Dómkirkjan

 

Gunnar Kvaran sellóleikari verður gestur okkar í Opna húsinu fimmtudaginn 14.október. Hann mun kynna bók sína sem ber nafnið Tjáning um klukkan 13.30. Húsið opnar klukkan eitt. Kaffi , kökur og gott samfélag. Verið velkomin í safnaðarheimilið, Lækjargötu 14a.

244547623_10159672421055396_3049940516045229032_n

Laufey Böðvarsdóttir, 9/10 2021

Gestir í opna húsinu í haust. 14. október Gunnar Kvaran sellóleikari, 21. október Börkur Karlsson leiðsögumaður, 28. október séra Elínborg Sturludóttir, 4. nóvember séra Sveinn Valgeirsson, 11. nóvember Karl Sigurbjörnsson biskup, 18. nóvember Eyrún Ingadóttir rithöfundur og 25. nóvember verður vinafundur með söng og gleði. Verið velkomin í safnaðarheimili Dómkirkjunnar, Lækjargötu 14a.

244440586_10159673460795396_8146243804922489485_n

Laufey Böðvarsdóttir, 9/10 2021

Kirkjunefnd kvenna Dómkirkjunnar voru gestir kvenfélags Árbæjarkirkju, ásamt kvenfélagskonum frá Fella- og Hólakirkju. Ánægjuleg kvöldstund á fallegu haustkvöldi með fróðleik, skemmtiatriðum, söng og gómsætum veitingum. Þökkum hjartanlega fyrir okkur!

244479848_10159673504090396_3869195258452341346_n244805786_10159673504120396_7783061517256555246_n

Laufey Böðvarsdóttir, 9/10 2021

Mikið var gott að hlusta á Björn Hjálmarsson lækni í Opna húsinu í dag. Frásögn hans einlæg sem og ljóðin hans. Hjartans þakkir Björn!

244357118_10159672292475396_2301344636705263020_n

Laufey Böðvarsdóttir, 7/10 2021

Sunnnudaginn 10. október er messa klukkan 11.00. Prestur séra Elínborg Sturludóttir, Dómkórinn og Douglas organisti.. Verið velkomin!

Laufey Böðvarsdóttir, 6/10 2021

Fimmtudaginn 7. október klukkan 18.00.Íslandsvinurinn og organistinn James D. Hicks hefur fimmtudagstónleikaröð Dómkirkjunnar í Reykjavík þetta haustið með stuttum og snörpum tónleikum með nýjum og nýlegum norrænum verkum fyrir orgel. Meðal annars mun hann frumflytja prelúdíu og fúgu eftir Hildigunni Rúnarsdóttur, byggða á íslensku þjóðlagi. Einnig flytur hann verk eftir Sigurð Sævarsson, Kjell Mørk Karlsen, Fredrik Sixten og Christian Præstholm. James D. Hicks pantar reglulega og gefur út verk norrænna tónskálda og mjög mörg áhugaverð verk hafa orðið til fyrir hans tilstilli.

Laufey Böðvarsdóttir, 5/10 2021

Sunnudaginn 3. október kl. 13.00 vígir biskup Íslands Agnes M. Sigurðardóttir mag. theol. Matthildi Bjarnadóttur til prests. Matthildur mun þjóna sem æskulýðsprestur Garðasóknar og prestur Arnarins minningar og styrktarsjóðs. Vígsluvottar eru: sr. Bjarni Karlsson, sr. Bolli Pétur Bollason, sr. Henning Emil Magnússon, sr. Hildur Eir Bolladóttir og sr. Sunna Dóra Möller Vígslu lýsir sr. Jóna Hrönn Bolladóttir. Sóknarprestur Dómkirkjunnar sr. Sveinn Valgeirsson þjónar fyrir altari.Dómkórinn syngur og organisti er Douglas Brotchie.

Laufey Böðvarsdóttir, 29/9 2021

Sunnudaginn 3. október er messa klukkan 11.00. Séra Vigfús Ingvar Ingvarsson prédikar, séra Hjálmar Jónsson, séra Vigfús Þór Árnason og séra Gunnþór Ingason þjóna. Þessir prestar vígðust saman í Dómkirkjunni 3. október 1976. Einnig þjónar með þeim séra Sveinn Valgeirsson sóknarprestur í Dómkirkjunni. Pétur Nói Stefánsson leikur á orgelið og Dómkórinn syngur. Klukkan 13.00 er prestsvígsla , biskup Íslands Agnes M. Sigurðardóttir mun vígja Matthildi Bjarnadóttur.

Laufey Böðvarsdóttir, 28/9 2021

Bæna-og kyrrðarstundin í hádeginu á morgun, þriðjudag verður í safnaðarheimilinu Lækjargötu 14a.

Laufey Böðvarsdóttir, 27/9 2021

Kæru vinir! Haustferð Dómkirkjunnar verður farin fimmtudaginn 30. september. Lagt verður af stað 9.30 og heimkoma seinnipartinn. Við byrjum í Skálholtsdómkirkju þar sem Jón Bjarnason organisti tekur á móti okkur og spilar fyrir okkur óskalögin. Óskalögin við orgelið er viðburður fyrir alla sem hafa gaman af því að hlusta á tónlist og sérstaklega að fá að velja næsta lag! Jón Bjarnason organisti Skálholtsdómkirkju er eins og lifandi glymskratti því hann getur spilað nánast hvað sem er á orgelið. Eftir óskalögin verður hádegisverður snæddur í Skálholti. Síðan liggur leiðin í Auðkúlu, þar sem Birna Berndsen og Páll Benediktsson taka á móti okkur með ilmandi kaffi og gómsætri köku. Auðkúla er fallegt kúluhús sem skiptist í stóran suðrænan innigarð og hins vegar í íbúðarhús undir grasþaki. Skráning á domkirkjan@domkirkjan.is eða í síma 5209700. Opna húsið verður svo á fimmtudögum kl. 13.00 í október og nóvember.

Laufey Böðvarsdóttir, 22/9 2021

< Fyrri1 2 3 ...65 66 67 ...249 250 251 Næsta >
(2509 fréttir)

Kirkjan er opin alla virka daga frá 10-14

Viðtalstímar presta eru í safnaðarheimilnu
Lækjargötu 14a,
þri-fös 11-12 og eftir samkomulagi.
Sími: 520-9700.

Skráning í fermingarfræðslu

Fimmtudagur

Tíðasöngur kl. 9. 15 og kl. 17.00 yfir vetrarmánuðina.
21.00 AA fundur

Dagskrá ...