Dómkirkjan

2. nóvember kl.11

Hátíðarmessa í Dómkirkjunni

2. nóvember kl. 20

Tónleikar í Neskirkju

Dómkórinn í Reykjavík flytur Requiem eftir G.Fauré

Einsöngvarar: Fjölnir Ólafsson og Hallveig Rúnarsdóttir

Orgel: Lenka Mateóva

Stjórnandi: Kári Þormar

3. nóvember kl. 20

Orgeltónleikar í Dómkirkjunni

Eyþór Franzson Wechner

4. nóvember kl. 20

Einsöngstónleikar

Sigrún Hjálmtýsdóttir og Jónas Ingimundarson

9.nóvember kl.11

Messa

9.nóvember kl.17

Brass og orgel

Jóhann Stefánsson, trompet

Óðinn Melsted, trompet

Einar Jónsson, básúna

Guðmundur Vilhjálmsson, básúna

Kári Þormar, orgel

12.nóvember kl. 20

Lokatónleikar

Frumflutningur á 6 nýjum íslenskum verkum eftir:

Árna Berg Zoëga

Ásbjörgu Jónsdóttur

Bergrúnu Snæbjörnsdóttur

Georg Kára Hilmarsson

Soffíu Björgu Óðinsdóttur

Örn Ými Arason

Flytjendur eru: Dómkórinn í Reykjavík

Stjórnandi Kári þormar

Frumflutningur á Stabat Mater eftir JónasTómasson

Hanna Dóra Sturludóttir, messósópran

Ármann Helgason, klarinett

Kjartan Óskarsson, klarinett

Sigurður Snorrason, klarinett

Styrktaraðilar: Tónmenntasjóður Kirkjunnar

Sunnudaginn 2. nóvember kl. 20 flytur Dómkórinn í Reykjavík hið ástsæla Requiem franska tónskáldsins Gabriel Fauré. Tónleikarnir, sem verða í Neskirkju, eru hluti af Tónlistardögum Dómkirkjunnar 2014, en þeir standa frá 2. til 12. nóvember. Að auki flytur kórinn smáverkið Cantique de Jean Racine sem er einnig eftir Fauré.

Á tónleikunum mun kórinn syngja undir stjórn Kára Þormar dómorganista. Á orgelið leikur Lenka Mátéová en söngvarar eru Hallveig Rúnarsdóttir sópran og Fjölnir Ólafsson barítón. Hallveig hlaut Íslensku tónlistarverðlaunin 2013 sem söngkona ársins og hefur Fjölnir unnið til fjölda verðlauna erlendis þrátt fyrir ungan aldur.

Við messu í Dómkirkjunni sl sunnudag tóku fulltrúar  líffæragjafa og –þega, þátt og færðu þakkir fyrir fyrir þau sem gáfu líf sitt öðrum til lífs og beðið var fyrir þeim og öllum sem standa að líffæragjöfum. Var þetta í tilefni af Líffæragjafadegi, sem haldinn var á laugardaginn, þar sem þetta málefni var kynnt.

Fulltrúi líffæragjafa var Þórunn Guðrún Einarsdóttir, móðursystir Skarphéðins Andra Kristjánssonar, sem lést af afleiðingum bílslyss sl.vetur, 18 ára að aldri.

Hann hafði rætt um það að vilja vera líffæragjafi og einkunnarorð hans allt frá fermingu voru Gullna reglan: „ Allt sem þér viljið að aðrir menn gjöri yður, það skuluð þér og þeim gjöra.“  Síðasta gjöf hans í þessu lífi var í þeim anda.  Fimm einstaklingar hlutu lífgjöf vegna gjafa hans. Og við þökkum þá visku og þekkingu sem gerir þetta mögulegt á okkar tímum og blessum minningu hans og annarra sem hafa verið öðrum lífgjöf.

Fulltrúi líffæraþega við messuna var Kjartan Birgisson sem er formaður áhugafélags um líffæragjafir, „Annað líf“.

Vitnisburður þessa fólks setur okkur öll andspænis spurningunni: Ef ég vildi þiggja vildi ég þá ekki gefa? Ættum við ekki öll að íhuga þá spurningu í ljósi Gullnu reglunnar? Og láta vilja okkar í ljósi. Og sannarlega snýst þetta um það að við erum öll þiggjendur, við gætum ekki lifað án þess að njóta annarra að í því undursamlega samhengi að gefa og þiggja sem lífið er.

Séra Karl Sigurbjörnsson, prédikar og þjónar fyrir altari sunnudaginn 26. október, Dómkórinn og organisti er Kári Þormar. Um barnastarfið á kirkjuloftinu sjá að þessu sinni þær Kristín Rut og Kristín Sigrún, þar sem Ólafur og Sigurður eru fyrir norðan með fermingarbörnunum. Ritnngarlestrana lesa þau Áslaug Haraldsdóttir og Daníel Steingrímsson. Í tilefni af degi Söngskólans syngja þær Kristbjörg Lára Gunnarsdóttir og María Sól Ingólfsdóttir við messuna. í tilefni af líffæragjafadeginum, fyrsta vetrardag, munu fulltrúar líffæragjafa og –þega bera fram þakkir Guði fyrir þau sem gáfu líf sitt öðrum til lífs og beðið verður fyrir þeim og öllum sem standa að líffæragjöfum. Verið hjartanlega velkomin. Kolaportsmessa kl. 14 í Kaffi Porti. Séra Irma Sjöfn Óskarsdóttir, Þorvaldur Halldórsson og Margrét Scheving.

Á morgun fáum við góðan gest í Opna húsið. Það er hann Óskar Jóhannsson fyrrverandi kaupmaður í Sunnubúðinni. Það kom út bók í fyrra með með æskuminningum hans. Í bókinni sagði hann frá bernsku sinni og uppvexti á Vestfjörðum á kreppuárunum og í Reykjavík á heimsstyrjaldarárunum síðari. Það verður gaman að heyra sögur frá þessum tíma. Verið velkomin, Opna húsið er á morgun, fimmtudag frá 13:30- 15:30.

Séra Karl Sigurbjörnsson, prédikar og þjónar fyrir altari sunnudaginn 26. október, Dómkórinn og organisti er Kári Þormar.. Ritnngarlestrana lesa þau Áslaug Haraldsdóttir og Daníel Steingrímsson. Í tilefni af degi Söngskólans syngja þær Kristbjörg Lára Gunnarsdóttir og María Sól Ingólfsdóttir við messuna.

Í kvöld verður lögð lokahönd á leikritið sem við ætlum að sýna á hæfileikakeppninni á Landsmóti. Það er mjög mikilvægt að öll þau sem hafa fengið hlutverk mæti og vonandi mæta allir sem ætla á mótið líka, svo við getum farið yfir dagskrána og hrist hópinn saman. Allar upplýsingar um hvað skal taka með á mótið eru bæklingnum sem þið fenguð.

Kær kveðja,
Óli Jón og Siggi Jón