Dómkirkjan

Sr. Karl Sigurbjörnsson, biskup leiðir bænastundina á morgun 21. janúar.
Að bænastund lokinni er boðið upp á léttan hádegisverð í safnaðarheimilinu, Lækjargötu 14a.
Stundin er öllum opin og er góður vettvangur til samfélags og fyrirbæna. Fyrirbænir má senda á netfangið domkirkjan@domkirkjan.is eða í síma 520-9700.
Góð samvera með góðu fólki, verið velkomin.

Nú er komið að því, prjónakaffi á nýju ári þriðjudagskvöldið 28. janúar kl. 19:00.
Súpa og kaffi á góðu verði.
Allir velkomnir, karlar, konur, ungir sem aldnir. Það þarf ekki að hafa neitt á prjónunum, bara mæta, því maður er manns gaman ;-)
Hjartanlega velkomin.

Sunnudaginn, 19. janúar messa kl. 11 sr Anna Sigríður Pálsdóttir prédikar og þjónar fyrir altari. Dómkórinn og organisti er Kári Þormar. Sunnudagaskóli á kirkjuloftinu á sama tíma í umsjón Sigurðar Jóns og Ólafs Jóns. Fermingarbörn og foreldrum/forráðamönnum þeirra sérstaklega boðin. Börnin munu taka virkan þátt í messunni, taka á móti kirkjugestum og lesa lestra dagsins. Eftir messu verður fundur með fermingarbörnunum og foreldrum í safnaðarheimilinu Þar verður rætt um væntanlegar fermingar og málefni unglinganna og séra Anna Sigríður Pálsdóttir, mun fjalla um meðvirkni.

Æðruleysismessa kl. 20 sr Anna Sigríður og sr. Sveinn Valgeirsson þjóna. Ástvaldur Traustason leikur á flygilinn.

Það er hægt að panta minningarkort Líknarsjóðs Dómkirkjunnar með því að hringja í síma 520-9700.

Það verður kátt í safnaðarheimilinu á morgun fimmtudag þegar Opna húsið byrjar aftur eftir jólafrí, vinafundur á nýju ári.
Sr. Karl Sigurbjörnsson, biskup ætlar að segja okkur áhugaverðar og skemmtilegar sögur. Daddý verður með eitthvað gómsætt með kaffinu, allir hjartanlega velkomnir.

Nú eru aftur fáanleg hálsmen með Dómkirkjukrossinum. Kross þessi tengir þann sem hann ber við eitt helgasta altari kristinnar kirkju á Íslandi, helgað bænum kynslóðanna sem hafa komið í Dómkirkjuna í áranna rás.
Allur ágóði af sölu þessa kross rennur í Hjálparsjóð Dómkirkjunnar.
Nánari upplýsingar gefur Laufey í síma 520-9702 eða 898-9703.

Á morgun er bænastund kl. 12:10. Að bænastund lokinni er boðið upp á léttan hádegisverð í safnaðarheimilinu. Stundin er öllum opin og er góður vettvangur til samfélags og fyrirbæna. Fyrirbænir má senda á netfangið domkirkjan@domkirkjan.is eða í síma 520-9700. Góð samvera með góðu fólki, verið velkomin.

Á morgun, 13. janúar, hefst Ungdóm (Unglingastarf Dómkirkjunnar) að nýju eftir stutt jólafrí. Ungdóm-samverur eru einu sinni í viku í safnaðarheimilinu, Lækjargötu 14a kl. 19:30-21:00 og eru skemmtileg blanda af leikjum og hressri dagskrá sem endar með stuttri helgistund. Allir krakkar í 8.-10. bekk eru velkomnir en á morgun verður actionarykvöld Dagskrá vorsins er að finna hér: http://ungdomkirkjan.wordpress.com/dagskra/
Óli Jón og Siggi Jón

Kannski er maður kominn aðeins úr æfingu svo þetta er ágæt upprifjun,« segir Karl Sigurbjörnsson, nú prestur við Dómkirkjuna.
»Fyrirvarinn að þessu var skammur en ég ákvað að slá til. Það er gaman að sinna almennri þjónustu að nýju og þeim fjölbreyttu verkefnum sem því fylgja,« segir sr. Karl Sigurbjörnsson biskup. Hann er nú prestur við Dómkirkjuna í Reykjavík og verður út febrúar. Með þessu fyllir hann skarð sr. Hjálmars Jónssonar sem er í veikindaleyfi.
»Þetta er allur pakkinn og maður hreinlega yngist upp í störfum með þessu góða fólki hér,« segir Karl sem ásamt sr. Önnu Sigríði Pálsdóttur sinnir messuhaldi, jarðarförum og öðrum prestsverkum. Einnig fermingarfræðslu, en rúmlega tuttugu börn ganga til spurninga hjá dómkirkjuprestunum í vetur.
Hálft annað ár er síðan Karl lét af embætti biskups Íslands, sem hann gegndi í fjórtán ár. Á þeim árum kveðst hann alltaf hafa sinnt prestsverkum í einhverjum mæli, svo sem fyrir vini og fjölskyldu. »Kannski er maður kominn aðeins úr æfingu svo þetta er ágæt upprifjun,« segir Karl. sbs@mbl.is