Dómkirkjan

Séra Sveinn verður með áhugavert erindi í Opna húsinu 9. nóvember klukkan 13.00-14.30. Gott með kaffinu. Sjáumst í Lækjargötu 14a.

Laufey Böðvarsdóttir, 8/11 2023

Kvöldkirkjan 9. nóvember frá kl. 20.00-22.00

Kvöldkirkjan er óhefðbundin stund að formi og innihaldi. Andrúmsloftið er óformlegt og afslappað. Lýsing, tónlist og stuttar íhuganir blandast við alltumliggjandi kyrrð og ró rýmisins. Við bjóðum þér að hugleiða, biðja, kveikja á kertum, fara á milli mismunandi stöðva í kirkjunni, skrifa niður hugsanir þínar eða bænir eða bara sitja í bekkjunum eða hvílast á dýnum í kirkjunni.

Kvöldkirkjan er samstarfsverkefni Hallgrímskirkju og Dómkirkjunnar í Reykjavík. Í boði eru tvær stundir í mánuði, ein í hvorri kirkju, frá lokum september til loka apríl.

Af hverju kvöldkirkja og hvert er markmiðið?
Tilgangur kvöldkirkjunnar er að opna trúarheiminn fyrir fólki, sem finnur sig ekki í venjulegu helgihaldi dagkirkjunnar. Kvöldkirkjan er öðru vísi en hefðbundið helgihald. Fólk er ekki bundið við kirkjubekkina, heldur getur hreyft sig um kirkjurýmið setst niður eða lagst.

Hvað einkennir kvöldkirkjuna?
Kyrrð, ró og íhugun ásamt óhefðbundinni tónlist fyrir kirkju, eru helstu einkenni kvöldkirkjunnar. Í kvöldkirkjunni er slökkt á símanum og samtölin eru látin bíða þar til út er komið. Lesinn texti er á hálfímta fresti og tónlistarflutningur stiður við íhugun og slökun. Öllum er frjálst að ganga hljóðlega um kirkjuna, setjast eða liggja í kirkjubekkjunum eða á dýnum á gólfinu, kveikja á kertum, færa sig á milli stöðva og skrifa það sem þeim liggur á hjarta á miða og setja í körfur.

Dómkirkjan í Reykjavík:
9. nóvember
7. desember

Hallgrímskirkja:

30. nóvember
28. desember

–ENGLISH–

The evening church is an unconventional time in form and content. The atmosphere is informal and relaxed. Lighting, music and short reflections intertwine with the stillness and tranquility of the space. We invite you to meditate, pray, light candles, move between different stations in the church, write down your thoughts or prayers or just sit in the pews or rest on the mattresses in the church.

The Evening Church is a project of Hallgrímskirkja and Reykjavík Cathedral.

Why evening church and what is the goal?
The purpose of the evening church is to open the world of religion to people who do not find themselves in the normal liturgy of the daytime church. The evening church is different from the traditional church services that people have experienced. People are not confined to the pews, but have the space to walk around the church sit or lie down.

What characterizes the evening church?
Quietness, calmness and contemplation, together with non-traditional music for church, are the main characteristics of the evening church. In the evening church, the phone is switched off and the conversations are put on hold until outside. A text is read every half hour, and music is specially for contemplation and relaxation. Everyone is free to walk quietly around the church, sit or lie in the pews or on mattresses on the floor, light candles, move between stations and write down thoughts or prayers put them in baskets.

The Evening Church 2023
@ 20.00-22.00

The Reykjavík Cathedral:
9th of November
7th of December

Hallgrímskirkja:
30th of November
28th of December

Laufey Böðvarsdóttir, 7/11 2023

Vikan framundan:

Þriðjudagur tíðasöngur kl. 9. 15. Bænastund kl. 12 og Bach tónleikar kl. 20.00.

Miðvikudagur tíðasöngur kl. 9. 15 og örganga kl. 18.00.

