Dómkirkjan

Góðir gestir að austan í messunni í dag.

Gaman að fá gesti frá Eyrarbakka, Stokkseyri og Gaulverjabæ í messuheimsókn í dag. Kristín las bæn í messubyrjun og Margrét og Þórarinn lásu ritningarlestrana. Frábær söngur og tónlistarfutningur undir stjórn Hauks A Gíslasonar organista, góð predikun sr. Jóns Dalbú Hróbjartsson og skemmtileg samvera í safnaðarheimilinu.

Laufey Böðvarsdóttir, 19/4 2015

Æðruleysismessa í kvöld kl 20.00

Nýtt lag við bæn Gísla á Uppsölum „Gef mér kærleik“ verður flutt af Ásbjörgu Jónsdóttur höfundi þess í æðruleysismessu í Dómkirkjunni sunnudaginn 19. apríl kl. 20.00. Fritz Már Jörgenson predikar, Karl V, Matthíasson leiðir messun og Sveinn Valgeirsson fer með bænina. Ástvaldur Traustason spilar undir söng. Þá syngur Ásbjörg einnig önnur lög.

Að venju mun svo einn úr hópii kirkjugest deila með okkur reynslu sinni. Æðruleysismessurnar eru fullar af gleði, von og bjartsýni. Reynslan sýnir að þessar messur eru mjög uppörvandi og gefandi. Allir eru hjartanlega velkomnir.

Laufey Böðvarsdóttir, 19/4 2015

Eftir dásamlega tónleika Dómkórsins í Laugarneskirkju í vikunni, flugu félagar úr Dómkórnum utan í morgun ásamt Kára Þormar, dómorganista. Dómkórinn mun syngja í kirkju heilags Dóminiks í Lizzabon á laugardaginn. Góða ferð og njótið.

Laufey Böðvarsdóttir, 16/4 2015

Fáum góða gesti frá Eyrarbakkaprestakalli í messuna á sunnudaginn. Minni á æðruleysismessuna kl. 20 á sunnudagskvöld.

Messa kl. 11. Heimsókn frá Eyarabakkaprestakalli.
Séra Jón Dalbú Hróbjartsson settur sóknarprestur í Eyrarbakkaprestakalli prédikar, séra Sveinn Valgeirsson og séra Anna Sigríður Pálsdóttir þjóna fyrir altari. Kórar Stokkseyrar- og Eyrarbakkasókna syngja undir stjórn Hauks A. Gíslasonar organista. Barnastarfið í umsjón Ólafs Jóns og Sigurðar. kaffi og kleinur í Safnaðarheimilinu að messu lokinni. Æðruleysismessa kl. 20. Fritz Már Jörgensson prédikar. Ástvaldur Traustason leikur á flygilinn.

Laufey Böðvarsdóttir, 16/4 2015

Þjóðbúningar og skart

Á morgun, fimmudag verða gestir okkar í Opna húsinu hjónin í Annríki en þau sérhæfa sig í öllu er viðkemur íslenskum þjóðbúningum. .
Ásmundur Kristjánsson er vélvirki og gullsmiður og Guðrún Hildur Rosenkjær er klæðskera- og kjólameistari og sagnfræðinemi.
Sjáumst á morgun, kaffi og vöfflur og skemmtileg samvera.
Opna húsið er frá 13:30-15:30.

Laufey Böðvarsdóttir, 15/4 2015

Sæl öll! Á morgun, þriðjudag verður næst síðasta Ungdóm-samveran á þessum vetri. Við ætlum að skemmta okkur vel saman og ræða um komandi Landsmót 2015 í Vestmanneyjum 23.-25. október nk. Þau sem fóru á Landsmót 2014 þótti það mjög skemmtilegt og hafa þau lýst yfir að þeim langi að fara með næsta haust. Við vekjum athygli á því að Ungdóm er opið fyrir alla unglinga í 8.-10. bekk og þau sem nú sækja starfið hafa sýnt mikinn áhuga á að halda áfram næsta vetur. Við vonum að þið haldið áfram að hvetja börnin ykkar að mæta að sumarfríi loknu. Ps. myndir úr fermingarferð eru komnar inná www.ungdomkirkjan.wordpress.com! — Kær kveðja, Óli Jón og Siggi Jón

Laufey Böðvarsdóttir, 13/4 2015

Aðalfundur Dómkirkjusafnaðarins verður haldinn sunnudaginn 26. apríl.

Aðalsafnaðarfundur
Dómkirkjusafnaðarins verður haldinn sunnudaginn 26. apríl 2015 í Safnaðarheimili Dómkirkjunnar, Lækjargötu 14a og hefst að lokinni messu kl. 12:15.
Fundarefni: Venjuleg aðalfundarstörf:
Önnur mál.
Sóknarnefnd Dómkirkjunnar í Reykjavík.

Laufey Böðvarsdóttir, 13/4 2015

Góð messa í dag, hér má sjá þau Ólaf Jón, Egil og Hildi en þau lásu í dag.

Messuni í dag var útvaroað hér er linkur á hana: http://www.ruv.is/sarpurinn/ras-1/gudsthjonusta-i-domkirkjunni/20150412

Laufey Böðvarsdóttir, 12/4 2015

Dómkórinn í Reykjavík heldur tónleika á morgun, sunnudagskvöld í Laugarneskirkju. Flutt verður margvísleg kirkjutónlist eftir íslensk og erlend tónskáld, gamlar perlur og splunkuný verk. Tónleikarnir eru upptakturinn að kórferð til Lissabon í næstu viku. Miðaverð: 1500 kr.

Laufey Böðvarsdóttir, 11/4 2015

Messa sunnudaginn 12. apríl kl. 11:00. Séra Sveinn Valgeirsson prédikar og þjónar fyrir altari. Dómkórinn syngur undir stjórn Kára Þormar dómorganista. Sunnudagaskólinn á kirkjuloftinu hjá Óla og Sigga. Egill Arnarsson og Hildur Heimisdóttir lesa ritningarlestrana. Ólafur Jón Magnússon les bæn í messubyrjun.
Verið hjartanlega velkomin.

Laufey Böðvarsdóttir, 9/4 2015