Dómkirkjan

 

Dásamlegar stundir öll þríðjudagskvöld í Dómkirkjunni eða eins og Ólafur Elíasson segir ,,Öll þriðjudagskvöld klukkan átta í Dómkirkjunni. Þá sit ég við flygilinn í kirkjunni og á stund með vini mínum, honum Jóhanni Sebastian Bach sem ég er búinn að þekkja frá barnæsku og upplifa sem minn helsta sálufélaga í gegnum lífið”.

+Olafur Elíasson

Laufey Böðvarsdóttir, 30/1 2024

AF HIMNUM OFAN 2. febrúar klukkan 21.00. Apparat Organ Quartet og Dómkórinn koma saman þegar vika er liðin af Þorra með flutningi klassískra ópusa, nýrra verka og rafmagnaðra sálma. Á tónleikunum kallast rafmögnuð tónlist Apparatsins á við ómþíðan sálmasöng Dómkórins. Fluttir verða nýir og sígildir sálmar í bland við ný og gömul Apparatslög og að lokum sameina kórinn og orgelkvartettinn krafta sína í eftirminnilegum hápunkti.

APPATARMeðlimir Apparat Organ Quartet leika á rafmögnuð afkvæmi meira en tvöþúsund ára þróunar orgela, sem knúin hafa verið af vatni, vindi, rafmagni og stafrænum straumum. Á tónleikunum sameinast þeir sögunni í húsinu sem hýsti fyrsta pípuorgel landsins. Dómkórinn fullkomnar svo hljóðmyndina, ýmist í forgrunni, bakgrunni eða í sameiginlegri hljómkviðu.

Apparat Organ Quartet skipa þeir Hörður Bragason, Sighvatur Ómar Kristinsson og Úlfur Eldjárn sem leika á mis-rafmögnuð orgel og hljóðgerfla, og Arnar Geir Ómarsson sem leikur á trommur.
Organisti og stjórnandi Dómkórsins er Guðmundur Sigurðsson.
FROM HEAV´N ABOVE
Apparat Organ Quartet and the Reykjavík Cathedral Choir celebrate the second wee of the old Icelandic month of Þorri by performing classic opuses, new compositions and electrified psalms.
The elecronic melodies of Apparat resonate with the harmonious psalms of the Cathedral Choir In this unique concert. Classic and contemporary psalms will be performed along with new and older Apparat songs, completed with a praise and glory in unison.
The members of Apparat play instruments that are the pinnacle of more than two thousand years of development of the organ. Through that time, sounds have been created with water, wind, electricity and digital currents. In this concert the Quartet goes back to the roots in the building that housed the first pipe-organ in Iceland. The Cathedral Choir completes the acoustic image, sometims in front and sometimes back, and lastly in a joint performance of voices and currents.
Apparat Organ Quartet‘s members are Hörður Bragason, Sighvatur Ómar Kristinsson and Úlfur Eldjárn who play variously electrified keyboards and synths and Arnar Geir Ómarsson on drums. Organist and director of the Cathedral is Guðmundur Sigurðsson

Laufey Böðvarsdóttir, 28/1 2024

Næstkomandi sunnudag er Dómkirkjufólki boðið að messa í Bessastaðakirkju klukkan 14.00. Það er tilhlökkun og gleði hjá okkur að fá að þjóna þar. Dómkirkjuprestar, dómorganisti, Dómkórinn og Álftanesskórinn syngja og Ástvaldur Traustason, Vilborg Ólöf Sigurðardóttir og sr. Hans Guðberg Alfreðsson. Boðið verður í messukaffi. Því verður ekki messað í Dómkirkjunni klukkan 11.00 eins og venjan er. Fjölmennum í Besstastaðkirkju!

bessastaðakirkja

Laufey Böðvarsdóttir, 23/1 2024

Bach tónleikar Ólafs Elíassonar falla niður í kvöld 23. janúar vegna veikinda.

Laufey Böðvarsdóttir, 23/1 2024

safno

Laufey Böðvarsdóttir, 22/1 2024

Sunnudaginn 21. janúar er messa klukkan 11.00. Séra Elínborg Sturludóttir prédikar og þjónar fyrir altari. Guðmundur Sigurðsson dómorganisti og Dómkórinn. Verið hjartanlega velkomin!

Laufey Böðvarsdóttir, 17/1 2024

Fyrsta örpílagrímagangan með séra Elínborgu á nýju ári er í dag, miðvikudag klukkan 18.00.