Fimmtudagur tíðasöngur kl. 9. 15 og kl. 17.00. Opna húsið kl. 13.00. Séra Sveinn Valgeirsson mun halda fróðlegt erindi. Kaffi og góðar veitingar. Kvöldkirkjan klukkan 20.00-22.00.

Sunnudagur messa klukkan 11.00.

Verið velkomin í samfélagið í Dómkirkjunni!

Laufey Böðvarsdóttir, 7/11 2023

Láttu rödd þína hljóma!

Sálmabandið mun leika á hljóðfæri sín í Dómkirkjunni í Reykjavík frá kl. 17.00-18.00 laugardaginn 4. nóvember

Þar munum við syngja saman sálma úr nýju sálmabókinni.
Sálmabandið er skipað úrvals tónlistarfólki.
Ása Briem, sem leikur á harmonikku, Jón Ívars og Sigmundur Sigurðarson sem leika á gítara, sr. Sveinn Valgeirsson leikur á kontrabassa og Telma Rós Sigfúsdóttir á víólu.
Hlökkum til að sjá ykkur og eiga skemmtilega stund saman með söng og gleði.

Laufey Böðvarsdóttir, 3/11 2023

Kæru vinir! Vinsamlega athugið að opna húsið verður ekki hjá okkur á fimmtudaginn eing og venjan er. Þess í stað þiggjum við heimboð í Seltjarnarneskirkju á morgun, þriðjudag kl. 12.30. Hittumst þar!

Bænastundin verður á morgun klukkan 12.00 en ekki matur og samvera í safnaðarheimilinu eftir stundina, þar sem við erum boðin í Seltjarnarneskirkju kl. 12.30.

Laufey Böðvarsdóttir, 30/10 2023

Í opna húsinu á fimmtudaginn les Ástbjörn Egilsson úr bók eftir Jóhannes Bergsveinsson geðlækni. Jóhannes heitinn mætti alltaf til okkar í Opna húsinu, ljúfur og kátur. Í þessari hugljúfu og bráðskemmtilegu bók segir Jóhannes litlar sögur frá síðustu öld þegar hann var drengur og dvaldi á sumrin í Hvallátrum á Breiðafirði . Opna húsið er á fimmtudaginn klukkan 13.00-14.30. Kaffi, meðlæti og gott samfélag.

Laufey Böðvarsdóttir, 25/10 2023

Vers vikunnar: Lát ekki hið illa sigra þig en sigra þú illt með góðu. (Róm 12.21) Messa sunnudaginn 29. október klukkan 11.00 séra Jón Ásgeir Sigurvinsson, Guðmundur Sigurðsson og Dómkórinn. Verið hjartanlega velkomin!

Laufey Böðvarsdóttir, 25/10 2023

Gleðidagur í Dómkirkjunni! Mag. theol. Daníel Ágúst Gautason var vígður sem æskulýðsprestur Grensáskirkju og Fossvogsprestakalls. Megi Drottin blessa séra Daníel Ágúst í lífi og starfi.

Laufey Böðvarsdóttir, 23/10 2023

Kæru vinir, okkur er boðið í Áskirkju fimmtudaginn 19. október hittumst þar klukkan 13.00. Verið velkomin þangað!

Laufey Böðvarsdóttir, 18/10 2023

Prestvígsla klukkan 11.00 sunnudaginn 22. október

Agnes M. Sigurðardóttir biskup Íslands vígir Daníel Ágúst Gautason. Sr. Helga Soffía Konráðsdóttir prófastur lýsir vígslu og vígsluvottar er sr. María Guðrúnardóttir Ágústsdóttir, sr. Eva Björk Valdimarsdóttir, sr. Pálmi Matthíasson, sr. Guðný Hallgrímsdóttir og sr. Sveinn Valgeirsson þjónar fyrir altari. Dómkórinn og organisti er Matthías Harðarson. Verið hjartanlega velkomin.

Laufey Böðvarsdóttir, 17/10 2023