Dómkirkjan

Í dag fimmtudag fáum við góðan gest í Opna Húsið, en það er Borghildur Fenger fyrrverandi formaður Hringsins. Verið velkomin, kaffi, kökur og gott samfélag. Opna húsið er frá 13:30-15:30 í Safnaðarheimilinu.

Laufey Böðvarsdóttir, 12/3 2015

Samtal um trú í kvöld, miðvikudagskvöld í Safnaðarheimili Dómkirkjunnar kl. 18- 20.30. Að þessu sinni innleiðir Karl biskup samtal um krossinn og upprisuna. Allir hjartanlega velkomnir til að njóta góðrar samveru og gefandi samtals. Létt máltíð og kaffi.

Laufey Böðvarsdóttir, 11/3 2015

Kæru foreldrar/forráðamenn femingarbarna Því miður verðum við að fella niður Ungdóm í Kvöld vegna veðurs og því verður ekki Laser tag þennan þriðjudag. En ekki örvænta því við förum í Laser tag næsta þriðjudag 17.mars klukkan 19:30 endilega látið það berast áfram

Laufey Böðvarsdóttir, 10/3 2015

Minni á bæna-og kyrrðarstundina í dag, þriðjudag kl. 12:10, létt máltíð í Safnaðarheimilinu að henni lokinni.

Laufey Böðvarsdóttir, 10/3 2015

Hátíðarmessa í tilefni af 85 ára afmæli Kirkjunefndar kvenna Dómkirkjunnar.

Laufey Böðvarsdóttir, 9/3 2015

Samtal um trú heldur áfram í Safnaðarheimili Dómkirkjunnar á miðvikudagskvöldið kemur kl. 18- 20. 30. Að þessu sinni innleiðir Karl biskup samtal um krossinn og upprisuna. Allir hjartanlega velkomnir til að njóta góðrar samveru og gefandi samtals.

Laufey Böðvarsdóttir, 9/3 2015

Kæru femingarbörn,foreldrar og forráðamenn! Á morgun þriðjudag verður Ungdóm með öðru sniði. Safnaðarheimilið verður lokað og læst en í þess í stað ætlum við að hittast í Laser-tag á Salavegi 2, Kópavogi. Við ætlum að spila tvo leiki og hver og einn borgar fyrir sig 1500 kr. Herleigheitin hefjast kl. 19:30 og standa yfir í rúma klukkustund. Við reiknum með að klára fyrir kl. 21.

Laufey Böðvarsdóttir, 9/3 2015

Við messu á sunnudaginn, 8. mars, verður þess minnst að nú í ár eru 85 ár liðin frá stofnun Kirkjunefndar kvenna Dómkirkjunnar. Kirkjunefndarkonur lesa ritningarlestra. Eins og raunin er um kirknakvenfélög um land allt hefur Kirkjunefnd kvenna Dómkirkjunnar frá upphafi vega sinnt prýði helgidómsins, stutt safnaðarstarf og líknarstarf í söfnuðinum með margvíslegu móti. Séra Þórir Stephensen, fyrrverandi dómkirkjuprestur, predikar, séra Sveinn Valgeirsson og Karl Sigurbjörnsson, biskup þjóna fyrir altari. Dómkórinn syngur undir stjórn Kára Þormar. Dagbjört Andrésdóttir syngur einsöng. Messukaffi, verið hjartanlega velkomin.

Laufey Böðvarsdóttir, 6/3 2015

Í dag þriðjudag verður heljarinnar stuð í Ungdóm og farið verður í “minute to win it” keppnir. Góð verðlaun í boði er krýndur verður minute to win it meistari Ungdóm 2015. Ungdóm hefst klukkan 19:30 í kvöld. Kær kveðja, Óli Jón og Siggi Jón

Laufey Böðvarsdóttir, 3/3 2015

Kyrrðardagur í Dómkirkjunni

Laugardaginn, 14. mars er boðið til kyrrðardags í Safnaðarheimili Dómkirkjunnar við Vonarstræti. Karl Sigurbjörnsson, biskup, leiðir kyrrðardaginn, fræðir um Bænabandið og hvernig hægt er að nýta það í uppbyggingu trúar og bænalífs, og stýrir íhugun og bæn.
Stuðst er við bækurnar: Martin Lönnebo: Bænabandið, og: Eva Cronsioe og Thomas Ericson: Vegurinn. Byrjað verður með morgunverði 8.30 og lokið um kl. 16. Eftir hádegi verður gengin verður pílagrímaganga, bænaganga um nágrennið, svo mikilvægt er að búa sig í samræmi við það.
Skráning og nánari upplýsingar: laufey@domkirkjan.is.
Kyrrðardagur, retreat, er hvíldardagur, þar sem við færi gefst að leita inn í hina góðu, umvefjandi kyrrð, sem veitir hjartanu hvíld, og styrkjast í trú og bæn.

Laufey Böðvarsdóttir, 3/3 2015

Þriðjudagur