Prjónakvöld Dómkirkjunnar fellur niður í kvöld 27. febrúar. Margir af okkar fastagestum hafa verið í sambandi og komast ekkert vegna ófærðar í íbúðagötum.
Laufey Böðvarsdóttir, 27/2 2017
Laufey Böðvarsdóttir, 27/2 2017
GYÐA VALTÝSDÓTTIR – EPICYCLE
ÚTGÁFUTÓNLEIKAR 3. MARS 2017
Í nóvember í fyrra kom út platan Epicycle með Gyðu Valtýsdóttur. Útgáfutónleikar hennar verða föstudaginn 3. mars nk. í Dómkirkjunni kl. 21:00.
Flytjendur á tónleikum:
Gyða Valtýsdóttir, selló – söngur
Shahzad Ismaily, gítar
Julian Sartorius, trommur
Júlía Mogensen: kristalsglös
Frank Aarnink: kristalsglös, zithar, slagverk o.fl.
Óli Björn Ólafsson: kristalsglös, slagverk
Kristín Anna og Ásthildur Valtýsdætur, söngur
Kórus
Á plötunni Epicycle má m.a. finna elsta skráða tónverk sögunnar, Grafskrift Seikilosar, en einnig nýrri verk eftir þekkt tónskáld á borð við Messiaen, Prokofiev, Crumb og Schumann. Gyða tekur fyrir hin ýmsu verk sem hafa sérstakt gildi fyrir hana og flytur þau eftir sinni eigin persónulegu túlkun.
Platan hefur vakið töluverða athygli og fengið frábæra dóma. Jónas Sen segir t.a.m. frá verkinu Grafskrift Seikilosar í dómi sínum um plötuna sem birtist á visir.is „…sköpuð er tímalaus stemning sem er svo lokkandi að maður hreinlega hverfur inn í aðra veröld.“
Á plötunni fær Gyða til liðs við sig frábæra listamenn á borð við Shahzad Ismaily, Danny Tunick, Hilmar Jensson, Julian Sartorius og Michael York.
„Hér er einhver óræður galdur í gangi sem hefur sig upp fyrir sjálfa tónlistina og hittir mann þráðbeint í hjartastað.“
Arnar Eggert: mbl.is
„Þetta er gripur sem gefur fyrirheit um betri heim.“
Pétur Grétarsson: ruv.is
Gyða Valtýsdóttir: Epicycle, Kraumsverðlaunin 2016
Gyða Valtýsdóttir: Epicycle tilnefning til Íslensku tónlistarverðlaunanna: Plata ársins: Opinn flokkur
Gyða Valtýsdóttir hóf tónlistarferilinn á táningsaldri með hljómsveitinni múm. Hún yfirgaf sveitina til að einbeita sér að klassísku tónlistarnámi og lærði meðal annars í Rimsky-Korsakov Conservatory í St. Pétursborg og Hochschule für Music í Basel, þar sem hún lauk meistaranámi í sellóleik hjá Thomas Demenga og frjálsum spuna hjá Walter Fähndrich. Auk þess að koma fram með sína eigin tónlist, hefur hún samið tónlist fyrir kvikmyndir og dansverk og leikur reglulega með múm, Shahzad Ismaily, Josephine Foster, Julian Sartorius, Colin Stetson og og hefur unnið með fjölda annarra listamanna í gegnum árin, m.a. A Winged Victory for the Sullen, Efterklang, Dustin O’Halloran, Damien Rice, Ben Frost, Hilmari Jenssyni, Guy Maddin, Ólöfu Arnalds, Skúla Sverrissyni o.fl.
Laufey Böðvarsdóttir, 27/2 2017
Laufey Böðvarsdóttir, 26/2 2017
Laufey Böðvarsdóttir, 26/2 2017
Laufey Böðvarsdóttir, 22/2 2017
Biskup Íslands Agnes M. Sigurðardóttir vígir Karen Lind Ólafsdóttur til Hjallakirkju. Sunnudagaskólinn á kirkjuloftinu, Dómkórinn og Kári Þormar. Minni á bílastæðin gengt Þórshamri.
Laufey Böðvarsdóttir, 22/2 2017
Þannig er málum háttað að ég mæti í Dómkirkjuna í kvöld kl 20:00 til að tala um hvað Orð Guðs er uppbyggjandi, gleðjandi, seðjandi og sterkt.
Ég hvet þig til að koma. Mjög einlægur og góður maður mun deila með okkur reynslu sinni. Dómkirkjupresturinn sjálur mun fara með bænir, sr Sveinn Valgeirsson. Hinn órúlega yfirvegaði Ástvaldur Traustason mun leika á flygilinn en einning kemur frábær söngkona Myrra Rós Þrastardóttir og Júlíus Björgvinsson leikur undir á hljóðfæri. Þessi messa heitir æðruleysismessa og ertu hjartanlega velkonin(n).
Laufey Böðvarsdóttir, 19/2 2017
Kirkjan er opin alla virka daga frá 10-14
Viðtalstímar presta eru í safnaðarheimilnu
Lækjargötu 14a,
þri-fös 11-12 og eftir samkomulagi.
Sími: 520-9700.
Skráning í fermingarfræðslu
Kirkjustræti, 101 Reykjavík.. Sími 5209700 , fax 5209701 · Kerfi