenn á borð við Shahzad Ismaily, Danny Tunick, Hilmar Jensson, Julian Sartorius og Michael York.

„Hér er einhver óræður galdur í gangi sem hefur sig upp fyrir sjálfa tónlistina og hittir mann þráðbeint í hjartastað.“
Arnar Eggert: mbl.is

„Þetta er gripur sem gefur fyrirheit um betri heim.“
Pétur Grétarsson: ruv.is

Gyða Valtýsdóttir: Epicycle, Kraumsverðlaunin 2016

Gyða Valtýsdóttir: Epicycle tilnefning til Íslensku tónlistarverðlaunanna: Plata ársins: Opinn flokkur

Gyða Valtýsdóttir hóf tónlistarferilinn á táningsaldri með hljómsveitinni múm. Hún yfirgaf sveitina til að einbeita sér að klassísku tónlistarnámi og lærði meðal annars í Rimsky-Korsakov Conservatory í St. Pétursborg og Hochschule für Music í Basel, þar sem hún lauk meistaranámi í sellóleik hjá Thomas Demenga og frjálsum spuna hjá Walter Fähndrich. Auk þess að koma fram með sína eigin tónlist, hefur hún samið tónlist fyrir kvikmyndir og dansverk og leikur reglulega með múm, Shahzad Ismaily, Josephine Foster, Julian Sartorius, Colin Stetson og og hefur unnið með fjölda annarra listamanna í gegnum árin, m.a. A Winged Victory for the Sullen, Efterklang, Dustin O’Halloran, Damien Rice, Ben Frost, Hilmari Jenssyni, Guy Maddin, Ólöfu Arnalds, Skúla Sverrissyni o.fl.

Laufey Böðvarsdóttir, 27/2 2017

Vegna ófærðar verður vígslan kl. 17 í dag, ekkert helgihald klukkan 11 í dag í Dómkirkjunni.

Laufey Böðvarsdóttir, 26/2 2017

Prjónakvöld í safnaðarheimilinu, mánudag kl. 19. Súpa, kaffi og eitthvað sætt með kaffinu. Hlökkum til að sjá ykkur og eiga góða stund með ykkur.

Laufey Böðvarsdóttir, 26/2 2017

Mag. theol. Karen Lind Ólafsdóttir vígð til prestsþjónustu Sunnudaginn 26. febrúar nk. kl. 11 mun Agnes M. Sigurðardóttir, biskup Íslands, vígja mag. theol. Karen Lind Ólafsdóttur til þjónustu prests í Hjallaprestakalli í Reykjavíkurprófastsdæmi eystra. Vígslan fer fram í Dómkirkjunni í Reykjavík. Vígsluvottar verða sr. Gísli Jónasson, sr. Guðbjörg Jóhannesdóttir, sr. Helga Soffía Konráðsdóttir, sr. Páll Ágúst Ólafsson. Sr. Sigfús Kristjánsson lýsir vígslu og sr. Hjálmar Jónsson þjónar fyrir altari. Sunnudagaskóli á kirkjuloftinu í umsjón Ólafs Jóns og Sigga Jóns. Verið velkomin

Laufey Böðvarsdóttir, 26/2 2017

Marta Ragnarsdóttir verður gestur okkar í dag í Opna húsinu, hún ætlar að segja okkur sögur af forfeðrum sínum. Ásta er komin úr sólinni og veisluborðið hennar á sínum stað. Karl biskup les ljóð og e.t.v. koma félagar úr kór Menntaskólans í Reykjavík og syngja nokkur lög fyrir okkur. Góður fimmtudagur framundan, hlökkum til að sjá ykkur. Hér fylgja nokkrar myndir frá liðnum fimmtudögum

IMG_1628

IMG_1626

IMG_1684

Laufey Böðvarsdóttir, 23/2 2017

Minnum á opið hús í Safnaðarheimilinu á morgun, fimmtudag, kl. 13.30. Marta okkar Ragnarsdóttir segir okkur góðar sögur af forfeðrum sínum. Við eigum von á góðum gestum, dýrindis veitingum og skemmtilegu samfélagi, Komdu fagnandi!

Laufey Böðvarsdóttir, 22/2 2017

Kirkjan er opin alla virka daga frá 10-14

Viðtalstímar presta eru í safnaðarheimilnu
Lækjargötu 14a,
þri-fös 11-12 og eftir samkomulagi.
Sími: 520-9700.

Skráning í fermingarfræðslu

Þriðjudagur

- 12:00 Hádegisbæn
Bach tónleikar 20.00-20.30

Dagskrá ...