Dómkirkjan

Kveðjumessa séra Önnu Sigríðar sunnudaginn 31. ágúst

Kveðjumessa séra Önnu Sigríðar verður nk.sunnudag 31. ágúst kl 11. Dómkórinn og organisti er Kári Þormar. Messukaffi í safnaðarheimili Dómkirkjunnar við Vonarstræti. Verið hjartanlega velkomin.

Laufey Böðvarsdóttir, 26/8 2014

Bænastund í hádeginu á morgun, þriðjudag kl 12:10. Léttur hádegisverður í safnaðarheimilinu við Vonarstræti að bænastund lokinni. Við fáum “gestakokk” sem ætlar að elda eitthvað gómsætt handa hópnum. Verið hjartanlega velkomin.

Laufey Böðvarsdóttir, 25/8 2014

Séra Skírnir Garðarsson prédikaði og þjónaði við guðþjónustu í Dómkirkjunni. Hér er hann ásamt konu sinni Sigrúnu Davíðs, séra Hjálmari og Hrafnhildi kirkjuverði, öll ánægð að lokinni góðri guðþjónustu.

Laufey Böðvarsdóttir, 25/8 2014

Það var létt yfir þeim séra Skírni og Hrafnhildi kirkjuverði í skrúðhúsi Dómkirkjunnar.

Laufey Böðvarsdóttir, 25/8 2014

Góður dagur að kvöldi komin, það var mikil tónlistarveisla í Dómkirkjunni í dag. Fyrst var Guðrún Árný ásamt hljómsveit, Jógvan Hanssen söngvari var leynigestur, full kirkja og skemmtilegt. Seinna um kvöldið var Hallveig Rúnarsdóttir sópran söngkona, Hrönn Þráinsdóttir og leynigestirnir Maríus Sverrisson og Diljá Sigursveinsdóttir. Fjörið hélt áfram, frábærir tónleikar, það voru ánægðir tónleikagestir sem fóru út í náttmyrkrið til þess að njóta flugeldasýningarinnar. Þökkum öllu þessu góða tónlistarfólki fyrir fagra tóna.

Laufey Böðvarsdóttir, 25/8 2014

Séra Skírnir Garðarsson prédikar og þjónar fyrir altari á morgun sunnudag 24. ágúst kl. 11:00. Kammerkór Dómkirkjunar syngur og organisti er Kári Þormar.

Laufey Böðvarsdóttir, 23/8 2014

Töfrandi tónleikar á menningarnótt: Guðrún Árný ásamt Kristjáni Grétarssyni, Birgi Steini og Árna Friðbers kl. 19. Hallveig Rúnarsdóttir og Hrönn Þráinsdóttir kl. 21.

Tónleikar kl. 19 á menningarnótt

Guðrún Árný syngur og leikur á píanó eigin lög og lög eftir bróður sinn Hilmar Karlsson í bland við þekkt dægurlög. Með henni eru Kristján Grétarsson á gítar, Birgir Steinn Theodorsson á bassa og Árni Friðberg Helgason á slagverk. Hugljúfir og notalegir tónleikar.

Tónleikar kl. 21 á menningarnótt.
Hallveig Rúnarsdóttir sópransöngkona og Hrönn Þráinsdóttir píanóleikari kanna víðilendur kabarettsins og óperunnar á einu og sama kvöldinu. Á fyrri hluta tónleikanna verður dreypt á gylltum veigum óperubókmenntanna en á síðari hlutanum dembum við okkur með höfuðið á undan í söngleikja og kabarettheiminn. Flutt verða verk eftir Mozart, Puccini, Dvorak, Schönberg, Bolcom og Sondheim. Búast má við leynigestum!

Laufey Böðvarsdóttir, 19/8 2014

Séra Skírnir Garðarsson prédikar og þjónar fyrir altari sunnudaginn 24. ágúst kl. 11:00.

Kammerkór Dómkirkjunar syngur og organisti er Kári Þormar.

Laufey Böðvarsdóttir, 18/8 2014

Fermingarfræðslan er byrjuð og hingað mættu í morgunsárið góður hópur fermingarbarna sem ætlar að fermast í vor. Á morgun þriðjudag er bænastund í hádeginu kl. 12:10, léttur hádegisverður í safnaðarheimilinu á eftir. Kveðjumessa séra Önnu Sigríðar er 31. ágúst kl. 11 og er messukaffi henni til heiðurs í safnaðarheimilinu að messu lokinni.

Hér má sjá hluta af gömlu altaristöflu sem kom upphaflega í kirkjuna 1818. Í bókinni Kirkjur Íslands 18, bls. 95 stendur m.a. um hana: Í skoðunargerð á Dómkirkjunni frá 1818 er taflan sögð ný og ,,meget ziirlig” þ.e. mjög falleg. Altaristaflan er að öllum líkindum dönsk en málarinn er óþekktur.Taflan sýnir bæn Jesú í Getsemane sem sagt er frá í 22. kafla Lúkasarguðspjalls.

Laufey Böðvarsdóttir, 18/8 2014

Fermingarstarfið hefst með guðþjónustu 17. ágúst kl. 11:00

Messa sunnudaginn 17. ágúst kl. 11. Séra Hjálmar Jónsson prédikar og séra Sveinn Valgeirsson þjónar fyrir altari. Barn borið til skírnar og fermingarfræðslan hefst með þessarri guðsþjónustu. Eftir messu verður kynningarfundur með fermingarbörnum og foreldrum þeirra. Kammerkór Dómkirkjunnar og organisti er Kári Þormar. Hjartanlega velkomin til messu.

Laufey Böðvarsdóttir, 12/8 2014

Þriðjudagur