Dómkirkjan

 

Kristsdagur verður haldinn í Hörpu laugardaginn 27. sept. 2014. Aðaldagskráin verður í Eldborgarsalnum, kl. 10-12 og 14-16 og síðan tónleikar frá 18-20.

Sjá naánar á kristsdagur.is

Laufey Böðvarsdóttir, 26/9 2014

Prests- og djáknavígsla sunnudaginn 28. september kl.11

Á sunnudaginn kemur verður prests- og djáknavígsla í Dómkirkjunni kl. 11.
Biskup Íslands, frú Agnes M. Sigurðardóttir vígir Kristínu Kristjánsdóttur, djáknakandídat og Mag. Theol. Elín Salóme Guðmundsdóttir. Séra Sveinn Valgeirsson þjónar fyrir altari. organisti er Kári Þormar og Dómkórinn syngur.
Vígsluvottar verða: Sr. Örn Bárður Jónsson, Hólmfríður Ólafsdóttir djákni, sr. Leifur Ragnar Jónsson, sr. Sveinn Valgeirsson og sr. Anna Sigríður Pálsdóttir. 
 

 

 

Laufey Böðvarsdóttir, 26/9 2014

Signý Guðmundsdóttir sýnir fallega handverkið sitt á fyrsta prjónakaffi vetrarins.

Signý var um árabil bóndi í Skálholti,  hún rak þar myndarbú með manni sinum  Guttormi, einnig hefur hún verið handmenntakennari síðan hún lauk Kennaraháskólanum 1985 Textíldeild,1986  og var  eitt ár í smíðadeild KHí.   Signý hefur sótt fjögur námskeið hjá Inge Marie Regnar í þæfingu í Danmörku, úttsaumsnámskeið hjá Björk á Skals og fjölbreytt námskeið tengd silfursmíði og trésmíði.

Prjónakaffið hefat kl. 19 með léttum kvöldverði og kaffi á góðu verði, sjáumst í safnaðarheimilinu Lækjargötu  14a  mánudagskvöldið 29. september.

 

 

 

Laufey Böðvarsdóttir, 23/9 2014

Haustferð fimmtudaginn 25. september

Lagt verður af stað kl. 10 frá safnaðarheimilinu og áætlað er að koma ekki seinna en kl. 16  til baka. Skráning hjá Laufeyju i síma 520-9700 eða 898-9703.

Farið verður í Árnessýsluna, haustlitafegurð og skemmtilegur félagsskapur. Verið velkomin.

Laufey Böðvarsdóttir, 22/9 2014

Saman í bæn fyrir landi og þjóð – Kristsdagur 27. september

Kerti í bænastjaka

Kerti í bænastjaka.

Kristsdagur verður haldinn laugardaginn 27. september í Hörpu með þrískiptri dagskrá frá kl. 10-12, 14-16 og 18-20 í Eldborg. Viðburðurinn er samkirkjulegur og undirbúinn af hópi fólks úr ýmsum kirkjum og kristnum trúfélögum.

Þema dagsins er „Saman í bæn fyrir landi og þjóð“. Dagskrá fyrstu tveggja samveranna verður bæn fyrir hinum ýmsum sviðum samfélagsins auk tónlistar, stuttra ávarpa og ritningarlestur. Fyrir hádegi verður dagskráin með þjóðlegum blæ og eftir hádegi með alþjóðlegum blæ þó svo áherslan sé á bæn fyrir Íslandi og þjóðinni. Hátt í 300 manns munu taka þátt í tónlist og söng, þar af eru nokkrir kórar og lúðrasveit.

Fólk úr mörgum mismunandi kirkjudeildum, alls um 60 manns, mun stíga fram og leiða bænagjörð dagsins. Þar á meðal eru vígslubiskupar, prestar, djáknar og leikmenn. Bæði forseti Íslands og biskup Íslands munu flytja ávörp í upphafi morgunstundarinnar.

Sérstök barnadagskrá fyrir 5-12 ára verður í Silfurbergi á sama tíma sem einkennist af söng, gleði, leik og fræðslu um bænina og mikilvægi hennar. Á svæðinu fyrir framan Eldborg verða kynningarborð þar sem margvíslegt kristilegt starf verður kynnt og sérstakt bænatjald fyrir persónulega fyrirbæn.

