Dómkirkjan

Skemmtilegir gestir í Opna húsinu í dag, þeir Páll Bragi Kristjónsson sem sagði frá bernskuárum sínum á Bessastöðum og Jón Ragnar Ríkharðsson sem spilaði og söng. Gaman að fá góða gesti, takk fyrir skemmtunina.

Laufey Böðvarsdóttir, 29/9 2016

Séra Skúli S. Ólafsson prédikar í Dómkirkjunni sunnudaginn 2. október kl. 11. Dómkórinn syngur og organisti er Douglas A. Brotchie. Barnastarfið á kirkjuloftinu í umsjón Helgu Kolbeinsdóttur. Minni á bílastæðin gengt Þórshamri. Verið hjartanlega velkomin.

Laufey Böðvarsdóttir, 29/9 2016

Páll Bragi Kristjónsson segir frá bernskuárum sínum á Bessastöðum í Opna húsinu á fimmtudaginn. Einnig kemur Jón Ragnar Ríkharðsson með gítarinn og syngur fyrir okkur, þetta verður mikið fjör. Veislukaffi hjá Ástu okkar. Sjáumst kl. 13.30 í Safnaðarheimilinu á fimmtudaginn.

Laufey Böðvarsdóttir, 27/9 2016

Kyrrðar- og bænastund í hádeginu í dag, léttur hádegisverður að hætti Ástu í safnaðarheimilinu. Bach tónleikar Ólafs Elíassonar í Dómkirkjunni kl. 20.30-21.00. Verið velkomin.

Laufey Böðvarsdóttir, 27/9 2016

Ljómandi skemmtileg haustferð í Hvalfjörðinn í gær, Karl biskup var fararstjóri. Skoðuðum merkilegt herminjasafn á Hlöðum, þar sem við borðuðum hádegisverð og Gaui sagði okkur frá hernáminu. Gaman var að koma í Hallgrímskirkju í Saurbæ, en þar sagði Karl biskup okkur margt áhugavert. Loks tók Ragnheiður Guðmundsdóttir, djákni á móti okkur í Innra – Hómskirkju, hún sagði frá kirkjunni og bauð síðan öllum hópnum í kaffi og þessar líka fínu veitingar. Við þökkum kærlega fyrir okkur.

Laufey Böðvarsdóttir, 23/9 2016

Sunnudagaskóli í umsjón Helgu Kolbeinsdóttur guðfræðings og messa á sunnudaginn kl. 11. Karl Sigurbjörnsson, biskup prédikar og þjónar fyrir altari. Dómkórinn og organisti er Kári Þormar. Hlökkum til að sjá ykkur.

Laufey Böðvarsdóttir, 21/9 2016

Djákna- og prestsvígsla í Dómkirkjunni

Sunnudaginn 25. september kl. 14:00 fer fram djákna- og prestsvígsla í Dómkirkjunni.

Helga Björk Jónsdóttir vígist djáknavígslu til Vídalínskirkju í Kjalarnesprófstsdæmi, Ólafur Jón Magnússon vígist til prestsþjónustu hjá kristilegu skólahreyfingunni og Viðar Stefánsson til prestsþjónustu í Vestmannaeyjum í Suðurprófastsdæmi.

Vígsluvottar eru Sr. Jón Hrönn Bolladóttir, Margrét Gunnarsdóttir djákni, sr. Guðmundur Örn Jónsson, Sr. Ragnar Gunnarsson, sr. Sveinn Valgeirsson og sr. Sigurður Jónsson sem lýsir vígslu. Biskup Íslands Agnes M. Sigurðardóttir annast vígslurnar.

Laufey Böðvarsdóttir, 21/9 2016

Ungdóm hefst í kvöld í safnaðarheimilinu, Lækjargötu 14a, kl. 20. Kyrrðarstund í hádeginu í Dómkirkjunni og Bach tónleikar þar klukkan 20:30-21:00 í kvöld.

Laufey Böðvarsdóttir, 20/9 2016

Fagnaðarfundir í Safnaðarheimilinu í dag þegar vetrarstarfið í Opna húsinu byrjaði. Næsta fimmtudag er haustferðin og þá verður farið í Hvalfjörðinn.

Laufey Böðvarsdóttir, 15/9 2016

Opna húsið byrjar í dag, fimmtudag

Opið hús í Dómkirkjunni haustmisseri 2016
Alla fimmtudaga kl. 13.30
15. sept. Söngur, spjall og slúður
22. sept. Haustferð í Hvalfjörð. Hádegisverður í Hernámssetrinu. Lagt af stað kl. 11 frá BSÍ
29. sept. Páll Bragi Kristjónsson bernskuár á Bessastöðum
6. Okt. Ómar Smári Ármannsson um Furður Reykjanesskagans
13. okt Guðrún Nordal um handritin okkar
20. okt Helga Pálmadóttir minningar um séra Óskar og frú Elísabetu
Athugið: Miðvikudagur 26. okt. kl. 20: Samtal í Safnaðarheimili, –Helgi Ingólfsson, menntaskólakennari, ræðir um Dómkirkjuna og gömlu Reykjavík
27. okt Sr. Þórir Stephensen: Um KKD og Bræðrafélag Dómkirkjunnar
3. nóv. Bjarki Sveinbjörnsson: Um Pétur Guðjohnsen, fyrsta dómorganistann
10. nóv. Karl Sigurbjörnsson: Geir Vídalín, dómkirkjuprestur og biskup
17. nóv. Helga Vilborg Sigurjónsdóttir, kristniboði i Eþíópíu
24. nóv. Þorvaldur Friðriksson um skrímsli
1. des. Fullveldisdagurinn og aðventukaffi

Dómkirkjan er 220 ára á þessu ári. Af því tilefni verða hátíðarmessur 30. október þar sem sr. Þórir Stephensen prédikar, og 6. nóvember, þar sem biskup Íslands prédikar. Messukaffi verður eftir báðar þessar messur.

Laufey Böðvarsdóttir, 15/9 2016

Fimmtudagur