Dómkirkjan

Kæru æðruleysismessu vinkonur og vinir, við verðum því miður að fella niður æðruleysismessuna á sunnudaginn vegna stöðu smita í samfélaginu. Nú þarf að huga að sér og viðhafa góðar sóttvarnir. Við leggjum ykkur öll í Guðs hendur og biðjum Drottinn um að leiða ykkur hvert og eitt í átt til áframhaldandi bata. Við látum vita hver staðan er þriðja sunnudag í desember.

Laufey Böðvarsdóttir, 18/11 2021

Örpílagrímaganga klukkan 18.00 á morgun, miðvikudag.
Á fimmtudaginn er gestur okkar í Opna húsinu Eyrún Ingadóttir rithöfundur. Opna húsið er frá klukkan 13.00-15.00 í safnaðarheimilinu, Lækjargötu 14a.
Klukkan 17.00 á fimmtudaginn er tíðasöngur í kirkjunni.
Guðþjónusta á sunnudaginn klukkan 11.00 Karl Sigurbjörnsson, biskup prédikar, Dómkórinn og Kári Þormar. dómorganisti.
Verið velkomin, gætum vel að sóttvörnum, virðum fjarlægðarmörk, sprittum hendur og notum grímur.

Laufey Böðvarsdóttir, 16/11 2021

Vegna útfarar Valgerðar Ólafsdóttur frá Dómkirkjunni 18. nóvember

Boðið er uppá covid-próf í húsi Íslenskrar erfðagreiningar, fyrir þá sem ætla að vera viðstaddir, miðvikudaginn 17. nóvember frá 12-14 og fimmtudaginn 18. nóvember frá 10-12.
Nauðsynlegt er að framvísa niðurstöðu um neikvætt hraðpróf.
Ath: Við athafnir trú- og lífskoðunarfélaga, erfidrykkjur, fermingarveislur og sambærilega viðburði mega allt að 50 einstaklingar vera viðstaddir. Heimilt er að auka fjölda í hólfi í 500 manns ef allir gestir framvísa niðurstöðu um neikvætt hraðpróf sem tekið er á viðurkenndum stöðum og er ekki eldra en 48 klst gamalt.

Laufey Böðvarsdóttir, 16/11 2021

Karl Sigurbjörnsson, biskup prédikar við messu sunnudaginn 21. nóvember klukkan 11.00. Kári Þormar dómorganisti og Dómkórinn. Verið velkomin og gætum vel að sóttvörnum.

Laufey Böðvarsdóttir, 15/11 2021

Guðþjónusta sunnudaginn 14. nóvember klukkan 11.00. Prestur séra Aldís Rut Gísladóttir, Dómkórinn og Kári Þormar. Verið velkomin.Gætum vel að sóttvörnum, sprittum hendur og notum grímur.

Laufey Böðvarsdóttir, 13/11 2021

Tónleikum Dómkórsins sem vera áttu 13. nóvember er aflýst!

Laufey Böðvarsdóttir, 12/11 2021

Finnur þú fyrir óróleika, áhyggjum eða kvíða? Viltu dýpka trúarupplifun þína eða upplifa eitthvað nýtt í helgu rými? Þá gæti KVÖLDKIRKJAN verið eitthvað fyrir þig. Föstudagskvöldið 12. nóvermber verður KVÖLDKIRKJAN í Dómkirkjunni kl. 20-22. Undursamlega heilandi tónheimur, dýnur og koddar og grjónapúðar sem hægt er að leggjast á og slaka á. Kl. 20 og 21 verða hugleiðingar og svo er hægt að hvíla í rýminu og hugleiða, biðja eða slaka bara á og njóta þess að vera. Vertu velkomin/n í Dómkirkjuna í kvöld!

Laufey Böðvarsdóttir, 12/11 2021

Guðþjónusta sunnudaginn 14. nóvember klukkan 11.00. Prestur séra Aldís Rut Gísladóttir, Dómkórinn og Kári Þormar. Verið velkomin

nn

Laufey Böðvarsdóttir, 9/11 2021

Kæru vinir, góð vika framundan. Á morgun, þriðjudag er bæna-og kyrrðarstund í hádeginu. Gott að gefa sér tíma frá amstri dagsins, njóta og hvíla í bæn og tónlist. Léttur hádegisverður í safnaðarheimilinu. Bach tónleikar Ólafs Elíasson þriðjudag kl. 20.30-21.00. Á miðvikudaginn er örpílagrímaganga með séra Elínborgu Sturludóttir klukkan 18.00 frá Dómkirkjunni. Á fimmtudaginn er opið hús klukkan 13.00-15.00 í safnaðarheimilinu. Gestur okkar er Karl Sigurbjörnsson biskup, hann ætlar að segja okkur frá Róm, þeirri sögufrægu borg. Kaffi, meðlæti og gott samfélag. Klukkan 17.00 á fimmtudaginn er tíðasöngur og guðþjónusta á sunnudaginn klukkan 11.00. Kvöldkirkja verður á föstudagskvöldið klukkan 20.00-22.00. Tónleikar Dómkórsins á laugardaginn í Hallgrímskirkju klukkan 17.00. Dómkórinn kveður sér hljóðs eftir tæplega tveggja ára tónleikahlé og syngur verk úr ýmsum áttum á tónleikum í Hallgrímskirkju laugardaginn 13. nóvember kl. 17:00. Efnisskráin spannar allt frá endurreisnartónlist til glænýrra íslenskra verka sem sérstaklega voru samin fyrir Dómkórinn. Tvö verkanna, eftir þau Arngerði Maríu Árnadóttur og Hreiðar Inga Þorsteinsson verða frumflutt á tónleikunum auk þess sem nýtt verk eftir Hafstein Þórólfsson verður flutt í annað sinn opinberlega. Kórinn syngur einnig verk eftir Ola Gjeilo, Eric Whitacre, William Byrd, Hildigunni Rúnarsdóttur, James Macmillan, Atla Heimi Sveinsson, Eriks Esenvalds, Ernu Blöndal, Stefán Arason og Smára Ólason. Viðfangsefnin eru stór og smá: logandi himinhvelfingar, ljúfir draumar, eilífðin og andartakið, kærleikurinn, dauðinn, bæn barnsins og trúarhiti hins sannfærða, aldir og augnablik. Stjórnandi: Kári Þormar Fullt miðaverð er 2.900 krónur en hægt er að kaupa miða í forsölu á 2.500 krónur til og með 11. nóvember. Hlökkum til að sjá ykkur í starfi Dómkirkjunnar, gætum vel að sóttvörnum.

Laufey Böðvarsdóttir, 8/11 2021

Messa klukkan 11.00 á sunnudaginn á kirkjudegi Dómkirkjunnar. Prestar séra Sveinn og séra Elínborg. Kári Þormar dómorganisti og Dómkórinn. Súpa og kaffi í safnaðarheimilinu eftir messu. Verið velkomin!

Laufey Böðvarsdóttir, 5/11 2021

Miðvikudagur