Dómkirkjan

Sunnudaginn 8. desember kl. 16:00
Drengjakór Þorfinnsbræðra, Breiðfirðingakórinn, Kammerkór Reykjavíkur, Karlakórinn Stefnir og Sönghópinn Boudoir. Miðaverð 1.500 Frítt fyrir ellilífeyrisþega og öryrkja, börn undir 12 ára og nemendur tónlistarskóla sem framvísa nemendaskírteini.

Sunnudaginn 8. desember nk. kl. 14 mun biskup Íslands vígja, í Dómkirkjunni, mag. theol. Pál Ágúst Ólafsson til sóknarprestsþjónustu í Staðastaðarprestakalli og héraðsprestsþjónustu í Vesturlandsprófastsdæmi.

Vígsluvottar eru eftirtaldir:
Séra Þorbjörn Hlynur Árnason prófastur Vesturlandsprófatsdæmis, sem lýsir vígslu.
Séra Helga Soffía Konráðsdóttir, sóknarprestur Háteigskirkju.
Magnea Sverrisdóttir djákni.
Séra Guðni Már Harðarson, prestur í Lindakirkju.
Sigrún H. Guðmundsdóttir, formaður sóknarnefndar Búðasóknar Staðastaðarprestakalli.

Séra Hjálmar Jónsson, sóknarprestur Dómkirkjunnar, þjónar fyrir altari.

Tónleikahald á aðventu í Dómkirkjunni

Sunnudaginn 8. desember kl. 16:00
Drengjakór Þorfinnsbræðra, Breiðfirðingakórinn, Kammerkór Reykjavíkur, Karlakórinn Stefnir og Sönghópinn Boudoir. Miðaverð 1.500

Þriðjudaginn 10. desember kl.20 Kvennakór Háskóla Íslands flytur verkið Ceremony of Carols eftir Benjamin Britten ásamt hörpuleikarnum Shophie Schoonjans undir stjórn Margrétar Bóasdóttur . Einnig jóla- og aðventulög. Einsöngvarar: Auður Örlygsdóttir, Halla Dröfn Jónsdóttir, Steinunn G. Ágústsdóttir, Anna Sólveig Árnadóttir og Elísa G. Brynjólfsdóttir. Miðaverð 1.000

Miðvikudaginn 11. desember kl. 12:15, Hallveig Rúnarsdóttir sópransöngkona, Hafdís Vigfúsdóttir flautuleikari, Kristján Kári Bragason píanóleikari og Grímur Helgason klarínettuleikari flytja tónlist sem tengjast jólum og aðventu á hádegistónleikum.

Miðvikudaginn 18. desember kl. 20:00. Tónlistarskólinn í Reykjavík býður til tónleika í Dómkirkjunni. Nemendur Tónlistarskólans munu leika fjölbreytta og hátíðlega efnisskrá, fram koma meðal annars strengjasveit skólans, klarínettukór, flautukór og brass sveit. Vilvaldi verður í lykilhlutverki á tónleikunum og leikin verður meðal annars fagottkonsert RV 495 eftir Vivaldi á bassaklarínett og Conserto Grosso í d-moll fyrir strengjasveit. Aðgangur er ókeypis og allir velkomnir.

Fimmudaginn 19. desember Jólatónleikar Dómkórsins undir stjórn Kára Þormars kl. 22:00 frítt inn.

Sunnudaginn 22.desember Mozart við kertaljós.
Kammerhópurinn Camerarctica heldur sína árlegu kertaljósatónleika í kirkjum nú rétt fyrir jólin og verða tónleikarnir í Dómkirkjunni sunnudagskvöldið 22.des kl.21.00. Hópurinn hefur leikið ljúfa tónlist eftir Mozart við kertaljós í tuttugu ár og þykir mörgum ómissandi að koma úr miðri jólaösinni inn í kyrrðina og kertaljósin í rökkrinu.
Hópinn skipa að þessu sinni þau Ármann Helgason, klarinettuleikari, Gunnhildur Daðadóttir og Rannveig Marta Sarc fiðluleikarar, Svava Bernharðsdóttir, víóluleikari og Sigurður Halldórsson, sellóleikari en gestur á tónleikunum er Ingibjörg Guðjónsdóttir söngkona og einnig koma fram tveir drengir úr Drengjakór Reykjavíkur þeir Tryggvi Pétur Ármannsson og Benedikt Gylfason
Í ár verða leikin eftirfarandi verk eftir Wolfgang Amadeus Mozart: Divertimento kv.136 fyrir strengi, klarinettukvartett kv.378 og klarinettukvintettþáttur kv.516c, tvær aríur þ.e Laudate Dominum og Parto,Parto og að venju lýkur tónleikunum á því að Camerarctica leikur jólasálminn góða” Í dag er glatt í döprum hjörtum”, sem er úr Töfraflautunni eftir Mozart
Tónleikarnir eru klukkustundarlangir og hefjast allir klukkan 21.00. Aðgangseyrir er kr. 2500, og kr. 1500 fyrir nemendur og eldri borgara.. Frítt er inn fyrir börn. Miðasala við innganginn.