Kl. 18-20 verða söngtónleikar í Eldborg þar sem sungin verða nýleg lög og eldri sálmar. Áherslan er á að fólk geti sungið með og lokið þessum degi þannig í lofgjörð til Drottins. Umsjón með tónleikunum hafa Óskar Einarsson og Hrönn Svansdóttir.

Aðgangur er ókeypis á meðan húsrúm leyfir.

Laufey Böðvarsdóttir, 22/9 2014

Bænastund í hádeginu á morgun og Ungdóm annað kvöld.

Á morgun, þriðjudag er fyrirbænastund í hádeginu. Að henni lokinni er létt máltíð í safnaðarheimilinu við Vonarstræti. Stundin er öllum opin og er góður vettvangur til samfélags og fyrirbæna. Fyrirbænir má senda á netfangið domkirkjan@domkirkjan.is eða í síma 520-9700.
Um kvöldið, kl. 19:30 – 21:00 verður Mafíukvöld í Ungdóm, æskulýðsleiðtogarnir okkar taka vel á móti fermingarbörnunum. Farið verður í ráðgátuleikinn Mafíu og ítalskar flatbökur verða á boðstólnum í boði kirkjunnar. Vonumst til að sjá ykkur sem flest!

Laufey Böðvarsdóttir, 22/9 2014

Fyrsta prjónakaffi vetrarins mánudagskvöldið 29. september kl. 19

Fyrsta prjónakvöld vetrarins verður mánudaginn 29. september kl. 19. Við fáum góðan gest til okkar og súpa og kaffi á góðu verði. Nánar auglýst síðar.

Laufey Böðvarsdóttir, 20/9 2014

Hátíðardagur á morgun hjá okkur í Dómkirkjunni.

Séra Sveinn Valgeirsson verður settur inn í embærri dómkirkjuprests af séra Birgi Ásgeirssyni prófasti. Dómkórinn syngur undir stjórn Kára Þormar organista. Skemmtilega barnastarfið á kirkjuloftinu hjá æskulýðsleiðtogunum Óla Jóni og Sigga Jóni. Messukaffi í safnaðarheimilinu. Óskum séra Sveini enn og aftur til hamingju með enbættið og óskum honum til hamingju sem og blessunar í starfi dómkirkjuprests. Verið hjartanlega velkomin.IMG_1624

Laufey Böðvarsdóttir, 20/9 2014

Innsetning séra Sveins Valgeirssonar

Nýr dómkirkjuprestur, sr. Sveinn Valgeirsson verður settur inn í embætti af prófastinum sr. Birgi Ásgeirssyni. Eftir messuna verður boðið upp á veitingar í safnaðarheimilinu. Organisti er Kári Þormar, Dómkórinn syngur. Barnastarfið á kirkjuloftinu á sama tíma í umsjón Óla Jóns og Sigga Jóns. Um kvöldið verður æðruleysismessa kl. 20
sr. Sveinn Valgeirsson og sr. Karl V. Matthíasson þjóna.
Hjartanlega velkomin.

Laufey Böðvarsdóttir, 18/9 2014

Opna húsið á morgun, fimmtudag

Það verður vinafundur í safnaðarheimili Dómkirkjunnar á morgun, fimmtudag þegar opna húið hefst aftur eftir sumarfrí. Haustferðin okkar verður síðan viku seinna eða fimmtudaginn 25. september.
Góð samvera og gott með kaffinu með séra Sveini, við bjóðum hann velkominn í okkar góða hóp.
Hlökkum til að sjá ykkur, allir velkomnir.

Laufey Böðvarsdóttir, 17/9 2014

Kirkjan er opin alla virka daga frá 10-14

Viðtalstímar presta eru í safnaðarheimilnu
Lækjargötu 14a,
þri-fös 11-12 og eftir samkomulagi.
Sími: 520-9700.

Skráning í fermingarfræðslu

 

Kirkjustræti, 101 Reykjavík.. Sími 5209700 , fax 5209701 · Kerfi RSS