Dómkirkjan

Bæna-og kyrrðarstund í dag, þriðjudag kl.12.10 í Dómkirkjunni, verið hjartanlega velkomin. Bach tónleikar Ólafs Elíssonar í kvöld kl. 20.30 -21.00.

Laufey Böðvarsdóttir, 1/3 2016

Sunnudaginn 28. febrúar sem er þriðji sunnudagur í föstu, prédikar Karl Sigurbjörnsson, biskup. Barnastarfið er í umsjón Óla og Sigga. Fermingarstúlkurnar Una Margrét Lyngdal Reynisdóttir og Kristjana Lind Ólafsdóttir lesa ritningarlestrana. Dómkórinn syngur og organisti er Kári Þormar. Messan byrjar kl. 11 og verið hjartanlega velkomin.

Laufey Böðvarsdóttir, 26/2 2016

Í Opna húsinu á morgun, fimmtudag verður gestur okkar Ellert Schram. Opna húsið byrjar kl. 13.30 og þá er veislukaffi hjá Ástu okkar. Á sunnudaginn er messa og barnastarf kl. 11 þar sem Karl Sigurbjörnsson prédikar og þjónar fyrir altari. Verið hjartanlega velkomin.

Laufey Böðvarsdóttir, 24/2 2016

Skarphéðinn og Sankti Páll, það eru mínir menn“ – sagði karlinn. Þann fyrrnefnda er nú hægt að sjá í Borgarleikhúsinu og í kvöld mun ég leiða samtal um þann síðarnefnda, Pál postula. Hver var hann og hvað hefur hann eiginlega fram að færa? Og eiga þeir eitthvað sameiginlegt, “mínir menn” ? Velkomin til samtals um trú í Safnaðarheimili Dómkirkjunnar, í kvöld kl. 18. Karl Sigurbjörnsson.

Laufey Böðvarsdóttir, 24/2 2016

Kæru foreldrar og forráðamenn! Í kvöld, þriðjudag ætlar Ungdóm að fara í heimsókn til æskulýðsfélags Hallgrímskirkju. Við biðjum unglingana um að mæta í Hallgrímskirkju kl. 19:30

Laufey Böðvarsdóttir, 23/2 2016

Elsku fólk, æðruleysismessa í Dómkirkjunni í kvöld kl.20 -sjáumst kát og hress.

Æðruleysismessa

Æðruleysismessan er í kvöld, sunnudag kl. 20:00 í Dómkirkjunni.
Við munum koma saman í bæn og hugleiðslu þar sem við hugleiðum orð Guðs.
Stundin verður nærandi, fyllt ró og við munum heiðra fallega batakefið sem Guð hefur gefið okkur með sporunum tólf.
Sr. Fritz kemur frá Noregi og leiðir stundina, Díana flytur hugleiðingu, Sr. Karl leiðir okkur í bæn, Ástvaldur verður á orgelinu, Óskar Axel mun stýra söngnum og við fáum félaga sem deilir reynslu sinni með okkur.
Hlökkum til að sjá ykkur öll.

Laufey Böðvarsdóttir, 21/2 2016

Messa kl. 11 í dag 21. febrúar og æðruleysismessa kl. 20 í kvöld.

Laufey Böðvarsdóttir, 21/2 2016

Sælar kæru prjónakonur og karlar Nú er komið að prjónakaffi og nú fáum við góðan gest. Össur Skarphéðinsson ætlar að segja okkur nokkrar góðar gamansögur. Mánudaginn 22 febrúar kl. 19.00. Súpa, brauð og eitthvað sætt með kaffinu á góðu verði Allir velkomnir

Laufey Böðvarsdóttir, 21/2 2016

Við heimsóttum Mörkina, Suðurlandsbraut síðastliðinn fimmtudag og fengum innilega og höfðinglegar móttökur. Skoðuðum sýningu á íslenskum þjóðlífsmyndum eftir Sigríði Kjaran, nutum þess að hlusta á kórsöng og loks var sest að veisluborði. Fengum líka að skoða kapelluna, altaristaflan er eftir Baltasar. Við þökkum Guðrúnu Gísladóttur og hennar góða fólki fyrir boðið. Um leið óskum við Gísla Páli forstjóra Markarinnar hjartanlega til hamingju með fimmtugsafmælið, en hann átti einmitt afmæli þennan fagra fimmtudag. Hjartans þakkir.

Laufey Böðvarsdóttir, 20/2 2016

21.febrúar kl. 20:00 verður Æðruleysismessa í Dómkirkjunni. Gerðu þér ferð í bæinn, fáðu gott bílastæði við Tjarnargötuna og röltu svo yfir í Dómkirkjuna. Þessar stundir eru einstakar, fylltar kyrrð og dásamlegri nærveru. Það kemur til okkar félagi sem deilir reynslu sinni. Við munum biðja og hugleiða orð Guðs og svo munu Ástvaldur og Óskar Axel leiða okkur í tónlistinni. Gefðu þér tíma til þess að eiga þessa góðu stund með okkur. Bjóddu endilega einhverjum kærkomnum/einhverri kærkomni með.

Laufey Böðvarsdóttir, 19/2 2016

Mánudagur