Dómkirkjan

 

Biblíumaraþonlestur laugardaginn 24. janúar kl. 14:00-15:00.

Messa 25. janúar  kl. 11:00.  Dómkirkjuprestarnir séra Hjálmar Jónsson og séra Sveinn Valgeirsson þjóna. Barn borið til skírnar. Dómkórinn syngur og organisti er Kári Þormar. Barnastarf á kirkjuloftinu. Laugardaginn 24. janúar er biblíumaraþonlestur frá kl. 14.00-15:00 í Dómkirkjunni. Verið velkomin.

Laufey Böðvarsdóttir, 22/1 2015

Jóhannes Bergsveinsson, geðlæknir verður gestur okkar í Opna húsinu á morgun, fimmtudag kl 13:30-15:30. Jóhannes spjallar við okkur og segir okkur svo lítið frá sjálfum sér og hinum órannsakanlegu vegum Guðs. Opna húsið er frá 13:30-15:30. Kaffi og góð samvera. Hjartanlega velkomin

Laufey Böðvarsdóttir, 19/1 2015

Æðruleysismessa sunnudaginn 18. janúar kl. 20:00.

Æðruleysismessa í Dómkirkjunni er yndisleg stund. Alveg tilvalið að ljúka helginni á því að koma í létta og skemmtilega messu. Við fáum vitnisburð frá góðum félaga, yndislega prédikun og bænir. Tónlistin skipar sem fyrr veglegan sess. Æðruleysismessurnar fela ávallt í sér orð Guðs, kærleiksríka nærveru og nærandi frásögn einstaklings um eigið líf.

Laufey Böðvarsdóttir, 17/1 2015

Séra María Ágústsdóttir prédikar og séra Sveinn Valgeirsson þjónar fyrir altari.

Útvarpsguðsþjónusta 18. janúar kl. 11:00 við upphaf alþjóðlegrar, samkirkjulegrar bænaviku fyrir einingu kristninnar fer að þessu sinni fram frá Dómkirkjunni í Reykjavík. Sr. Sveinn Valgeirsson þjónar fyrir altari ásamt sr. Maríu Ágústsdóttur, formanni Samstarfsnefndar kristinna trúfélaga á Íslandi, sem prédikar. Fulltrúar frá Samstarfsnefndinni lesa lestra og bænir en efnið kemur að þessu sinni frá Braselíu. Kári Þormar leikur á orgelið og Dómkórinn syngur.

Laufey Böðvarsdóttir, 15/1 2015

Það verða fagnaðarfundir á morgun þegar Opna húsið hefst aftur á nýju ári. Ólafur Hjálmarsson verður gestur okkar, hann er verkfræðingur og lærði hér heima, í Kaupmannahöfn og í Berlín. Það verður gott með kaffinu, við hlökkum mikið til að sjá ykkur. Allir velkomnir.

Laufey Böðvarsdóttir, 14/1 2015

Kveðja frá Óla Jóni og Sigurði Jóni. Gleðilegt nýtt ár, vonandi nutuð þið jólanna til hins ítrasta. Í kvöld hefst Ungdóm á ný kl. 19:30 í safnaðarheimilinu. Við ætlum að bjóða upp á Actionary – leiklistareik. Samverurnar voru vel sóttar í haust og vonumst við til þess að þær verði það áfram. Við bjóðum áfram uppá góða og þétta dagskrá fram á vorið.

Laufey Böðvarsdóttir, 13/1 2015

Velkomin á bæna-og kyrrðarstundina í dag, þriðjudag kl. 12.10. Létt máltíð í safnaðarheimilinu við Vonarstræti að henni lokinni.

Laufey Böðvarsdóttir, 13/1 2015

Í dag mánudag er fyrsti fundur ársins hjá Kirkjunefnd kvenna Dómkirkjunnar.

Laufey Böðvarsdóttir, 12/1 2015

Opna húsið byrjar aftur fimmtudaginn 15. janúar.

Ólafur Hjálmarsson verkfræðingur verður gestur okkar  í fyrsta Opna húsinu á þessu ári.  Opna húsið er frá kl. 13.30 -15.30. Hjartanlega velkomin.

Laufey Böðvarsdóttir, 8/1 2015

Séra Hjálmar jónsson prédikar og þjónar fyrir altari sunnudaginn 11. janúar kl. 11:00. Dómkórinn syngur undir stjórn Kára Þormar dómorganista. Barnastarf kirkjunnar hefst aftur eftir jólafrí, Ólafur Jón og Sigurður Jón verða með skemmtilegt barnastarf á kirkjuloftinu. Eigum gæðastundir með börnunum okkar á nýju ári í kirkjunni okkar. Hjartanlega velkomin.

Laufey Böðvarsdóttir, 7/1 2015

Kirkjan er opin alla virka daga frá 10-14

Viðtalstímar presta eru í safnaðarheimilnu
Lækjargötu 14a,
þri-fös 11-12 og eftir samkomulagi.
Sími: 520-9700.

Skráning í fermingarfræðslu

Fimmtudagur

- 13.00- 14.30 Opna húsið í safnaðarheimilinu, samvera, fræðsla og gott með kaffinu. Yfir vetrarmánuðina.
Tíðasöngur kl. 17.00 yfir vetrarmánuðina.
21.00 AA fundur

Dagskrá ...