Þannig er málum háttað að ég mæti í Dómkirkjuna í kvöld kl 20:00 til að tala um hvað Orð Guðs er uppbyggjandi, gleðjandi, seðjandi og sterkt.
Ég hvet þig til að koma. Mjög einlægur og góður maður mun deila með okkur reynslu sinni. Dómkirkjupresturinn sjálur mun fara með bænir, sr Sveinn Valgeirsson. Hinn órúlega yfirvegaði Ástvaldur Traustason mun leika á flygilinn en einning kemur frábær söngkona Myrra Rós Þrastardóttir og Júlíus Björgvinsson leikur undir á hljóðfæri. Þessi messa heitir æðruleysismessa og ertu hjartanlega velkonin(n).
Laufey Böðvarsdóttir, 19/2 2017
Lúther og lífsgleðin verður umræðuefni fyrirlesturs dr. Sigurjóns Árna Eyjólfssonar í safnaðarheimili Dómkirkjunnar í dag laugardaginn 18. febrúar kl.18. Dr. Sigurjón Árni mun bera saman Lúther og Predikarann og matreiða efnið á ögrandi og nýstárlegan máta. Lúther tók veruleikann mjög alvarlega og var sér vel meðvitaður um dökku og björtu hliðar mannlífsins.
Laufey Böðvarsdóttir, 18/2 2017
Æðruleysismessa á morgun, sunnudag kl. 20 í Dómkirkjunni.
Kæru félagar, vinir og aðrir, nú ætlum við að koma saman, biðja og íhuga, eiga stund saman frammi fyrir Æðri mætti, í nærveru við anda tólf sporanna. Sr. Karl mun flytja hugleiðingu, Sr. Sveinn mun leiða okkur í bæn, Ástvaldur verður við píanóið, félagi flytur reynslusögu og við fáum til okkar góða gesti, þau Myrru Rós Þrastardóttir og Júlíus Björgvinsson. Þar sem Myrra mun syngja fyrir okkur og Júlíus spilar undir.
Það eru allir velkomnir ♥
Laufey Böðvarsdóttir, 18/2 2017