Dómkirkjan

Séra Karl Sigurbjörnsson, biskup prédikar og þjónar fyrir altari. Einar Gottskálksson les upphafsbæn. Skemmtilegt og fræðandi barnastarf á kirkjuloftinu á sama tíma í umsjón Ólafs Jóns og Sigurðar Jóns.
Karlakór KFUM syngur undir stjórn Laufeyjar Geirlaugsdóttir. Sigurbjörn Þorkelsson og Elísa Schram lesa ritningarlestrana. Daníel Steingrímsson, Áslaug Haraldsdóttir og Kristín Bjarnadóttir lesa almenna kirkjubæn. Messukaffi.

Eyþór Fransson Wecner lék listavel á orgelið í Dómkirkjunni í gær. Tónkistardagar Dómkirkjunnar halda áfram, í kvöld eru það Diddú og Jónas Ingimundarson. Verið velkomin

Mist Þrastardóttir, Geir. R. Tómasson og séra Sveinn Valgeirsson.

Við allra heilagra messu í gær í Dómkirkjunni lásu Mist Þrastardóttir og Geir R. Tómasson ritningarlestrana, fulltrúar elstu og yngstu kynslóðanna. Mist mun fermast næsta vor, en Geir sem er 98 ára var fermdur af séra Bjarna Jónssyni í Dómkirkjunni árið 1930. Tónlistardagar Dómkirkjunnar hófust í gær og í messunni voru frumflutt tónverk ungra tónskálda, verkin “Sálmur 100″ eftir Ásbjörgu Jónsdóttur og “Treystu Drottni” eftir Soffíu Björg Óðinsdóttur. Hin aldna dómkirkja er býður ætíð unga sem aldna velkomna

Slóðin: http://ruv.is/sarpurinn/gudsthjonusta-i-domkirkjunni-i-reykjavik/02112014

Séra Þórir Stephensen, fyrrum dómkirkjuprestur prédikar í Mosfellskirkju í  Grímsnesi sunnudaginn 2. nóvember kl. 14.

Afi Þóris Stefán Stephensen þjónaði þar  á árum áður.

Það er margt á döfinni hjá okkur í Dómkirkjunni. Á morgun fáum við konur úr kvenfélagi Laugdæla í heimsókn, það verður ánægjulegt að fá góða gesti austan úr sveitum. Séra Karl Sigurbjörnsson, biskup ætlar að sýna gestunum kirkjuna og segja sögur.
Á sunnudag er messa kl.11 og upphaf tónlistardaga Dómkirkjunnar. Séra Sveinn Valgeirsson prédikar og þjónar fyrir altari. Ritningarlestrana lesa þau Mist Þrastardóttir og Geir R. Tómasson. Dómkórinn og organisti er Kári Þormar, á básúnur leika Einar Jónsson og Guðmundur Vilhjálmsson og á trompet Jóhann Stefánsson og Óðinn Melsted. Barnastarfið á kirkjuloftinu á sama tíma í umsjón Ólafs Jóns og Sigurðar Jóns.
Frumflutt verða verkin Davíðssálmur 100 eftir Ásbjörgu Jónsdóttur og Treystu Drottni eftir Soffíu Björgu Óðinsdóttir.
Á sunnudagskvöldið kl. 20 flytur Dómkórinn Requiem eftir franska tónskáldið Gabriel Fauré, ásamt smáverki hans Cantique de Jean Racine.
Einsöngvarar: Fjölnir Ólafsson, barítón, og Hallveig Rúnarsdóttir, sópran.
Orgel: Lenka Mátéová
Stjórnandi: Kári Þormar
Miðaverð: 3000 kr. / 2.500 kr. í forsölu hjá kórfélögum.

2. nóvember kl.11

Hátíðarmessa í Dómkirkjunni

2. nóvember kl. 20

Tónleikar í Neskirkju

Dómkórinn í Reykjavík flytur Requiem eftir G.Fauré

Einsöngvarar: Fjölnir Ólafsson og Hallveig Rúnarsdóttir

Orgel: Lenka Mateóva

Stjórnandi: Kári Þormar

3. nóvember kl. 20

Orgeltónleikar í Dómkirkjunni

Eyþór Franzson Wechner

4. nóvember kl. 20

Einsöngstónleikar

Sigrún Hjálmtýsdóttir og Jónas Ingimundarson

9.nóvember kl.11

Messa

9.nóvember kl.17

Brass og orgel

Jóhann Stefánsson, trompet

Óðinn Melsted, trompet

Einar Jónsson, básúna

Guðmundur Vilhjálmsson, básúna

Kári Þormar, orgel

12.nóvember kl. 20

Lokatónleikar

Frumflutningur á 6 nýjum íslenskum verkum eftir:

Árna Berg Zoëga

Ásbjörgu Jónsdóttur

Bergrúnu Snæbjörnsdóttur

Georg Kára Hilmarsson

Soffíu Björgu Óðinsdóttur

Örn Ými Arason

Flytjendur eru: Dómkórinn í Reykjavík

Stjórnandi Kári þormar

Frumflutningur á Stabat Mater eftir JónasTómasson

Hanna Dóra Sturludóttir, messósópran

Ármann Helgason, klarinett

Kjartan Óskarsson, klarinett

Sigurður Snorrason, klarinett

Styrktaraðilar: Tónmenntasjóður Kirkjunnar

Sunnudaginn 2. nóvember kl. 20 flytur Dómkórinn í Reykjavík hið ástsæla Requiem franska tónskáldsins Gabriel Fauré. Tónleikarnir, sem verða í Neskirkju, eru hluti af Tónlistardögum Dómkirkjunnar 2014, en þeir standa frá 2. til 12. nóvember. Að auki flytur kórinn smáverkið Cantique de Jean Racine sem er einnig eftir Fauré.

Á tónleikunum mun kórinn syngja undir stjórn Kára Þormar dómorganista. Á orgelið leikur Lenka Mátéová en söngvarar eru Hallveig Rúnarsdóttir sópran og Fjölnir Ólafsson barítón. Hallveig hlaut Íslensku tónlistarverðlaunin 2013 sem söngkona ársins og hefur Fjölnir unnið til fjölda verðlauna erlendis þrátt fyrir ungan aldur.