Dómkirkjan

Athugið! Nú í vor ætlum við að vera á þriðjudögum, en ekki fimmtudögum eins og undanfarin ár. Byrjum í kirkjunni kl. 12.00 með bæna-og kyrrðarstund. Góður hádegisverður í safnaðarheimilinu og í framhaldinu ætlum við að hafa vinafund. Kaffihúsastemningu, þar sem við eigum gott samfélag saman. Maður er manns gaman. Þau sem vilja geta tekið í prjónana. Einhverja þriðjudaga fáum við gesti sem segja frá eða tónlistarfólk. Kaffi og góðar veitingar.

Klukkan 9.15 þri-mið-og fimmtudaga er tíðasöngur með séra Sveini, sem og á fimmtudögum kl. 17.00. Bach tónleikar Ólafs Elíassonar öll þriðjudagskvöld kl. 20.00-20.30. Örganga með séra Elínborgu kl. 18.00 á miðvikudag. Hlökkum til að sjá ykkur í safnaðarstarfinu.

Alþingi var sett þriðjudaginn 4. febrúar. Þingsetningarathöfnin hófst með guðsþjónustu í Dómkirkjunni. Forseti Íslands, biskup Íslands, starfsaldursforseti Alþingis, ráðherrar og alþingismenn gengu fylktu liði til kirkjunnar úr Alþingishúsinu.

Biskup Íslands, séra Guðrún Karls Helgudóttir, þjónaði fyrir altari ásamt séra Elínborgu Sturludóttur dómkirkjupresti. Séra Óskar Hafsteinn Óskarsson, prestur í Hruna og prófastur í Suðurprófastsdæmi, prédikaði. Kammerkór Dómkirkjunnar söng undir stjórn Guðmundar Sigurðssonar dómorganista og lék á orgelið. Sigurður Flosason lék á saxófón.