Dómkirkjan

Í ár eru 250 ár frá fæðingu Bertels Thorvaldsen og af því tilefni munu Sigurður Trausti Traustason, safnfræðingur og deildarstjóri safneignar og rannsókna hjá Listasafni Reykjavíkur og Aldís Snorradóttir, listfræðingur og verkefnastjóri miðlunar hjá Listasafni Reykjavíkur leiða göngu tileinkaða honum. Bertel var myndhöggvari en hann var af íslensku faðerni. Hann bjó lengst af í Róm og var talinn einn fremsti myndhöggvari nýklassíska stílsins.
Skírnarfontur Thorvaldsens í Dómkirkjunni er merkur og fagur.

Asalaus er verkefni tónlistarkonunnar Ásu Ólafsdóttur hjá Listhópum Hins hússins. Hún mun flytja tónlist sem hún hefur verið að vinna í síðustu vikur. Leikið verður á orgel og gítar.

Aðgangur ókeypis.

KIMI er íslensk-grískur tónlistarhópur búsettur í Kaupmannahöfn. Eftir tónleikahald bæði nyrðra og syðra, lýkur KIMI ferðalagi sínu um Ísland með tónleikum í Dómkirkjunni í Reykjavík.

Efnisskráin er afar fjölbreytt og samanstendur að stórum hluta af verkum sömdum sérstaklega fyrir hópinn og einstaka hljóðfærasamsetningu hans, harmóníku, slagverk og söng. Þar má nefna verk eftir íslenska tónskáldið Finn Karlsson, hinn gríska Christos Farmakis og hinn breska Nick Martin. Að auki munu þau flytja íslensk og grísk þjóðlög í eigin útsetningum, ásamt nýlega uppgötvuðu verki eftir Atla Heimi Sveinsson.
-
Miðar verða seldir við inngang
2.000 kr. / 1.500 kr. fyrir nemendur og eldri borgara