Það verður líf og fjör í fjölskyldumessunni sunnudaginn 8. desember. Sr. Anna Sigríður og æskulýðsleiðtogarnir Ólafur Jón og Sigurður Jón leiða stundina. Sunnudagaskólinn og fermingarbörnin verða með og Högni Gunnar Högnason, 11 ára sellónemandi, leikur á sellóið sitt við undirleik afabróður síns Odds Björnsson. Messukaffi í safnaðarheimilinu á eftir.

Biskup Íslands, frú Agnes M. Sigurðardóttir flytur hugvekju, sr. Hjálmar Jónsson og sr. Anna Sigríður Pálsdóttir þjóna.
Strengjasveitinn Spiccato leikur Concerto grosso eftir Arcangelo Corelli.
Strengjasveitina skipa:
á fiðlu – Ágústa Jónsdóttir, Gunnhildur Daðadóttir, Hlíf Sigurjónsdóttir, Martin Frewer, Sigurlaug Eðvaldsdóttir
á violu – Sesselja Halldórsdóttir, Kathryn Harrison
á cello – Ólöf Sesselja Óskarsdóttir, Ólöf Sigursveinsdóttir.
Dómkórinn og organisti er Kári Þormar.
Heimabakaðar smákökur og kaffi í safnaðarheimilinu.

Fyrsta sunnudag í aðventu, 1 desember verður messa kl.11 þar sem sr. Hjálmar Jónsson prédikar og þjónar fyrir altari. Sunnudagaskólinn verður á kirkjuloftinu á sama tíma í umsjón Ólafs Jóns og Sigurðar Jóns. Dómkórinn syngur og organisti er Kári Þormar. Sænsk messa kl. 14 sr. Anna Sigríður Pálsdótttir prédikar og þjónar fyrir altari. Biskup Íslands, Agnes M. Sigurðardóttir flytur hugvekju á aðventukvöldi Dómkirkjunnar kl. 20.00.

Í opna húsinu í dag stjórnar Ástbjörn bingó eins og honum er einum lagið. Hlökkum til að sjá ykkur.

Kirkjunefnd kvenna Dómkirkjunnar stendur fyrir prjónakvöldi kl. 19 í safnaðarheimilinu, þriðjudagskvöldið 26. nóvember, súpa, kaffi og smákökur.
Gestur okkar verður Guðni Ágústsson, fyrrverandi ráðherra. Hann mun lesa úr nýútkominni bók sinni. Allir velkomnir, karlar, konur, ungir sem aldnir. Það þarf ekki að hafa neitt á prjónunum, bara mæta, því maður er manns gaman ;-)
Hjartanlega velkomin.

Bíóferð Ungdóm
Næsta sunnudag ætlar Ungdóm að skella sér í bíó! Sýningin sem orðið hefur fyrir valinu er Hunger Games 2, kl. 14 í Háskólabíó.
Öll fermingarbörnin eru jafnframt hvött til þess að mæta í messu/ sunnudagaskóla kl.11. Að svo búnu (kl.12:10) verður þeim boðið upp á léttan hádegisverð í safnaðarheimilinu. Fram að brottför verður undirbúin helgileikur fermingarbarna sem sýndur verður í fjölskylduguðþjónustu þann 8. desember. Myndin er búin um kl. 16:40. og þá er dagskrá lokið. Engin Ungdóm-samvera verður á mánudagskvöld þar sem Hagaskóli er að keppa í Skrekk.

Kær kveðja
Óli Jón og Siggi Jón

Messa kl. 11, sr. Hjálmar Jónsson prédikar og þjónar fyrir altari Sunnudagaskóli á kirkjuloftinu á sama tíma í umsjón Ólafs Jóns og Sigurðar.
Ung stúlka, Erla Hafrún Guðjónsdóttir leikur á fiðlu. Dómkórinn syngur og organisti er Kári Þormar.
Kolaportsmessa kl. 14, sr. Hjálmar Jónsson og Ragnhildur Ásgeirsdóttir djákni. Þorvaldur Halldórsson og Margrét sjá um tónlistina.