Dómkirkjan

Prjónakvöld á morgun,mánudag kl. 19 í safnaðarheimilinu, Lækjargötu 14a. Súpa, kaffi og eitthvað sætt með kaffinu. Hlökkum til að sjá ykkur og takið með ykkur gesti.

Laufey Böðvarsdóttir, 26/3 2017

Karl biskup prédikar og þjónar í dag kl. 11, mæðgurnar Þórhildur og Helena Hjörvar lesa ritningarlestrana. Sunnudagaskólinn á kirkjuloftinu. Dómkórinn og Kári Þormar organisti. Minnum á bílastæðin gengt Þórshamri. Hlökkum til að sjá ykkur í Dómkirkjunni.

Laufey Böðvarsdóttir, 26/3 2017

Aðalsafnaðarfundur Dómkirkjusóknar verður haldinn að lokinni messu á kirkjulofti Dómkirkjunnar, sunnudaginn 2. apríl kl. 12:15. Venjuleg aðalfundarstörf. Sóknarnefndin.

Laufey Böðvarsdóttir, 25/3 2017

Prjónakvöld mánudaginn 27. mars kl. 19. Létt máltíð og góður félagsskapur.

Laufey Böðvarsdóttir, 25/3 2017

Hlökkum til að sjá sem flesta í Opna húsinu í dag, kl. 13.30. Unnur Halldórsdóttir kemur ekki í dag eins og auglýst var, en Karl biskup, les ljóð og segir sögur. Ásta er í óða önn að útbúa veitingar á veisluborðið. Verið velkomin.

Laufey Böðvarsdóttir, 23/3 2017

Karl Sigurbjörnsson biskup prédikar og þjónar fyrir altari sunnudaginn 26. mars kl.11. Fræðandi og skemmtilegur sunnudagaskóli á kirkjuloftinu hjá Ólafi Jóni og Sigga Jóni. Dómkórinn og Kári Þormar er organisti. Minnum á bílastæðin, gengt Þórshamri.

Laufey Böðvarsdóttir, 22/3 2017

Á laugardaginn, 25. mars, sem er Boðunardagur Maríu, er boðið til Kyrrðardags í Safnaðarheimili Dómkirkjunnar. Dagskráin hefst kl. 9 og lýkur fyrir kl. 16. Kyrrðardagur, retreat, er dagur hvíldar, friðar og endurnæringar. Safnaðarheimilið býður upp á góða aðstöðu til að lesa, hugleiða, slaka á í næði. Í Baðstofunni er útbúin kapella, bænastaður og þar mun Karl Sigurbjörnsson biskup leiða íhuganir um Maríu guðsmóður og fræða um notkun bænabandsins í trúarlífi. Að lokinni íhugun og fararblessun í Dómkirkjunni um kl. 15 verður þögnin rofin og boðið upp á kaffi í Safnaðarheimilinu. Gjald kr. 5000, fyrir mat og kaffi og bænabandið. Þátttakendur eru beðnir að skrá sig í síma 520-9700, eða með tölvupósti á domkirkjan@domkirkjan.is.

Laufey Böðvarsdóttir, 21/3 2017

Sjáumst í hádeginu í dag í Dómkirkjunni. Bæna-og kyrrðarstund, léttur hádegisverður í safnaðarheimilinu. Bach tónleikar í kvöld kl. 20.30-21.00. Það er ljúft samfélagið í Dómkirkjunni.

Laufey Böðvarsdóttir, 21/3 2017

Æðruleysismessa kl. 20 í kvöld, 19. mars.
Æðruleysismessur snúast um að dvelja hér og nú, að vera í nærveru hvers annars, við fætur Æðri máttar. Þar sem messurnar eru í anda tólf sporanna kemur félagi og deilir reynslu sinni.
Díana Ósk leiðir stundina og fer með okkur í sameiginlega bæn, Ástvaldur verður við pianóið, Bjarni Ara tekur lagið og Sr. Fritz Már fer með hugleiðingu.
Stundin er búin kl. 21:00 en við bjóðum upp á fyrirbæn fyrir þau sem það vilja eftir stundina.

Laufey Böðvarsdóttir, 19/3 2017

Fermingarstúlkurnar Freyja og Ilmur lesa ritningarlestrana í messunni á morgun kl. 11. Séra Sveinn Valgeirsson prédikar og sunnudagskóli á kirkjuloftinu. Dómkórinn og Kári Þormar. Minni á æðruleysismessuna kl. 20, séra Fritz og Díana leiða þessa fallegu stund. Verið velkomin.

Laufey Böðvarsdóttir, 18/3 2017

Þriðjudagur