Dómkirkjan

Alltaf gott að koma í kyrrðar-og bænastund í hádeginu á þriðjudögum. Létt máltíð í safnaðarheimilinu. Öll þriðjudagskvöld eru Bach tónleikar Ólafs Elíassonar kl. 20.00-20.30. Verið hjartanlega velkomin!

Laufey Böðvarsdóttir, 7/5 2024

Dýrmætir Dómkirkjuvinir á fallegum degi. Verið velkomin til messu á sunnudaginn klukkan 11.00. Séra Sveinn prédikar og þjónar fyrir altari, Guðmundur leikur á orgelið og Dómkórinn leiðir safnaðarsönginn.

Laufey Böðvarsdóttir, 1/5 2024

Sunnudaginn 5. maí kl. 11.00 er messa.

Messa kl. 11.00 séra Sveinn Valgeirsson prédikar og þjónar fyrir altari. Guðmundur Sigurðsson dómorganisti og Dómkórinn. Verið velkomin í Dómkirkjuna.

Laufey Böðvarsdóttir, 1/5 2024

Bænastund og Bach!

Alla þriðjudaga er bæna-og kyrrðarstund í hádeginu í Dómkirkjunni. Eftir stundina er létt máltíð í safnðarheimilinu og góð samvera. Öll þriðjudagskvöld klukkan 20.00-20.30 eru Bach tónleikar Ólafs Elíassonar í Dómkirkjunni. Verið hjartanlega velkomin!

Laufey Böðvarsdóttir, 29/4 2024

Vorið kemur, heimur hlýnar, hjartað mitt !

Gleðilegt sumar kæru vinir og eins og segir í kvæðinu;

vorið kemur, heimur hlýnar, hjartað mitt !

Verið velkomin til messu í Dómkirkjunni á sunnudaginn klukkan 11.00. Séra Elínborg, Guðmundur dómorganisti og Dómkórinn leiðir sönginn.

Fimmtudaginn 16. maí er vorferðin okkar áætluð, hugmyndin er að heimsækja Bakkastofuhjónin; Ástu Kristrúnu og Valgeir Guðjónsson. Þar sem söngur og gleði eru við völd og fallega lagið hans Valgeirs við texta Jóhannesar úr Kötlu verður eflaust sungið.

Sunnan yfir sæinn breiða

sumarylinn vindar leiða.

Draumalandið himinheiða

hlær – og opnar skautið sitt.

Vorið kemur, heimur hlýnar,

hjartað mitt !

Gakk þú út í græna lundinn,

gáðu fram á bláu sundin.

Mundu, að það er stutt hver stundin,

stopult jarðneskt yndi þitt.

Vorið kemur, heimur hlýnar,

hjartað mitt !