Dómkirkjan

Nýársdagur 1. janúar Hátíðarmessa klukkan 11.00 Biskup Íslands frú Agnes M. Sigurðardóttir prédikar og séra Elínborg Sturludóttir þjónar fyrir altari. Guðmundur Sigurðsson organisti og Dómkórinn. Kammersveitin Elja, en hana skipa: Sólveig Steinþórsdóttir, fiðla Ísak Ríkharðsson, fiðla Rannveig Marta Sarc, víóla Geirþrúður Anna Guðmundsdóttir, selló Aron Jakob Jónasson, kontrabassi Halldór Bjarki Arnarson, semball

Brasshópur Ýlis á rætur sínar að rekja til Brass Akademíu Ýlis sem Ari Hróðmarsson básúnuleikari stofnaði fyrir um áratug síðan. Þar varð til þéttur hópur málmblástursnemenda á framhaldsstigi á Íslandi. Síðan þá hafa flestir þeirra farið í framhaldsnám í tónlist.

Aðventukransinn byggist á norður-evrópskri hefð. Hið sígræna greni táknar lífið sem er í Kristi og hringurinn táknar eilífðina. Fyrsta kertið nefnist spádómakertið og minnir á fyrirheit spámanna Gamla testamentisins er höfðu sagt fyrir um komu frelsarans. Annað kertið nefnist Betlehemskertið. Þar er athyglinni beint að þorpinu sem Jesús fæddist í, og þar sem ekkert rúm var fyrir hann. Þriðja kertið nefnist hirðakertið en snauðum og ómenntuðum fjárhirðum voru sögð tíðindin góðu á undan öllum öðrum. Fjórða kertið nefnist síðan englakertið og minnir okkur á þá sem báru mannheimi fregnirnar.