Dómkirkjan

Dómkórinn heldur tónleika í kvöld í Seltjarnarneskirkju. Þeir eru haldnir í kjölfar ferðar kórsins til Lissabon nú í apríl þar sem hann hélt tónleika í São Domingos kirkjunni. Tónleikarnir tókust vel og var sungið fyrir fullri kirkju sem tekur um 600 manns í sæti.
Efnisskráin á tónleikunum í Seltjarnarneskirkju er sú sama og í Lissabon en á henni er margvísleg kirkjutónlist eftir íslensk og erlend tónskáld, gamlar perlur og splunkuný verk.
Miðaverð: 1500 kr.

Það er ljúft að njóta Bachs á þriðjudagskvöldum í Dómkirkjunni 20:30-21:00.
Píanóleikarinn Ólafur Elíasson leikur nokkrar af 48 prelódíum og fúgum Bachs á flygilinn í Dómkirkjunni öll þriðjudagskvöld.
Aðgangur ókeypis.
Ólafur var nemandi Rögnvaldar Sigurjónssonar píanóleikara á Íslandi en stundaði framhaldsnám fyrst í París hjá hinum heimsþekkta píanóleikara Vlado Perlemuter og síðar í Englandi, m.a. við konunglega tónlistarháskólann í London (Royal Academy of Music) þar sem hann lauk einleikaraprófi 1994.
Hægt er að hlusta á upptökur með píanóleik Ólafs á Soundcloud:

Síðasta prjónakvöld vetrarins í kvöld kl. 19:00 í Safnaðarheimilinu, Lækjargötu 14a. Séra Þórir Stephensen fyrrverandi dómkirkjuprestur ætlar að segja nokkrar gamansögur.
Nokkrar konur standa að prjónakvöldunum mánaðarlega yfir vetrarmánuðina í safnaðarheimilinu. Þetta eru notalegar og skemmtilegar samverustundir, sem styrkja vináttubönd og samfélagið í söfnuðinum. Á þessi kvöld koma ungir sem aldnir, karlar og konur. Konurnar selja súpu, kaffi og sætmeti og gefa það sem safnast til fegrunar Dómkirkjunnar

Nú styttist í vorferð Dómkirkjunnar. Stefnan er sett á Vestmannaeyjar fimmtudaginn 7. maí.
Fararstjóri verður Karl Sigurbjörnsson, biskup. Farið verður frá Reykjavík klukkan 10 stundvíslega svo við náum í Landeyjarhöfn á réttum tíma. Margt áhugavert og skemmtilegt að sjá i Eyjum, endum síðan á kvöldverði í Fákaseli í Ölfusi. Nánari upplýsingar og skráning hjá Laufeyju i síma 898-9703 eða á laufey@domkirkjan.is
Hér eru myndir frá Opna húsinu í liðinni viku, þegar hjónin i Annriki komu og fræddu okkur um þjóðbúninga og fleira skemmtilegt. Næsta Opna hús er fimmtudaginn 30. apríl, en þá er gestur okkar séra Auður Eir Vilhjálmsdóttir. Hjartanlega velkomin

Messa kl.11 sunnudaginn 26. apríl séra Hjálmar Jónsson prédikar og séra Sveinn Valgeirsson þjónar. Barn verður borið til skírnar. Dómkórinn syngur undir stjórn Kára Þormar dómorganista. Vetrarstarfi Sunnudagsskólans lýkur á sunnudaginn, þannig að nú er um að gera að mæta börnin á kirkjuloftið til Óla Jóns og Sigga Jóns. Aðalfundur safnaðarins er haldinn að lokinni messu í Safnaðarheimilinu, Lækjarg0tu 14a.

Síðasta prjónakvöld vetrarins mánudagskvöldið 27. apríl kl. 19:00.
Gestur okkar að þessu sinni verður séra Þórir Stephensen fyrrverandi dómkirkjuprestur, Þórir ætlar að segja okkur gamansögur.
Nokkrar konur standa að prjónakvöldunum mánaðarlega yfir vetrarmánuðina í safnaðarheimilinu. Þetta eru notalegar og skemmtilegar samverustundir, sem styrkja vináttubönd og samfélagið í söfnuðinum. Á þessi kvöld koma ungir sem aldnir, karlar og konur. Konurnar selja súpu, kaffi og sætmeti og gefa það sem safnast til fegrunar Dómkirkjunnar

Í kvöld verður síðasta samvera vetrarins og ætlum við að fara í skemmtilega útileiki saman. Við ætlum að hittast í safnaðarheimilinu og stefnum á að fara þaðan saman í hljómskálagarðinn kl. 19:50. Sjáumst!

Mbkv.
Óli Jón og Siggi Jón