Kveðjumessa séra Önnu Sigríðar verður nk.sunnudag 31. ágúst kl 11. Dómkórinn og organisti er Kári Þormar. Messukaffi í safnaðarheimili Dómkirkjunnar við Vonarstræti. Verið hjartanlega velkomin.
Guðrún Árný syngur og leikur á píanó eigin lög og lög eftir bróður sinn Hilmar Karlsson í bland við þekkt dægurlög. Með henni eru Kristján Grétarsson á gítar, Birgir Steinn Theodorsson á bassa og Árni Friðberg Helgason á slagverk. Hugljúfir og notalegir tónleikar.
Tónleikar kl. 21 á menningarnótt.
Hallveig Rúnarsdóttir sópransöngkona og Hrönn Þráinsdóttir píanóleikari kanna víðilendur kabarettsins og óperunnar á einu og sama kvöldinu. Á fyrri hluta tónleikanna verður dreypt á gylltum veigum óperubókmenntanna en á síðari hlutanum dembum við okkur með höfuðið á undan í söngleikja og kabarettheiminn. Flutt verða verk eftir Mozart, Puccini, Dvorak, Schönberg, Bolcom og Sondheim. Búast má við leynigestum!
Hér má sjá hluta af gömlu altaristöflu sem kom upphaflega í kirkjuna 1818. Í bókinni Kirkjur Íslands 18, bls. 95 stendur m.a. um hana: Í skoðunargerð á Dómkirkjunni frá 1818 er taflan sögð ný og ,,meget ziirlig” þ.e. mjög falleg. Altaristaflan er að öllum líkindum dönsk en málarinn er óþekktur.Taflan sýnir bæn Jesú í Getsemane sem sagt er frá í 22. kafla Lúkasarguðspjalls.
Messa sunnudaginn 17. ágúst kl. 11. Séra Hjálmar Jónsson prédikar og séra Sveinn Valgeirsson þjónar fyrir altari. Barn borið til skírnar og fermingarfræðslan hefst með þessarri guðsþjónustu. Eftir messu verður kynningarfundur með fermingarbörnum og foreldrum þeirra. Kammerkór Dómkirkjunnar og organisti er Kári Þormar. Hjartanlega velkomin til messu.