Dómkirkjan

Á sunnudaginn kveikjum við á fjórða og síðasta kertinu á aðventukransinum, en fjórða kertið ber heitið Englakertið og vísar til englanna sem birtust á jólanótt og sögðu frá því að Jésús væri fæddur.

Ásta og Binni hafa gefið Dómkirkjunni fagra aðventukransa um hver jól í rúm þrjátíu ár. Hjartans þakkir elsku hjón!

Á sunnudaginn er messa klukkan 11.00. Prestur séra Sveinn Valgeirsson, Guðmundur Sigurðsson organisti og Dómkórinn. Komið fagnandi!

Þriðjudagur 13. desember kl. 9. 15 tíðasöngut. Bænastund kl. 12.00. Athugið Bach tónleikarnir falla niður, einnig 20. desember.

Á sunnudaginn sem er þriðji sunnudagur í aðventu er messa klukkan 11.00, prestur séra Elínborg Sturludóttir, Guðmundur Sigurðsson organisti og Dómkórinn.

Eftir messuna verður boðið upp á góðgerðarmorgunverð í Safnaðarheimilinu til styrktar Hjálparstarfi kirkjunnar sem styður við fátækar fjölskyldur fyrir jólin.

Klukkan 14.00 er norsk messa, séra Þorvaldur Víðisson, Kári Þormar og félgar úr Dómkórnum leiða sönginn.

Jólafundur hjá kirkjunefnd kvenna Dómkirkjunnar mánudagskvöld.

Á þriðjudaginn er tíðasöngur kl. 9. 15 bæna-og kyrrðarstund kl. 12.00-12.30 súpa í safnaðarheimilinu.

Bach tónleikar Ólafs Elíassonar kl. 20.-20.30.

Á miðvikudaginn er tíðasöngur kl. 9. 15 og örganga klukkan 18.00. Á fimmtudaginn er kvöldkirkjan kl. 20.00-22.00.

Finnur þú fyrir óróleika, áhyggjum eða kvíða? Viltu dýpka trúarupplifun þína eða upplifa eitthvað nýtt í helgu rými? Þá gæti KVÖLDKIRKJAN verið eitthvað fyrir þig.

Undursamlega heilandi tónheimur, dýnur og koddar og grjónapúðar sem hægt er að leggjast á og slaka á.

Kl. 20 og 21 verða hugleiðingar og svo er hægt að hvíla í rýminu og hugleiða, biðja eða slaka bara á og njóta þess að vera.

Á föstudagskvöldið eru tónleikar klukkan 20.30.

Sycamore Tree heldur hátíðartónleika. Tónleikarnir verða hinir glæsilegustu þar sem Ágústa Eva og Gunni Hilmars munu ásamt fríðum flokki spila nýju plötuna sína Colors.

Á sunnudaginn er messa klukkan 11.00 séra Elínborg Sturludóttir, Guðmundur Sigurðsson organisti og Dómkórinn.

Norsk messa er klukkan 14.00 séra Þorvaldur Víðisson og Kári Þormar organisti. Verið velkomin í Dómkirkjuna.

Jólaplatan Bráðum koma blessuð jólin er afrakstur samstarfs Kristins Svavarssonar saxófónleikara og Hörpu Þorvaldsdóttur píanóleikara og söngkonu en þau störfuðu bæði við Laugarnesskóla í Reykjavík. Á aðventunni léku þau jólalög á einskonar örtónleikum milli 8:15 – 8:30 alla skóladaga á aðventunni og fundu fljótt fyrir því að nemendur, starfsfólk og foreldrar kunnu vel að meta.

Jólalög frá hinum ýmsu löndum í fallegum útsetningum þeirra fanga hátíðlega stemmningu sem lætur engan ósnortinn.

Guðfinna Ragnarsdóttir ritstjóri kynnir fyrir okkur nýútkomna bók sína Á vori lífsins og fær til þess með sér þrjá ömmustráka sem fara á kostum með ömmu sinni. Guðfinna fæddist í Tobbukoti við Skólavörðustíg og fluttist síðar í Laugarneshverfið. Hún lýsir með lifandi hætti æskuárum sínum á Hofteigi, fjörmiklum ungdómsárum í menntaskóla og bregður upp eftirminnilegum myndum af mannlífi á Íslandi upp úr miðri síðustu öld. Hlökkum til að heyra. Heitt súkkulaði með rjóma, vöfflur og smákökur og gott samfélag. Verið velkomin fimmtudaginn 24. nóvember klukkan 13.00 í safnaðarheimilið, Lækjargötu 14a.