Hefst með stuttri hugleiðingu í Dómkirkjunni og göngunni lýkur við kirkjuna kl. 19.00. Góð æfing fyrir bæði líkama og sál. Verið hjartanlega velkomin.

Laufey Böðvarsdóttir, 17/1 2024

Bæna-og kyrrðarstundin í hádeginu 16. janúar verður í safnaðarheimilinu.

Laufey Böðvarsdóttir, 15/1 2024

Frá biskupi Íslands Agnesi M. Sigurðardóttur.

Hugur minn og okkar allra er hjá Grindvíkingum sem horfa nú upp á meiri ógn en fyrri jarðskjálftar og eldgos hafa valdið. Þegar slík vá steðjar að er gott að vita að búið er að rýma bæinn og lífi stafar ekki hætta af eldgosinu. Skelfilegt er að horfa upp á hraunstrauminn nálgast byggðina óðfluga og tjónið er þegar orðið mikið.
Ég bið Guð að blessa Grindvíkinga sem og aðstandendur þeirra sem látist hafa í Grindavík og á Grindavíkurvegi á þessu nýbyrjaða ári.
Guð blessi minningu þeirra og gefi þeim styrk sem eiga um sárt að binda.
Ég bið Guð líka að blessa Grindvíkinga og allt sem þeim er kært á þessum örlagadegi í sögu bæjarins. Á stundum sem þessari þegar mannlegur máttur getur ekki stjórnað för er fátt um svör. Hvar eigum við athvarf og hvar fáum við styrk í slíkum raunum? Hvar er haldreipi að finna og hvar er frið í sál að finna?
Í 16. Davíðssálmi stendur: „Varðveit mig, Guð, því hjá þér leita ég hælis.“ Bæn stígur til Guðs almáttugs um vernd og styrk.
Þegar Móse sem leiddi lýðinn frá Egyptalandi forðum var orðinn aldurhniginn og gat ekki lengur verið leiðtogi fólksins blés hann þjóð sinni kjark í brjóst. Hann fól félaga sínum Jósúa að leiða fólkið síðast spölinn inn í landið fyrirheitna. Hann sagði við hann: „Drottinn fer sjálfur fyrir þér, hann verður með þér. Hann mun hvorki sleppa af þér hendinni né yfirgefa þig. Óttastu ekki og láttu ekki hugfallast.“ Þess sama bið ég Grindvíkingum til handa.
Drottinn Guð. Þú sem hést því að vera með okkur alla daga allt til enda veraldar.
Við biðjum þig að líta í náð þinni til Grindavíkur. Við biðjum fyrir vísindamönnum og viðbraðsaðilum.
Við biðjum fyrir hverjum og einum íbúa Grindavíkur og öllum þeim sem þeim eru kærir.
Við biðjum þig gefa þeim sem ákvarðanir taka vit og styrk til að taka réttar ákvarðanir.
Við biðjum þig afstýra slysum. Við biðjum þig gefa styrk og frið í hjarta. Já, Drottinn Guð.
Við mennirnir erum smáir og vanmáttugir frammi fyrir ógnum náttúrunnar. Lát okkur gera það sem við erum megnug til að bjarga því sem bjargað verður og sætta okkur við það sem við getum ekki ráðið við. Við treystum náð þinni og miskunn. Við treystum því að þú leiðir hlutaðeigandi í gegnum þessar hörmungar.
Drottinn blessi þig og varðveiti þig.
Drottinn láti sína ásjónu lýsa yfir þig og sé þér náðugur.
Drottinn upplyfti sínu augliti yfir þig og gefi þér frið.
Í Jesú nafni. Amen.

 

Laufey Böðvarsdóttir, 14/1 2024

Messa á sunnudaginn klukkan 11.00. Séra Elínborg Sturludóttir, Guðmundur Sigurðsson dómorganisti og Dómkórinn. Verið hjartanlega velkomin!

Laufey Böðvarsdóttir, 12/1 2024

Kirkjan er opin alla virka daga frá 10-14

Viðtalstímar presta eru í safnaðarheimilnu
Lækjargötu 14a,
þri-fös 11-12 og eftir samkomulagi.
Sími: 520-9700.

Skráning í fermingarfræðslu

 

Kirkjustræti, 101 Reykjavík.. Sími 5209700 , fax 5209701 · Kerfi RSS